ຜູ້ໂດຍສານລົດໄຟໃນແອັດສະປາຍ ພົບໄຟປ່າລາມເຂົ້າມາໃກ້ກັບຮາງລົດໄຟ ເຊິ່ງມີຜູ້ໂດຍສານຈຳນວນໜຶ່ງໜີຕາຍອອກມາ ເຮັດໃຫ້ມີຜູ້ໂດຍສານໄດ້ຮັບບາດເຈັບຍ້ອນໄຟໄໝ້

    0
    94

    ຜູ້ໂດຍສານລົດໄຟໃນແອັດສະປາຍ ພົບໄຟປ່າລາມເຂົ້າມາໃກ້ກັບຮາງລົດໄຟ ເຊິ່ງມີຜູ້ໂດຍສານຈຳນວນໜຶ່ງໜີຕາຍອອກມາ ເຮັດໃຫ້ມີຜູ້ໂດຍສານໄດ້ຮັບບາດເຈັບຍ້ອນໄຟໄໝ້ ຢ່າງໜ້ອຍ 10 ຄົນ.

    ສຳນັກຂ່າວ ບີບີຊີ ລາຍງານວ່າ: ປະມານຕອນບ່າຍຂອງວັນທີ 16 ສິງຫາ ລົດໄຟຂະບວນໜຶ່ງໄດ້ປະເຊີນກັບເຫດໄຟໄໝ້ປ່າ ຈາກເຂດບາເລນເຊຍ ຂອງປະເທດແອັດສະປາຍ ໄດ້ລຸກລາມເຂົ້າມາໃກ້ກັບລົດໄຟ ຈົນເຮັດໃຫ້ຜູ້ໂດຍສານເທິງລົດໄຟພະຍາຍາມໜີລົງມາຈາກລົດໄຟ ເຊິ່ງມີຄົນໄດ້ຮັບບາດເຈັບຫຼາຍກວ່າ 10 ຄົນ ໃນນີ້ມີຜູ້ໄດ້ຮັບບາດເຈັບສາຫັດ 3 ຄົນ.

    ພະນັກງານລົດໄຟ ໄດ້ໃຫ້ຜູ້ໂດຍສານທຸກຄົນໃຫ້ຢູ່ເທິງລົດໄຟ ແຕ່ກໍຍັງມີຜູ້ໂດຍສານຈຳນວນໜຶ່ງທີ່ຢ້ານຕື່ນທີ່ເຫັນໄຟໄໝ້ລາມມາຈົນໃກ້ຊິຮອດລົດໄຟ ຈຶ່ງພາກັນໜີລົງລົດໄຟ ເຊິ່ງບາງຄົນກໍທຸບແກ້ວແວ່ນເພື່ອໜີ ຈົນໄດ້ຮັບບາດເຈັບ ຍ້ອນຖືກໄຟໄໝ້ຕາມຮ່າງກາຍ ແລະ ມີຄົນໄດ້ຮັບບາດເຈັບສາຫັດ ຈົນຕ້ອງໄດ້ນຳຂຶ້ນຍົນແຮລີຄັອບເຕີ ເພື່ອນຳສົ່ງໂມງໝໍຢ່າງຮີບດ່ວນ, ແຕ່ຜູ້ໂດຍສານທີ່ຍັງຢູ່ເທິງລົດໄຟແມ່ນບໍ່ມີໃຜໄດ້ຮັບບາດເຈັບແຕ່ຢ່າງໃດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.