2 ຜົວເມຍຫັວງລວຍທາງລັດ ຖືກຈັບພ້ອມຢ າ ບ ້ າຫຼາຍກວ່າ 6 ລ້ານເມັດ ຢູ່ເມືອງຕົ້ນເຜິ້ງແຂວງບໍ່ແກ້ວ

    0
    83

    ເຈົ້າໜ້າທີ່ຕຳຫຼວດ ປກສ ເມືອງຕົ້ນເຜິ້ງ ແຂວງບໍ່ແກ້ວ ໄດ້ຕິດຕາມ ແລະ ສາມາດກັກຕົວເປົ້າໝາຍຄ້າຂາຍ ຫຼື ຂົນສົ່ງຢ າ ເ ສ ບ ຕ ິ ດປະເພດຢ າ ບ ້ າ ແລະ ຢາ ໄອ ເມື່ອມໍ່ໆມານີ້ ໄດ້ 2 ຄົນຄື: ທ້າວ ພອນ ສຸຕະວົງ ອາຍຸ 45 ປີ ແລະ ນາງ ມອນ ສຸຕະວົງ ອາຍຸ 43 ປີ ຢູ່ບ້ານສີບຸນເຮືອງ ເມືອງຕົ້ນເຜີ້ງ ແຂວງບໍ່ແກ້ວ ທັງສອງຄົນແມ່ນເປັນຜົວເມຍກັນ, ພ້ອມທັງກວດຄົ້ນເຮືອນພວກກ່ຽວ

    ສາມາດຍຶດໄດ້ເຄື່ອງຂອງກາງຢ າ ເ ສ ບ ຕ ິ ດ (ປະເພດຢ າ ບ ້ າ) ຈຳນວນ 3.304 ມັດ ເທົ່າກັບ 6.608.000ເມັດ, ນ້ຳໜັກລວມ 733 ກິໂລກຣາມ ແລະ ຢ າ ເ ສ ບ ຕ ິ ດ (ປະເພດຢ າ ໄ ອ) 1 ກິໂລກຣາມ, ລົດໃຫຍ່ 3 ຄັນ, ລົດຈິບປຣາໂດ 1 ຄັນ, ລົດກະບະຣີໂວ 1 ຄັນ, ລົດກະບະນິດສັນ 1 ຄັນ, ເງິນກີບ ຈຳນວນ 80.000.000, ເງິນບາດຈຳນວນ 4.109.000 ບາດ, ເງິນຢວນຈຳນວນ 10.000 ຢວນ.

    ປັດຈຸບັນນີ້, ເຈົ້າໜ້າທີ່ທີ່ກ່ຽວຂ້ອງພວມດຳເນີນການສືບສວນ-ສອບສວນ ຫາກຸ່ມແກ້ງ ເຄືອຂ່າຍ ຮ່ວມຂະບວນການ.

    ກ່ອນໜ້າທີ່ຈະຈັບກຸມສອງຜົວເມຍ ແລະ ຢຶດຢ າ ບ ້ າ, ລົດ ແລະ ເງິນດັ່ງກ່າວນັ້ນ, ກອງບັນຊາການ ປກສ ແຂວງ ໄດ້ຮັບແຫຼ່ງຂ່າວຈາກສູນປະສານງານ 4 ຝ່າຍປະຈຳບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ ວ່າຈະມີກຸ່ມຄົນບໍ່ດີລັກລອບຂົນສົ່ງຢ າ ເ ສ ບ ຕ ິ ດຈາກປະເທດມຽນມາ ເຂົ້າມາ ແຂວງບໍ່ແກ້ວ (ເມືອງຕົ້ນເຜິ້ງ) ຈາກນັ້ນ, ກອງບັນຊາການ ປກສ ແຂວງຈຶ່ງໄດ້ຊີ້ນຳຫ້ອງການວິຊາສະເພາະທີ່ກ່ຽວຂ້ອງ ລົງສົມທົບກັບສູນປະສານງານ 4 ປະເທດ (ຝ່າຍຈີນ) ທີ່ປະຈຳຢູ່ດ່ານບ້ານມອມລົງກວດ ຕິດຕາມ ເປົ້າໝາຍ ແລະ ສາມາດຈັບກຸມໄດ້.

    ຂໍ້ມູນ-ພາບ: ສູນປະສານງານ 4 ຝ່າຍປະຈຳບ້ານມອມ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.