ມອບ-ຮັບໜ້າທີ່ ຫົວໜ້າຫ້ອງສັນຕິບານ ແລະ ອໍານວຍການໂຮງຮຽນ ປກສ ຊັ້ນຕົ້ນເລກ 4

    0
    35

    ກອງບັນຊາການ ປກສ ແຂວງບໍລິຄຳໄຊ ຈັດພິທີມອບ-ຮັບໜ້າທີ່ ຫົວໜ້າຫ້ອງສັນຕິບານ ແລະ ອໍານວຍການໂຮງຮຽນ ປກສ ຊັ້ນຕົ້ນເລກ 4 ໃນວັນທີ 15 ກັນຍາ 2022 ໂດຍການເຂົ້າຮ່ວມຂອງທ່ານ ພັທ ເຄນວອນ ລໍວັນໄຊ ຮອງຫົວໜ້າກອງບັນຊາການ ປກສ ແຂວງບໍລິຄໍາໄຊ, ມີຫົວໜ້າ ແລະ ຄະ ນະຫ້ອງການເມືອງ, ຄະນະຫ້ອງສັນຕິບານ, ຫົວໜ້າພະແນກວິຊາສະເພາະ, ຄະນະຜູ້ອໍານວຍການ, ຄູ-ອາຈານ, ຕະຫຼອດຮອດນັກຮຽນໂຮງ ຮຽນ ປກສ ຊັ້ນຕົ້ນເລກ 4 ເຂົ້າຮ່ວມ ເປັນສັກຂີ່ພະຍານ.

    ການມອບຮັບໜ້າທີ່ໃນຄັ້ງນີ້, ແມ່ນປະຕິບັດຕາມຂໍ້ຕົກລົງຂອງລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການຍົກຍ້າຍ ແລະ ແຕ່ງຕັ້ງນາຍຕໍາຫຼວດທີ່ຂຶ້ນກັບກອງບັນຊາການ ປກສ ແຂວງບໍລິຄໍາໄຊ. ໃນນີ້, ໄດ້ມອບ-ຮັບໜ້າທີ່ລະຫວ່າງ ພັທ ສຸກສະຫວັນ ບຸບຜາພັນ ຫົວໜ້າຫ້ອງສັນຕິບານຜູ້ເກົ່າ ແລະ ພັອ ຜາຂົງ ດອກມະນີຈັນ

    ຫົວໜ້າຫ້ອງສັນຕິບານຜູ້ໃໝ່, ພັທ ປະຊັນ ຫຼວງພິທັກ ຜູ້ອໍານວຍການໂຮງຮຽນ ປກສ ຊັ້ນຕົນເລກ 4 ຜູ້ເກົ່າ ແລະ ພັທ ບຸນນິດ ໂຮມຄະສິດ ຜູ້ອໍານວຍການໂຮງຮຽນ ປກສ ຊັ້ນຕົ້ນ ເລກ 4 ຜູ້ໃໝ່, ເພື່ອເປັນການປັບປຸງກົງຈັກການຈັດຕັ້ງໃຫ້ມີຄວາມໜັກແໜ້ນ, ເຂັ້ມແຂງ ພ້ອມປະຕິບັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ມີຜົນສຳເລັດ.

    ພັທ ເຄນວອນ ລໍວັນໄຊ ໃຫ້ກຽດໂອ້ລົມຕໍ່ບັນດາສະຫາຍທີ່ໄດ້ຮັບການແຕ່ງຕັ້ງ ແລະ ໄດ້ຮັບໜ້າທີ່ໃໝ່ ຈົ່ງພ້ອມກັນສືບຕໍ່ເພີ່ມທະວີວຽກງາ ການເມືອງ-ນໍາພາແນວຄິດໃຫ້ນາຍ ແລະ ພົນຕໍາຫຼວດ ໃນການນໍາພາຄຸ້ມຄອງຢ່າງເປັນປົກກະຕິຕໍ່ເນື່ອງ ເອົາໃຈໃສ່ປັບປຸງແບບແຜນວິທີນໍາພາ-ວິທີເຮັດວຽກຢ່າງມີວິທະຍາສາດ ແລະ ທັນສະໄໝ, ສືບຕໍ່

    ປັບປຸງກໍ່ສ້າງພັດທະນາພື້ນຖານໂຄງລ່າງ, ຮັກສາວັດຖຸອຸປະກອນ, ພາຫະນະຮັບໃຊ້ທີ່ມີຢູ່ແລ້ວໃຫ້ດີ, ເຕົ້າໂຮມຄວາມສາມັກຄີເປັນເອກະພາບຕໍ່ໝູ່ຄະນະ, ຍົກສູງຄວາມຮັບຜິດຊອບຕໍ່ໜ້າທີ່ການເມືອງ ກໍຄືວຽກງານປ້ອງກັນຄວາມສະຫງົບໃນແຕ່ລະໄລຍະ, ສືບຕໍ່ເອົາໃຈໃສ່ຊີ້ນໍາ-ນໍາພາເຮັດວຽກງານວິຊາສະເພາະດ້ານຕ່າງໆທີ່ການຈັດຕັ້ງຂັ້ນເທິງມອບໝາຍໃຫ້ໄດ້ຮັບຜົນສໍາເລັດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.