ເຈົ້າໜ້າທີ່ ສຶກສາອົບຮົມຊາວໜຸ່ມ-ໄວໜຸ່ມຜູ້ທີ່ຫຼົງຜິດ ຕິດຢ າ ເ ສ ບ ຕ ິ ດ ຈໍານວນ 144 ຄົນ

    0
    82

    ເພື່ອເປັນການສຶກສາອົບຮົມການເມືອງ-ນຳພາແນວຄິດ ໃຫ້ຊາວໜຸ່ມ-ໄວໜຸ່ມ ທີ່ຫຼົງຜິດຕິດຢ າ ເ ສ ບ ຕ ິ ດ ໄດ້ຮັບການປັບປຸງແນວຄິດ, ຈິດໃຈ ເພື່ອຫັນປ່ຽນວິທີຊີວິດການເປັນຢູ່ ຄືນກັບສູ່ຄອບຄົວ, ສັງຄົມ ແລະ ປະເທດຊາດ; ໃນວັນທີ 9 ສິງຫາ 2022 ນີ້, ຢູ່ທີ່ສູນສຶກສາອົບຮົມຢາເສບຕິດ ບ້ານຄູນແກ້ວ ເມືອງຄູນຄຳ ໄດ້ມີພິທີສຶກສາອົບຮົມຊາວໜຸ່ມ-ໄວໜຸ່ມຜູ້ທີ່ຫຼົງຜິດ ຕິດຢ າ ເ ສ ບ ຕ ິ ດ ຈໍານວນ 144 ຄົນ ໂດຍການເປັນກຽດເຂົ້າຮ່ວມຂອງ ທ່ານ ສາຍຄໍາ ພະໄຊສິດທິເດດ ເລຂາຄະນະບໍລິຫານການຊາວໜຸ່ມແຂວງ, ມີຄະນະຊາວໜຸ່ມເມືອງ, ຄະນະພັກ-ຄະນະບັນຊາ ປກສ ເມືອງ ແລະ ຜູ້ຖືກເຄາະຮ້າຍຈາກຢ າ ເ ສ ບ ຕ ິ ດທົ່ວເທດສະບານເມືອງ ເຂົ້າຮ່ວມ.

    ໃນການລົງເຄື່ອນໄຫວສຶກສາອົບຮົມຊາວໜຸ່ມ-ໄວໜຸ່ມ ທີ່ຕິດຢ າ ເ ສ ບ ຕ ິ ດໃນຄັ້ງນີ້, ທ່ານ ເຫຼັງຄຳ ໄຊຄຳຜັນ ຮອງເລຂາຄນະບໍລິຫານງານຊາວໜຸ່ມແຂວງ ໄດ້ເຜີຍແຜ່ເອກະສານ ຢ່າປ່ອຍປະໃຫ້ຊີວິດໄວໜຸ່ມຂອງຕົນ ຜ່ານໄປຢ່າງບໍ່ມີຄຸນປະໂຫຍດອັນໃດໃຫ້ແກ່ຄອບຄົວສັງຄົມ ແລະ ປະເທດຊາດ ເພື່ອໃຫ້ຊາວໜຸ່ມ-ໄວໜຸ່ມໄດ້ຮັບຮູ້ ເຂົ້າໃຈຕໍ່ມູນເຊື້ອປະຈັນ ບານການຕໍ່ສູ້ຂອງຊາວໜຸ່ມ ໃນເມື່ອກ່ອນ ແລະ ໃຫ້ຮັບຮູ້ຜົນຮ້າຍຂອງຢ າ ເ ສ ບ ຕ ິ ດ ທີ່ມີຜົນກະທົບຫຼາຍດ້ານໃຫ້ແກ່ຕົນເອງ, ຄອບຄົວ, ສັງຄົມ ແລະ ປະເທດຊາດ ເພື່ອຫັນປ່ຽນແບບເກົ່າໄປສູ່ແບບໃໝ່, ສິ່ງບໍ່ດີໄປສູ່ການພັດທະນາຕົນ ເອງໃນອະນາຄົດ.

    ຈາກນັ້ນ, ທ່ານ ສາຍຄຳ ພະໄຊສິດທິເດດ ເລຂາຄະນະບໍລິຫານງານຊາວໜຸ່ມແຂວງ ໄດ້ສຶກສາອົບຮົມຊາວໜຸ່ມ-ໄວໜຸ່ມ ທີ່ຖືກເຄາະຮ້າຍຈາກຢ າ ເ ສ ບ ຕ ິ ດ ຈົ່ງຮຽນຮູ້ເອົາມູນເຊື້ອການປະຕິວັດຊາດ ການຕໍ່ສູ້ຂອງຊາວໜຸ່ມຮຸ້ນກ່ອນນຳມາໜູນໃຊ້ເຂົ້າໃນຊີວິດ ແລະ ການເຄື່ອນໄຫວຕົວຈິງ, ຮຽນຮູ້ມູນເຊື້ອຄວາມສາມັກຄີໃຫ້ໜັກແໜ້ນເຂັ້ມແຂງ, ຮຽນຮູ້ເອົາມູນເຊື້ອດຸໝັ່ນຂະຫຍັ່ນພຽນ ເພື່ອສ້າງຄວາມເຂັ້ມແຂງໃຫ້ຕົນເອງ ຄອບຄົວສັງຄົມ ແລະ ຮຽນຮູ້ເອົາມູນເຊື້ອວັດທະນະທຳຮີດຄອງປະເພນີອັນດີງາມຂອງຊາດຂອງເຜົ່າ.

    ເພື່ອສ້າງຕົນເອງໃຫ້ກາຍເປັນຄົນທີ່ມີຄຸນປະໂຫຍດໃຫ້ແກ່ສັງຄົມ ແລະ ເພື່ອສ້າງຄວາມເຂັ້ມແຂງໃຫ້ແກ່ການຈັດຕັ້ງບ້ານ ເປັນຫຼັກໃຫ້ແກ່ຄອບຄົວກາຍເປັນສະມາຊິກຊາວໜຸ່ມ-ໄວໜຸ່ມທີ່ດີເດັ່ນ ມີວິຊາຊີບສ້າງວຽກເຮັດງານທໍາ ຈົ່ງພ້ອມກັນຕັ້ງໃຈປ່ຽນແປງຕົນເອງໃຫ້ກາຍເປັນຄົນທີ່ດີຂອງຄອບຄົວ ແລະ ສັງຄົມ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.