15-21 ສິງຫາ ຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນ

    0
    81

    ສະພາບອາກາດ ໄລຍະວັນທີ 08-14 ສິງຫາ 2022 ແລະ ຄາດຄະເນສະພາບ ອາກາດ ແຕ່ວັນທີ 15-21 ສິງຫາ 2022

    ໃນໄລຍະຕົ້ນອາທິດຜ່ານມາ ແຕ່ວັນທີ 08 ສິງຫາ 2022 ຮ່ອງຄວາມກົດ ດັນອາກາດຕໍ່າໄດ້ພາດຜ່ານເຂດພາກກາງ ແລະ ພາກໃຕ້ຂອງປະເທດລາວ ປ່ອງເຂົ້າສູ່ລົມພາຍຸດີເປຊັນ ທີ່ຢູ່ເຂດທະເລຈີນໃຕ້ ແລະ ໄດ້ເພີ່ມກໍາລັງແຮງ ຂຶ້ນການເປັນພາຍຸເຂດຮ້ອນ ມູລານ MULAN ຫົວທີ 7 ໃນວັນທີ 09-10 ສິງຫາ 2022 ໄດ້ເຄື່ອນທີ່ຢູ່ທາງພາກເໜືອຕອນເທິງທີ່ເກາະໄຮໜານ ຂອງປະເທດຫວຽດນາມ

    ສົມທົບກັບລົມມມໍລະສຸມຕາເວັນຕົກສ່ຽງໃຕ້ ພັດປົກຄຸມດ້ວຍກໍາລັງແຮງ ໄດ້ເຮັດໃຫ້ມີຝົນຕົກ ຟ້າຮ້ອງ ຟ້າເຫລືອມ ໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກໜັກ ຫາ ໜັກ ຫລາຍ ພ້ອມມີລົມພັດແຮງຢູ່ບາງທ້ອງຖິ່ນ ແຂວງພາກກາງ ລົງຫາ ພາກໃຕ້. ຈາກນັ້ນໃນໄລຍະວັນທີ 11-13 ສິງຫາ 2022 ພາຍຸໝຸນເຂດຮ້ອນ ໄດ້ອ່ອນກໍາລັງລົງກາຍເປັນພາຍຸດີເປຊັນ ແລະ ໄດ້ເຄື່ອນເຂົ້າທາງເຂດພາກ ເໜືອຂອງປະເທດລາວ ຊຶ່ງໄດ້ເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມ ໃນລະດັບຄ່ອຍ ຫາ ປານກາງ ແລະ ຕົກໜັກ ຫາ ໜັກຫລາຍ ພ້ອມມີລົມ ພັດແຮງຢູ່ບາງທ້ອງຖິ່ນ ແຂວງພາກເໜືອ ແລະ ພາກກາງຂອງປະເທດ ລາວ.

    ຈາກສະພາບຝົນຕົກໜັກຕິດຕໍ່ກັນຫລາຍໃນໄລຍະພາຍຸໝຸນເຂດ ຮ້ອນ ມູລານ MULAN ພັດຜ່ານໄດ້ເຮັດໃຫ້ລະດັບນໍ້າໃນແມ່ນໍ້າຕ່າງໆ ຂຶ້ນສູງລົ້ນຕາຝັ່ງ ແລະ ເກີດມີນໍ້າຖ້ວມຊຸ ນໍ້າຖ້ວມອັ່ງຢູ່ບາງທ້ອງຖິ່ນເຊັ່ນ: ເຊໂດນ ເມືອງວາປີ ແຂວງສາລະວັນ, ເຊໂດນ ສຸວັນນະຄີລີ ເມືອງຊະນະສົມບູນ ແຂວງຈໍາປາສັກ. ນໍ້າຊໍາ ເມືອງຊໍາເໜືອ ແຂວງຫົວພັນ. ນໍ້າປາ ເມືອງໂພນໄຊ ແຂວງຫລວງພະບາງ. ນໍ້າຖ້ວມຊຸ ເມືອງເງິນ ແລະ ເມືອງຫົງສາ ແຂວງໄຊຍະບູລີ ລວມທັງບາງບໍລິເວນໃນ ເຂດຕົວເມືອງ ນະຄອນຫລວງວຽງຈັນ ກໍໄດ້ມີນໍ້າຖ້ວມອັ່ງ ໂດຍສະເພາະ ຢູ່ຕາມເສັ້ນທາງ.

    ຄາດຄະເນສະພາຍອາກາດໃນໄລຍະຕົ້ນອາທິດ ວັນທີ 15-21 ສິງຫາ 2022 ຄວາມກົດດັນອາກາດຕໍ່າຂອງອາກາດຮ້ອນຈະປົກຄຸມຢູ່ທຸກພາກຂອງ ປະເທດລາວ ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມເປັນ ສ່ວນໃຫຍ່ ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນແຂວງພາກ ເໜືອ. ຈາກນັ້ນໃນໄລຍະກາງ ຫາ ທ້າຍອາທິດ ວັນທີ 17-21 ສິງຫາ 2022 ຮ່ອງຄວາມກົດດັນອາກາດຕໍ່າຈະພາດຜ່ານພາກເໜືອ ແລະ ພາກກາງ ຂອງປະເທດລາວ ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ຈະເພີ່ມ ກໍາລັງແຮງຂຶ້ນ ພັດປົກຄຸມເປັນສ່ວນໃຫຍ່ ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນໃນແຕ່ລະພາກ.

    ຈາກສະພາບຝົນຕົກໜັກ ຟ້າຮ້ອງ ຟ້າເຫລື້ອມ ນໍ້າຖ້ວມ ແລະ ດິນ ເຈື່ອນນັ້ນ ເນື່ອງຈາກວ່າ ໃນໄລຍະວັນທີ 17-21 ສິງຫາ 2022 ລົມມໍລະສຸມ ຕາເວັນຕົກສ່ຽງໃຕ້ຈະເພີ່ມກໍາລັງແຮງຂຶ້ນພັດປົກຄຸມເປັນສ່ວນໃຫຍ່ ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານ ກາງໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນ ໃນແຂວງພາກເໜືອ ດ້ານຕາເວັນຕົກ ລົງຫາ ພາກກາງ ແລະ ພາກໃຕ້.

    ດັ່ງນັ້ນ ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າ, ອໍານາດການປົກຄອງ ແລະ ອົງການຈັດຕັ້ງທຸກພາກສ່ວນ ຈົ່ງມີສະຕິລະມັດລະວັງຕໍ່ສະພາບ ຝົນຕົກໜັກ ນໍ້າຖ້ວມຊຸ ນໍ້າຖ້ວມຍຶ່ງ ແລະ ດິນເຈື່ອນ ເນື່ອງຈາກຈະມີ ຝົນຕົກໜັກຕິດຕໍ່ກັນຫລາຍວັນ. ພ້ອມນີ້ຂໍໃຫ້ຕິດຕາມການລາຍງານ ຂ່າວພະຍາກອນອາກາດຈາກ ກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈໍາ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.