ມອບເງິນ 30 ລ້ານກີບ ໃຫ້ນັກກິລາ ປກສ ນຳໃຊ້ເຂົ້າໃນວຽກງານແຂ່ງຂັນກິລາແຫ່ງຊາດ

    0
    49

    ວັນທີ 4 ຕຸລາ 2022, ກຸ່ມບໍລິສັດ ດວງຈະເລີນ ພັດທະນາກໍ່ສ້າງ ຈໍາກັດ ຜູ້ດຽວ ມອບເງິນຈໍານວນ 30 ລ້ານກີບ ໃຫ້ນັກກິລາ ກະຊວງ ປກສ ເພື່ອນໍາໃຊ້ເຂົ້າໃນການເຂົ້າຮ່ວມການແຂ່ງຂັນງານມະຫາກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ທີ່ຈະຈັດຂຶ້ນໃນທ້າຍປີນີ້.

    ຕາງໜ້າມອບໂດຍ ທ່ານ ຄໍາຜາຍ ສີລາຊາ ປະທານກຸ່ມບໍລິສັດ ດວງຈະເລີນ ພັດທະນາກໍ່ສ້າງ ຈໍາກັດ ຜູ້ດຽວ, ກ່າວຮັບໂດຍ ພົຈວ ຄໍາສາຍ ຈັນທະວົງ ຮອງຫົວໜ້າກົມໃຫຍ່ການເມືອງ ປກສ ຮອງຫົວໜ້າຄະນະຮັບຜິດຊອບຊີ້ນໍາລວມກິລາ ກະຊວງ ປກສ, ມີຄະນະທັງສອງຝ່າຍ ເຂົ້າຮ່ວມ.

    ພົຈວ ຄໍາສາຍ ຈັນທະວົງ ກ່າວວ່າ:

    ປັດຈຸບັນ, ນັກກິລາ ກະຊວງ ປກສ ກຳລັງເກັບຕົວຝຶກຊ້ອມ ເພື່ອກຽມເຂົ້າຮ່ວມການແຂ່ງຂັນງານມະຫາກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ໃນທ້າຍປີນີ້.

    ການເຂົ້າຮ່ວມແຂ່ງຂັນໃນຄັ້ງນີ້ ກະຊວງ ປກສ ຈະສົ່ງນັກກິລາເຂົ້າຮ່ວມແຂ່ງຂັນ 65 ສະຫາຍ ຊິງໄຊທັງໝົດ 11 ປະເພດກິລາ ຄື: ແລ່ນ-ລານ, ກະຕໍ້, ເປຕັງ, ມວຍປັນຈັກສີລັດ, ມວຍລາຍລາວ, ມວຍສາກົນ, ມວຍເທຄວັນໂດ້, ມວຍປໍ້າ, ກິລາຍິງປືນ, ກິລາກ໋ອບ ແລະ ຍິງທະນູ.

    ປັດຈຸບັນ, ກະຊວງ ປກສ ໄດ້ສະໜອງງົບປະມານຈໍານວນໜຶ່ງໃຫ້ແກ່ນັກກິລາແລ້ວ ແຕ່ໃນຄວາມເປັນຈິງນັກກິລາຂອງພວກເຮົາ ຍັງມີຄວາມຕ້ອງການງົບປະມານອີກຈໍານວນໜຶ່ງ ເພື່ອໃຊ້ໃນການຝຶກຊ້ອມ ແລະ ແຂ່ງຂັນ; ຕໍ່ກັບເງິນທີ່ ກຸ່ມບໍລິສັດ ດວງຈະເລີນ ພັດທະນາກໍ່ສ້າງ ຈໍາກັດ ຜູ້ດຽວ ມອບໃຫ້ໃນຄັ້ງນີ້ ພວກເຮົາຈະນໍາໃຊ້ເຂົ້າໃນການຝຶກຊ້ອມ ແລະ ເຂົ້າຮ່ວມແຂ່ງຂັນງານມະຫາກຳກິລາແຫ່ງຊາດ ຄັ້ງທີ XI.

    ທ່ານ ຄໍາຜາຍ ສີລາຊາ ກ່າວ ຕື່ມວ່າ: ການທີ່ມອບເງິນປະກອບສ່ວນໃຫ້ທັບນັກກິລາ ກະຊວງ ປກສ ໃນຄັ້ງນີ້ ກໍເພື່ອຕ້ອງການໃຫ້ ທັບນັກກິລາຂອງ ກະຊວງ ປກສ ສ້າງຜົນງານ ແລະ ຍາດໄດ້ໃຫ້ຫຼາຍ ທີ່ສຸດ; ສະນັ້ນ, ຫວັງຢ່າງຍິ່ງວ່າ ເງິນຈໍານວນດັ່ງກ່າວທີ່ບໍລິສັດມອບ ໃຫ້ຈະເປັນສ່ວນໜຶ່ງໃນການປະ ກອບສ່ວນຊ່ວຍໃຫ້ການຝຶກຊ້ອມ ເກັບຕົວ ແລະ ການເຂົ້າຮ່ວມການແຂ່ງຂັນໃນງານມະຫາກຳກິລາ ແຫ່ງຊາດ ຄັ້ງທີ XI ມີຄວາມສະ ດວກສະບາຍດີຂຶ້ນກວ່າເກົ່າ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.