ເຈົ້າໜ້າທີ່ ປກສ ແຂວງເຊກອງ ປະຕິບັດວິໄນຕຳຫຼວດ 5 ສະຫາຍ ອອກຈາກກຳລັງ

    0
    69

    ໃນວັນທີ 9 ສິງຫາ 2022, ກອງບັນຊາການ ປກສ ແຂວງເຊກອງ ໄດ້ຈັດພິທີປະກາດປະຕິບັດວິໄນຕຳຫຼວດ ຈຳນວນ 5 ສະຫາຍ ອອກຈາກກຳລັງ ຍ້ອນມີການກະທຳຜິດຕໍ່ກົດໝາຍ ວ່າດ້ວຍ ກຳລັງປ້ອງກັນຄວາມສະຫງົບ ພາກທີ V ມາດຕາ 39 ຂໍ້ 1 ແລະ ປະມວນກົດໝາຍອາຍາ ມາດຕາ 320 ເຊິ່ງກໍຄື ຜູ້ກ່ຽວມີການພົວພັນເສບຢາເສບຕິດ (ປະເພດຢາບ້າ), ໂດຍມີ ພັທ ຄຳບານ ພົມມະນີວົງ ຮອງຫົວໜ້າກອງບັນຊາການ ປກສ ແຂວງເຊກອງ, ມີຄະນະພັກ-ຄະນະຫ້ອງ 7 ຫ້ອງ, 1 ກອງ, 1 ຄ້າຍ ແລະ ພະນັກງານ-ນັກຮົບ ເຂົ້າຮ່ວມ.

    ພັທ ຄຳບານ ພົມມະນີວົງ ຮອງຫົວໜ້າກອງບັນຊາການ ປກສ ແຂວງເຊກອງ

    ພັທ ພອນວິຈິດ ກີບເກສອນ ຮອງຫ້ອງການເມືອງ ໄດ້ຜ່ານຄຳເຫັນວ່າດ້ວຍ ການປະຕິບັດວິໄນພົນຕຳຫຼວດຂອງ ຫົວໜ້າກົມໃຫຍ່ການເມືອງປ້ອງກັນ ຄວາມສະຫງົບ, ຂໍ້ຕົກລົງຂອງ ກົມໃຫຍ່ການເມືອງປ້ອງກັນຄວາມສະຫງົບ ແລະ ຜ່ານຂໍ້ຕົກລົງຂອງ ກອງບັນຊາການ ປກສ ແຂວງເຊກອງ ວ່າດ້ວຍ ການປະຕິບັດວິໄນນາຍ ແລະ ພົນຕຳຫຼວດ ໃນກຳລັງ ປກສ ແຂວງ; ໃນນີ້, ກອງບັນຊາການ ປກສ ແຂວງເຊກອງ ຕົກລົງປະຕິບັດວິໄນນາຍ ແລະ ພົນຕຳຫຼວດ ອອກຈາກກຳລັງປ້ອງກັນຄວາມສະຫງົບ ຈຳນວນ 5 ສະຫາຍ ຍິງ 1 ສະຫາຍ ຄື:

    ພັທ ພອນວິຈິດ ກີບເກສອນ ຮອງຫ້ອງການເມືອງ ວທ ໄພສະຫວັນ ເພັດກຸມເມືອງ ໜ້າທີ່ຮັບຜິດຊອບ ຮອງຫົວໜ້າໜ່ວຍງານ , ວທ ລັດຕະນະ ດວງຄຳ ໜ້າທີ່ຮັບຜິດຊອບ ວິຊາການ

    ຮຕ ຈະເລີນທອງ ແກ້ວມີສີ ໜ້າທີ່ຮັບຜິດຊອບ ຫົວໜ້າໜ່ວຍງານ , ຮທ ນາງ ສຸດຖະໜອມ ວໍລະດາ ໜ້າທີ່ຮັບຜິດຊອບ ວິຊາການ , ຮຕ ພົງເພັດ ໃພທິສານ ໜ້າທີ່ຮັບຜິດຊອບ ຫົວໜ້າໜ່ວຍງານ

    ໃນພິທີ, ພັທ ຄຳບານ ພົມມະນີວົງ ໄດ້ຮຽກຮ້ອງມາຍັງບັນດາທ່ານຄະນະພັກ-ຄະນະບັນຊາທຸກຂັ້ນ ຕ້ອງເອົາໃຈໃສ່, ເປັນເຈົ້າການສຶກສາອົບຮົບການເມືອງ-ແນວຄິດ ໃຫ້ກຳລັງເຫຼົ່າຮົບວິຊາສະເພາະຂອງຕົນ ໃຫ້ຕໍ່ເນື່ອງ ແລະ ປົກກະຕິ ດ້ວຍການເຊື່ອມຊຶມບັນດາມະຕິ, ຄຳສັ່ງຕ່າງໆຂອງພັກ-ລັດ ແລະ ລະບຽບກົດໝາຍຂອງກຳລັງປ້ອງກັນຄວາມສະຫງົບ ໃຫ້ມີຄວາມໝັກແໜ້ນ ແລະ ເຂັ້ມງວດ, ເພີ່ມທະວີຄວາມເປັນເຈົ້າການໃນການປະຕິບັດໜ້າທີ່ວຽກງານ, ກຳແໜ້ນສະພາບການເຄື່ອນໄຫວຂອງສັດຕູ ແລະ ກຸ່ມຄົນບໍ່ດີ, ປະຕິບັດການແກ້ໄຂບັນຫາປະກົດການຫຍໍ້ທໍ້ ທີ່ເກີດຂຶ້ນຢູ່ກຳລັງ ແລະ ສັງຄົມ ໃຫ້ຫຼຸດໜ້ອຍຖອຍລົງ.

    ພ້ອມກັນນີ້, ບັນດາສະຫາຍ ຕ້ອງພະຍາຍາມຝຶກຝົນຫຼ່ໍຫຼອມຕົນເອງ, ສ້າງທັດສະນະແນວຄິດຄຸນສົມບັດສິນທຳປະຕິບັດ ແລະ ຮັກສາທາດແທ້ມູນເຊື້ອປະຕິບັດຂອງກຳລັງປ້ອງກັນຄວາມສະຫງົບ, ເອົາໃຈໃສ່ເຊື່ອມຊຶມກົດລະບຽບຕ່າງໆຂອງພັກ-ລັດ ກໍຄື ກົດໝາຍ ແລະ 17 ຂໍ້ຫ້າມ ຂອງກຳລັງປ້ອງກັນຄວາມສະຫງົບ ວາງອອກ, ປັບປຸງກົງຈັກການຈັດຕັ້ງ ແລະ ລະບົບແບບແຜນວິທີການເຮັດວຽກຂອງບັນດາເຫຼົ່າລົບວິຊາສະເພາະ ໃຫ້ໜັກແໜ້ນ ແລະ ທັນກັບເວລາ, ປະຕິບັດລະບົບສ່ອງແສງລາຍງານ ໃຫ້ເປັນລະບົບຕໍ່ເນື່ອງ ແລະ ເປັນປົກກະຕິ, ສືບຕໍ່ແກ້ໄຂບັນດາປະກົດການຫຍໍ້ທໍ້ ໃນກຳລັງປ້ອງກັນຄວາມສະຫງົບ, ສ້າງຄວາມສາມັກຄີພາຍໃນໃຫ້ເປັນປຶກແຜນທັງພາຍໃນ ແລະ ພາຍນອກໃຫ້ກວ້າງຂວາງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.