ປກສ ເມືອງນາຊາຍທອງ ຈັບເປົ້າໝາຍຄ້າຂາຍຢ າ ເ ສ ບ ຕ ິ ດ 3 ຄົນ

    0
    60

    ຕາມການລາຍງານຂອງ ທ່ານ ພັທ ບຸນມີ ກັນຕິຍາວົງ ຮອງຫົວໜ້າ ກອງບັນຊາການ ປກສ ເມືອງນາຊາຍທອງ ນະຄອນຫລວງວຽງຈັນ ໃຫ້ຮູ້ວ່າ: ພາຍຫລັງໄດ້ຮັບການລາຍງານ ວ່າມີການເຄື່ອນໄຫວຄ້າຂາຍຢາເສບຕິດ ຢູ່ເຂດບ້ານອີ່ໄລເໜືອ ຈຶ່ງໄດ້ລົງເກັບກໍາຂໍ້ມູນ ມີຫລັກຖານໜັກແໜ້ນຮັດກຸມ ຮອດວັນທີ 16 ກັນຍາ 2022 ເວລາ

    15:30 ໂມງ ປກສ ເມືອງນາຊາຍທອງ ສົມທົບກັບ ພາກສ່ວນກ່ຽວຂ້ອງ ເຂົ້າຈັບຕົວ ທ້າວ ຈຸນມະນີ ຢູ່ບ້ານ ອີ່ໄລໃຕ້, ນາງ ທີບພະຈັນ ອາຍຸ 22 ປີ ປະຊາຊົນ ຢູ່ບ້ານ ນາຊາຍທອງເໜືອ ແລະ ທ້າວ ພູຂັນ ອາຍຸ 33 ປີ ພ້ອມຢາບ້າ 2.190 ເມັດ, ມາດໍາເນີນຄະດີ.

    ສອບສວນເບື້ອງຕົ້ນ ພວກກ່ຽວ ຮັບສາລະພາບວ່າ: ໄດ້ຮ່ວມກັນຄ້າຂາຍຢາບ້າ ແທ້ ໂດຍແມ່ນ ນາງ ທິບພະຈັນ ເປັນຜູ້ຮັບເອົາຢາບ້ານໍາຜູ້ຊາຍບໍ່ຊາບຊື່ ແລະ ທີ່ຢູ່ ມາຂາຍໃຫ້ກຸ່ມແກ້ງທີ່ຕ້ອງການ ຄັ້ງສຸດທ້າຍວັນທີ 15 ກັນຍາ 2022 ນາງ ທິບພະຈັນ ໄດ້ໄປ ຮັບຢາບ້ານໍາຊາຍຄົນດັ່ງກ່າວຕື່ມອີກ 2076 ເມັດ; ຈາກນັ້ນນຳເອົາຢາບ້າ ມາຊຸກ

    ເຊື່ອງໄວ້ຫ້ອງນອນຂອງຕົນ ແລ້ວໄດ້ຕິດຕໍ່ຈຳໜ່າຍຂາຍໃຫ້ ທ້າວ ພູຂັນ 200 ເມັດ, ພາຍຫຼັງ ທ້າວ ພູຂັນ ໄດ້ຮັບຢາບ້າມາແລ້ວ ກໍເອົາໄປຂາຍຕໍ່ໃຫ້ ທ້າວ ຈຸນມະນີ ຈາກນັ້ນກໍຖືກເຈົ້າໜ້າທີ່ ຈັບຕົວມາດຳເນີນຄະດີ.

    ປັດຈຸບັນ ເຈົ້າໜ້າທີ່ກຳລັງເລັ່ງສືບສວນ-ສອບສວນ ຂະຫຍາຍຜົນສືບຄົ້ນຫາຜູ້ຮ່ວມຂະບວນການ ມາດໍາເນີນຄະດີຕາມຂັ້ນຕອນຂອງກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.