ປະກາດແຕ່ງຕັ້ງຫົວໜ້າ-ຮອງຫົວໜ້າ ປກສ ແຂວງວຽງຈັນ

    0
    53

    ໃນວັນທີ 5 ສິງຫາ 2022, ກອງບັນຊາການ ປກສ ແຂວງວຽງຈັນ ໄດ້ມີພິທີປະກາດນາຍຕໍາຫຼວດພັກການຮັບອຸດໜູນບຳນານ ແລະ ແຕ່ງຕັ້ງຫົວ ໜ້າ, ຮອງຫົວໜ້າກອງບັນຊາການ ປກສ ແຂວງວຽງຈັນ, ເຂົ້າຮ່ວມຂອງ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີກະຊວງ ປກສ, ມີທ່ານ ຄຳພັນ ສິດທິດຳພາ ເຈົ້າແຂວງວຽງຈັນ, ພ້ອມດ້ວຍບັນດາຄະນະພັກ-ຄະນະບັນຊາກອງບັນຊາການ, ແຂກຮັບເຊີນ, ພ້ອມດ້ວຍພະນັກງານຫຼັກແຫຼ່ງຈາກຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸ້ມຂັງ-ດັດສ້າງ ແລະ ກອງບັນຊາການ ປກສ ເມືອງທົ່ວແຂວງວຽງຈັນ ເຂົ້າຮ່ວມ.

    ໃນພິທີ, ພົຈວ ຄອນສະຫວັນ ສົມພາໄຊ ຮອງຫົວໜ້າກົມໃຫຍ່ການເມືອງ, ຫົວໜ້າກົມພະນັກງານ ກະຊວງ ປກສ ໄດ້ຜ່ານດໍາລັດຂອງນາຍົກລັດຖະ ມົນຕີສະບັບເລກທີ 214/ນຍ ລົງວັນທີ 2 ສິງຫາ 2022 ວ່າດ້ວຍການອະນຸມັດໃຫ້ພະນັກງານອອກພັກການຮັບອຸດໜູນບຳນານຂອງນາຍຕໍາຫຼວດ; ໃນ ນັ້ນ,ໄດ້ຕົກລົງໃຫ້ ພົຈວ ທອງເຄນ ບຸນໜັ້ນ ອອກພັກການຮັບອຸດໜູນບຳນານ, ຜ່ານດຳລັດຂອງນາຍົກລັດຖະມົນຕີ ສະບັບເລກທີ 225/ນຍ ລົງວັນທີ 2 ສິງຫາ 2022 ວ່າດ້ວຍການປະກາດແຕ່ງຕັ້ງຫົວໜ້າກອງບັນຊາການ ປກສ ແຂວງວຽງຈັນ;

    ໃນນັ້ນ, ແຕ່ງຕັ້ງ ພັອ ສົມຄິດ ດວງພະຈັນ ເປັນຫົວໜ້າກອງບັນຊາການ ປກສ ແຂວງວຽງຈັນ, ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບ ເລກທີ 1220/ປກສ ລົງວັນທີ 3 ສິງຫາ 2022 ວ່າດ້ວຍປະກາດແຕ່ງຕັ້ງຮອງຫົວໜ້າກອງບັນຊາການ ປກສ ແຂວງວຽງຈັນ, ໂດຍແຕ່ງຕັ້ງສະຫາຍ ພັທ ແຫວນເພັດ ໂພມະ ຫາລາດ ເປັນຮອງຫົວໜ້າກອງບັນຊາການ ປກສ ແຂວງວຽງ ຈັນ ສ່ວນຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.

    ໃນໂອກາດນີ້; ພົອ ວິໄລ ຫຼ້າ ຄໍາຟອງ ໄດ້ສະແດງຄວາມຊົມເຊີຍ ຕໍ່ບັນດາຜົນງານຂອງນາຍຕຳຫຼວດ ສະຫາຍ ທີ່ໄດ້ຮັບອຸດໜູນບຳນານ, ເຊິ່ງການປະ ກາດດັ່ງກ່າວແມ່ນກົດເກນ ແລະ ນະໂຍບາຍລວມຂອງພັກ ແລະ ລັດຖະບານ ເມື່ອເຖິງອາຍຸກະສຽນກໍຕ້ອງໄດ້ອອກພັກຜ່ອນ-ຮັບອຸດໜູນບໍານານ ຕາມລະບຽບການ, ພ້ອມທັງຮຽກຮ້ອງ ໃຫ້ສະຫາຍສືບຕໍ່ໃຫ້ຄໍາແນະນໍາ ທາງດ້ານບົດຮຽນ ແລະ ປະສົບ ການຕ່າງໆຕາມຄວາມສາມາດຂອງ ຕົນ ເພື່ອປະກອບສ່ວນເຂົ້າໃນການພັດທະນາວຽກງານ ປກສ ໃຫ້ ມີຜົນສໍາເລັດກວ່າເກົ່າ, ສ່ວນນາຍຕຳຫຼວດທີ່ໄດ້ຮັບການແຕ່ງຕັ້ງເປັນຫົວໜ້າ ແລະ ຮອງຫົວໜ້າກອງບັນຊາການ ປກສ ແຂວງວຽງຈັນ ໃຫ້ເອົາໃຈໃສ່ເຮັດວຽກງານສຶກສາອົບຮົມການເມືອງ-ແນວຄິດ ໃຫ້ພະນັກງານ-ນັກຮົບ ໃຫ້ເລິກເຊິ່ງ ເຖິງຖອງ, ເພີ່ມທະວີຄວາມຮັບຜິດຊອບຕໍ່ການນຳພາ-ບັນຊາ, ສ້າງຄວາມເປັນເອກະພາບໃນໝູ່ຄະນະ, ກໍ່ສ້າງພັກ, ກໍ່ສ້າງກຳລັງໃຫ້ໜັກ ແໜ້ນ, ເສີມຂະຫຍາຍຄວາມສາ ມັກຄີພາຍໃນໃຫ້ແໜ້ນແຟ້ນ, ສືບຕໍ່ຊີ້ນຳ-ນຳພາກຳລັງ ປກສ ໃຫ້ມີຄວາມໜັກແໜ້ນ, ເຂັ້ມແຂງຂຶ້ນເລື້ອຍໆ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.