ສາວຄູ ປ່າເຢັ້ງຊາ ລໍ່ ເປັນໃຜ ເຮົາມາຮູ້ຈັກຕົວຕົນສາວງາມຜູ້ນີ້ຫຼາຍຂຶ້ນ

    0
    60

    ນ້ອງປ່າເຢັ້ງຊາ ລໍ່ ໜຶ່ງໃນ 20 ນາງສາວຜູ້ຮ່ວມຊີງມົງໃນເວທີຈັກກະວານປີ 2022 ເວົ້າໄດ້ວ່າເປັນທີ່ສົນໃຈຂອງຜູ້ໄດ້ພົບເຫັນ ແລະຕິດຕາມກອງປະກວດພໍສົມຄວນ ແລ້ວຄົນຈຳນວນຫຼາຍຮູ້ຈັກນ້ອງມາຈາກໃສ ມື້ນີ້ແອັດພາມາຮູ້ຈັກນ້ອງໃຫ້ຫຼາຍຂຶ້ນ.

    ນ້ອງປ່າເຢັ້ງຊາ ລໍ່(ນ້ອງປ່າ) MUL07 ໜຶ່ງຜູ້ເຂົ້າປະກວດໃນເວທີນາງງາມຈັກກະວານປີ 2022 ເປັນສາວລາວເຜົ່າມົ້ງຄົນໜຶ່ງທີ່ກຳເນີດເຕີບໃຫຍ່ມາຈາກແຂວງຊຽງຂວາງ ແດນທົ່ງໄຫຫີນ ເພິ່ນມັກຮັກໃນການຮຽນໂດຍສະເພາະແມ່ນຮຽນພາສາອັງກິດ ເພາະນ້ອງເຊື່ອວ່າການທີ່ເຮົາເວົ້າ, ເຂົ້າໃຈ ແລະເກັ່ງໃນພາສາອັງກິດຈະຊ່ວຍໃຫ້ມີອະນາຄົດທີ່ດີໄດ້!

    ນ້ອງປ່າບໍແມ່ນເດັກຮຽນອິນເຕີມາແຕ່ນ້ອຍ ແຕ່ນ້ອງເປັນຜູ້ຂະຫຍັນມັກຊອກຮູ້ຮ່ຳຮຽນຕາມຊ່ອງທາງຕ່າງໆເທົ່າທີ່ມີ ເປັນໂຊກດີຂອງນ້ອງຢ່າງໜຶ່ງຄືເກີດໃນຍຸກທີ່ມີພ້ອມທັງອິນເຕີເນັດ, ຊ່ອງທາງການຮຽນຮູ້ທີ່ເຂົ້າເຖິງງ່າຍ ນ້ອງຈຶ່ງສະແຫວງຫາສິ່ງທີ່ທີ່ຕົນຄິດວ່າດີຈາກອິນເຕີເນັດຄວບຄູ່ກັບການຮຽນຢູ່ໂຮງຮຽນ ນ້ອງບອກວ່າ ນ້ອງມັກສາວຄູສອນພາສາອັງກິດຄົນໜຶ່ງໃນຊ່ອງຢູທຸບທີ່ສຸດ ເພາະເພິ່ນອອກສຽງເປັນພາສາອັງກິດອາເມລິກັນ ເຊິ່ງຟັງແລ້ວມ່ວນ ນ້ອງຈຶ່ງເລືອກທີ່ຈະຕິດຕາມ ແລະເດີນທາງສາວຄູຄົນນັ້ນ ເພື່ອຫັດຜັນສຽງຕົນເອງໃຫ້ເປັນໄປຕາມເຈົ້າຂອງພາສາ.

    ນອກຈາກນີ້ ນ້ອງຍັງມັກຟັງເພງທີ່ເປັນພາສາອັງກິດ ເພື່ອໃຫ້ເຂົ້າໃຈຄວາມໝາຍຄຳສັບທີ່ຫຼາກຫຼາຍ ໂດຍສະເພາະການໃຊ້ສຽງຄວບຕ່າງ ພ້ອມນີ້ຢູ່ແຂວງຊຽງຂວາງເອງໃນຕອນທີ່ນ້ອງຍັງຮຽນຢູ່ມັດທະຍົມກໍ່ມີສູນພາສາທີ່ສອນໂດຍຄົນຕ່າງປະເທດໃຫ້ນ້ອງໄດ້ໄປຮຽນໄປຝຶກນຳອີກ.

    ຈາກນັ້ນນ້ອງໄດ້ນຳເອົາສິ່ງທີ່ໄດ້ຮຽນມາ ເພື່ອມາແບ່ງປັນໃຫ້ກັບໝູ່ຄູ່ຜ່ານທາງໂຊຊຽວ ໂດຍທາງເຟສບຸກແມ່ນຮຽນຜ່ານເພຈ Learn English with Payengxa ເມື່ອຜູ້ຄົນເຫັນກໍ່ມີຄວາມສົນໃຈ ແລະແຊຕໍ່ໆກັນ ຈົນນ້ອງໄດ້ກາຍເປັນຄູສອນພາສາອັງກິດທາງອອນລາຍໂດຍອັດຕະໂນມັດ ກ່ອນທີ່ຈະເປີດຮັບນັກຮຽນມາສອນຢ່າງຈີງຈັງ.

    ຢ່າງໃດກໍ່ຕາມບົດຮຽນຄວາມຮູ້ທີ່ໄດ້ມາຈາກການຮຽນຮູ້ຜ່ານອອນລາຍ ແລະພື້ນຖານເບື້ອງຕົ້ນແມ່ນຍັງບໍ່ພຽງພໍເທື່ອ ເມື່ອຈົບມັດທະຍົມນ້ອງຈິ່ງຕັດສິນໃຈມາຮຽນຢູ່ ນະຄອນຫຼວງວຽງຈັນ ແລະຕອນນີ້ກຳລັງສຶກສາຢູ່ທີ່ ວິທະຍາໄລລາວອາເມຣິກາ (Lao-American College) ປີສາມ ແລະ ນ້ອງໄດ້ເລືອກຮຽນສາຍຄື ບໍລິຫານທຸລະກິດ.

    ຕິກພັນກັບການຮຽນແລ້ວ ນ້ອງປ່າຍັງ ນ້ອງເປັນ Co-Founder ຜູ້ຮ່ວມລິເລີ່ມກຸ່ມ HmongWomanNetwork ສ້າງເພື່ອຊ່ວຍເຫຼືອແມ່ຍິງມົ້ງໂດຍສະເພາະເດັກຍິງຢູ່ຊົນນະບົດ ທັງເປັນອາສາສະໝັກຊ່ວຍເຫຼືອຜູ້ຕົກທຸກໄດ້ຍາກເຊັ່ນ: ເດັກກຳພ້າ, ຜູ້ເຖົ້າຜູ້ແກ່, ຜູ້ທີ່ບໍ່ມີທີ່ຢູ່ອາໄສຕື່ມອີກ.

    ບາງກິດຈະກຳທີ່ນ້ອງໄປເຮັດ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.