ໂຮງແຮມແຄນຄູ່ຈະກາຍ ເປັນຕຶກອາຄານ ທີ່ສູງທີ່ສຸດໃນປະເທດລາວ

    0
    89

    ທ່ານ ຊີຫຼ່ຽງ (XU LIANG) ຫົວໜ້າວິຊາການພະແນກກໍ່ສ້າງເຂດເສດຖະກິດໃໝ່ສີທັນດອນໄດ້ ແຈ້ງໃຫ້ຮູ້ເມື່ອມໍ່ໆມານີ້ວ່າ: ການສຳຫຼວດທາງອາກາດ ແລະ ການສຳຫຼວດທໍລະນີສາດພາກພື້ນຢູ່ເຂດບໍລິເວນໂຮງແຮມແຄນຄູ່ຄາດວ່າຈະສຳເລັດໃນທ້າຍເດືອນກັນຍາ 2022 ນີ້ ແລະ ພິທີວາງສີລາລຶກເຊິ່ງຄາດວ່າຈະໄດ້ຈັດຂຶ້ນພາຍຫຼັງລະດູຝົນ.ໂຮງແຮມແຄນຄູ່ເປັນຕຶກອາຄານທີ່ມີຄວາມວິຈິດງົດງາມ

    ແລະ ສະຫງ່າງາມທີ່ສຸດແຫ່ງໜຶ່ງຢູ່ພາກໃຕ້ທີ່ກຳລັງຈະມີການສ້າງ, ເຊິ່ງໂຮງແຮມໄດ້ຖືກອອກແບບຄ້າຍຄືກັບແຄນ (ເຄື່ອງດົນຕີພື້ນເມືອງລາວຊະນິດຫນຶ່ງ) ທີ່ເປັນມໍລະດົກທາງວັດທະນະທຳ ແລະ ຍັງເປັນສັນຍາລັກອັນໂດດເດັ່ນຂອງລາວ, ຄວາມສູງຂອງໂຮງແຮມດັ່ງກ່າວແມ່ນ ປະມານ 238,98 ແມັດ, ຖ້າສ້າງສໍາເລັດຈະກາຍເປັນຕຶກອາຄານທີ່ສູງທີ່ສຸດໃນລາວ.

    ທ່ານ ຊີຫຼ່ຽງ ແຈ້ງໃຫ້ຮູ້ຕື່ມອີກວ່າ: ພາຍຫຼັງທີ່ສ້າງໂຮງແຮມດັ່ງກ່າວສຳເລັດແລ້ວຈະໃຫ້ບໍລິການນັກທ່ອງທ່ຽວຈາກປະເທດເພື່ອນບ້ານໃນຂອບເຂດອາຊີຕາເວັນອອກສ່ຽງໃຕ້ ແລະ ທົ່ວມຸມໂລກກໍຈະເດີນທາງເຂົ້າມາໃນພາກໃຕ້ຂອງລາວ, ໂດຍຈະມີການບໍລິການດ້ານອາຫານ, ເຄື່ອງດື່ມ, ການທ່ອງທ່ຽວ, ການຈັບຈ່າຍຊື້ຂອງ ແລະ ສິ່ງບັນເທິງຕ່າງໆ, ມີຊັ້ນຊົມວິວຢູ່ຊັ້ນເທິງສຸດ, ຈຸດນັ້ນທ່ານ

    ສາມາດແນມເຫັນແມ່ນ້ຳຂອງທີ່ເປັນແມ່ນ້ຳສາຍສຳຄັນທີ່ສຸດຂອງອາຊີຕາເວັນອອກສ່ຽງໃຕ້ ໄດ້ໃນໄລຍະ 3 ກິໂລແມັດ ແລະ ຍັງສາມາດແນມເຫັນຂອບຊາຍແດນລະຫວ່າງລາວ – ກຳປູເຈຍ ທີ່ຫ່າງອອກໄປ 10 ກມ ແລະ ຍັງຕິດກັບນ້ຳຕົກຕາດທີ່ໃຫຍ່ທີ່ສຸດໃນອາຊີຕາເວັນອອກສ່ຽງໃຕ້ກໍຄື ນ້ຳຕົກຕາດຄອນພະເພັງທີ່ຖືກຂະໜານນາມວ່າ “ ໄຂ່ມຸກແຫ່ງແມ່ນ້ຳຂອງ ”

    ແຫຼ່ງຂ່າວ:Four Thousand Islands四千美岛联合开发有限公司

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.