ນະຄອນໄກສອນ ພົມວິຫານ ທຳລາຍສິນຄ້າເສື່ອມຄຸນ-ໝົດອາຍຸການນໍາໃຊ້ 56 ລາຍການ ມູນຄ່າ 155 ລ້ານກວ່າກີບ

    0
    67

    ວັນທີ 11 ສິງຫາ 2022 ຜ່ານມານີ້, ທ່ານ ຄຳສີເພັດ ໄຊຍະວົງ ຫົວໜ້າຫ້ອງການອຸດສາຫະກຳ ແລະ ການຄ້ານະຄອນ ໄດ້ລາຍງານໃຫ້ຮູ້ວ່າ: ຜ່ານການຈັດຕັ້ງປະຕິບັດໃນໄລຍະຜ່ານມາ, ທາງຫ້ອງການ ກໍຄືເຈົ້າໜ້າທີ່ກວດກາການຄ້າ ໄດ້ເອົາໃຈໃສ່ລົງຕິດຕາມກວດກາສິນຄ້າທີ່ລະເມີດຕໍ່ກົດລະບຽບຄຸ້ມຄອງການຄ້າເປັນຕົ້ນ: ສິນຄ້າເສື່ອມຄຸນ, ສິນຄ້າໝົດອາຍຸການນໍາໃຊ້, ສິນຄ້າຫ້າມ

    ຈຳໜ່າຍ, ສິນຄ້າທີ່ມີສານປົນເປື້ອນ ແລະ ສິນຄ້າບໍ່ໄດ້ມາດຕະຖານ ຢູ່ຕາມຫ້າງຮ້ານ, ຮ້ານສະດວກຊື້, ຕະຫຼາດ, ສາງເກັບມ້ຽນ, ສະຖານທີ່ບໍລິການຕ່າງໆໃນເທດສະບານນະຄອນ ໃນນີ້ ສາມາດ

    ເຄື່ອນໄຫວກວດກາສິນຄ້າຮ້ານສະດວກຊື້ໄດ້ 23 ຮ້ານ, ຮ້ານຂາຍຍ່ອຍ 75 ຮ້ານ, ຮ້ານຂາຍອາຫານສົດ ແລະ ອາຫານທະເລ ໄດ້ 7 ຮ້ານ, ສາງແຊ່ເຢັນ 6 ສາງ, ຄລີນິກເສີມຄວາມງາມ 6 ຮ້ານ, ຮ້ານນວດສະປາ 9 ຮ້ານ ຊຶ່ງສາມາດກວດຢຶດ-ອາຍັດສິນຄ້າໄດ້ດັ່ງນີ້: ປະເພດສິນຄ້າເສື່ອມຄຸນະພາບ (ເສຍຄຸນ) ມີຈໍານວນ 56 ລາຍການ ມູນຄ່າລວມ 155.324.500 ກີບ.

    ພິທີການທຳລາຍສິນຄ້າໃນຄັ້ງນີ້ ກໍເພື່ອເຮັດໃຫ້ຜູ້ຂາຍ ແລະ ຜູ້ຊື້ ເຫັນໄດ້ຄວາມສຳຄັນໃນການຄັດເລືອກເອົາສິນຄ້າທີ່ມີຄຸນະພາບມາຈຳໜ່າຍ, ຊົມໃຊ້ ແລະ ບໍລິໂພກສິນຄ້າທີ່ໄດ້ຕາມມາດຖານ ທັງຮັບປະກັນທາງດ້ານສຸຂະພາບຂອງຕົນເອງ ແລະ ຄົນໃນຄອບຄົວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.