ພາກັນຈື່ບໍ່ ນັກຮ້ອງລຸກທຸ່ງຂວັນໃຈຜູ້ໃຊ້ແຮງງານ ຈັດງານຜູກແຂນລູກສາວທັງ 3 ພ້ອມວ່າທີ່ລູກເຂີຍ

    0
    73

    ມື້ສັນວັນດີ ບ່າວໄມ ພິຣົມພອນ ຈັດງານຜູກແຂນໃຫ້ລູກສາວທັງ 3 ຄົນທີ່ກັບມາແຕ່ຕ່າງປະເທດ ພ້ອມວ່າທີ່ລູກເຂີຍກົກທີ່ຫາກໍ່ຂໍລູກສາວແຕ່ງງານໄປເມື່ອບໍ່ດົນມານີ້.


    ຫົວອົກຄົນເປັນພໍ່ຊື່ນໃຈທີ່ສຸດ ໄມພິຣົມພອນ ນັກຮ້ອງລຸກທຸ່ງຊື່ດັງ ໄດ້ຢູ່ພ້ອມໜ້າກັບລູກສາວທັງ 3 ຄົນ ນ້ອງເມ, ແກຣມມີ່ ແລະ ມີ້ວ ທີ່ເດີນທາງກັບມາຢ້ຽມຢາມພໍ່ແມ່ຢູ່ເມືອງໄທ.
    ດົນໆລູກຈະມາ ພໍ່ໄມຈັດພາຂວັນບາສີໃຫ້ລູກໆຕາມຮີດຄອງຂອງຊາວອີສານ ເພື່ອຮັບຂວັນລູກໆໃນຮອບຫຼາຍປີ ບັນຍາກາດເຕັມໄປດ້ວຍຄວາມອົບອຸ່ນລຽບງ່າຍ ແລະຍັງເປັນການຕ້ອນຮັບວ່າທີ່ລູກເຂີຍອີກດ້ວຍ.
    ໂດຍລູກສາວທັງ 3 ຄົນຂອງ ນັກຮ້ອງລຸກທຸ່ງຄົນນີ້ແມ່ນໄດ້ໄປຮຽນທີ່ການາດາ ຫຼັງຈາກຈົບແລ້ວກໍ່ຫາວຽກເຮັດຢູ່ພຸ້ນເລີຍ ໃຫ້ແຕ່ພໍ່ແມ່ຢູ່ບ້ານ ດົນໆຈິ່ງໄດ້ມາຢາມທີ່ບ້ານເກີດອຸດອນທານີ ແລະກໍ່ມາຢູ່ຫຼາຍອາທິດ ໃຫ້ຄວາມອົບອຸ່ນພໍ່ໃຫ້ຍາວນານກ່ອນກັບໄປປະຕິບັດໜ້າທີ່ຕໍ່.

    ສຳລັບ ໄມ ພິຣົມພອນ ຫາກໍ່ເດີນທາງໄປຢ້ຽມຢາມລູກທີ່ການາດາ ການໄປຂອງພໍ່ກໍຢູ່ທີ່ນັ້ນຍາວນານຫຼາຍອາທິດເຊັ່ນດຽວກັນ ແລະໄດ້ເຜີຍພາບຄວາມຮັກ ຄວາມຜູກພັນລະຫວ່າງພໍ່ລູກທີ່ບໍ່ໄດ້ພົບກັນມາຫຼາຍປີ ມາຝາກແຟນໆ ນອກຈາກລູກໆຈະພາພໍ່ໄປທ່ຽວຕາມສະຖານທີ່ຕ່າງໆແລ້ວ ນ້ອງເມລູກສາວກົກຍັງພາໄປເບິ່ງສະຖານທີ່ເຮັດວຽກເພີ່ມທີ່ຮ້ານອາຫານສະໄໝຍັງເປັນນັກສຶກສາ ແລະໄດ້ໂຊສີມືເຮັດອາຫານໃຫ້ພໍ່ກິນອີກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.