ວັນທີ 31 ມັງກອນ 2023 ຜ່ານມານີ້, ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ກົມພາສີ ກະຊວງການເງິນ, ປະຈໍາ
ການຢູ່ຈຸດປະສານງານນາເລົ່າ ແຂວງບໍລິຄໍາໄຊ, ໄດ້ປະສານສົມທົບກັບເຈົ້າໜ້າທີ່ພາສີປະຈໍາແຂວງຄໍາມ່ວນ, ໄດ້ອອກປະຕິບັດໜ້າທີ່ຕາມສາຍຂ່າວຢູ່ເຂດເມືອງໜອງບົກ ແຂວງຄໍາມ່ວນ ແລະ ໄດ້ຕິດຕາມກວດກາຢຶດລົດກະບະ 4 ປະຕູຈໍານວນ 02 ຄັນຍີ່ຫໍ້ໂຕໂຍຕ້າ ລີໂວ ແລະ ໂຕໂຍຕ້າວີໂກ.
ຜ່ານການສືບສວນ-ສອບສວນເບື້ອງຕົ້ນ: ລົດດັ່ງກ່າວແມ່ນນໍາເຂົ້າມາບໍ່ຖືກຕ້ອງ, ບໍ່ມີເອກກະສານນໍາເຂົ້າເສຍພາສີ-ອາກອນ. ດັ່ງນັ້ນ, ຈຶ່ງໄດ້ມອບລົດທັງ 2 ຄັນໃຫ້ພາສີ ປະຈໍາແຂວງຄໍາມ່ວນດໍາເນີນຂັ້ນຕອນຕາມກົດໝາຍ ແລະ ລະບຽບການຕໍ່ໄປ.
ເຈົ້າໜ້າທີ່ພາສີ ພະແນກສືບສວນ-ສອບສວນ ແລະ ປາບປາມການລັກລອບໜີພາສີ ຢຶດລົດກະບະ 2 ຄັນນໍາເຂົ້າບໍ່ຖືກຕ້ອງ
