ພີທີທີ ລາວ ແຈ້ງທາງການປໍ້າວຽງຈະເລີນ (ສະຖານີຕົວແທນຈໍາຫນ່າຍ) ເຮັດຜິດລະບຽບຂອງບໍລິສັດ ສ້າງເງື່ອນໄຂເອງໂດຍພາລະການ

    0
    108

    ເວົ້າເຖິງປ້ຳນ້ຳມັນ ປຕທ ແມ່ນເປັນປ້ຳທີ່ໃຫ້ຫຼາຍກວ່າຄຳວ່າບໍລິການຂາຍນ້ຳມັນ ຕ້ອງຍອມຮັບວ່າຫຼາຍປີມານີ້ປ້ຳຊື່ດັງແຫ່ງນີ້ໄດ້ຄອງໃຈປະຊາຊົນລາວຫຼາຍຂຶ້ນຕໍ່ເນື່ອງ ເພາະເປັນຈຸດພັກຜ່ອນທີ່, ບ່ອນເຮັດວຽກ, ພົບປະລົມເລື່ອງທຸລະກິດຂອງເຫຼົ່າຜູ້ຄົນນັບບໍ່ຖ້ວນ ເມື່ອມີຂ່າວສາວ ແນ່ນອນບໍລິສັດໃຫຍ່ຕ້ອງກວດສອບທີ່ໄປທີ່ມາ ເພື່ອບໍ່ໃຫ້ເກີດຄວາມເສຍຫາຍຕໍ່ຊື່ສຽງທີ່ສ້າງມາຫຼາຍປີ.

    ຕໍ່ເຫດການຂ່າວດັງຊື້ນ້ຳດື່ມແລກກາສນເຕີມນ້ຳມັນຍັງບໍ່ຈົບຫຼ້າສຸດ ບໍລິສັດ ພີທີທີ (ລາວ) ຈຳກັດ ໄດ້ອອກມາຊີ້ແຈງແລ້ວ ກໍລະນີທີ່ສະຖານີບໍລິການນໍ້າມັນ ພີທີທີ ວຽງຈະເລີນ ໄດ້ຕັ້ງເງື່ອນໄຂໃນການຊື້ນໍ້າມັນ ໂດຍໃຫ້ຊື້ເຄື່ອງດື່ມກ່ອນ.

    ເນື້ອໃນຂອງຄຳຊີ້ແຈງມີດັ່ງນີ້: ໃນວັນທີ 12 ພຶດສະພາ 2022 ຈາກສຽງວິພາກວິຈານຂອງສັງຄົມໃນສື່ອອນລາຍ ທີ່ໄດ້ມີການກໍານົດ ເງື່ອນໄຂໃນການເຕີມນ້ໍາມັນ ທີ່ສະຖານີບໍລິການນ້ໍາມັນ ພີທີທີ ວຽງຈະເລີນ (ສະຖານີຕົວແທນຈໍາຫນ່າຍ). ທາງ ບໍລິສັດ ພີທີທີ (ລາວ) ຈໍາກັດ ຈຶ່ງຂໍຊີ້ແຈງວ່າ ເປັນການກະທໍາໂດຍພາລະການ ທີ່ບໍ່ໄດ້ຮັບອະນຸຍາດຈາກທາງບໍລິສັດ.

    ່ ບໍລິສັດ ພີທີທີ (ລາວ) ຈໍາກັດ ບໍ່ມີນະໂຍບາຍຈໍາແນກລູກຄ້າ, ລູກຄ້າທຸກທ່ານສາມາດເຂົ້າມາໃຊ້ບໍລິການ ພາຍໃນນ້ໍາໄດ້ໂດຍບໍ່ມີເງື່ອນໄຂ ຕໍ່ກັບເຫດການດັ່ງກ່າວ ທາງບໍລິສັດ ໄດ້ມີການກວດສອບ ແລະ ໄດ້ມີການກ່າວ ເຕືອນ ເພື່ອບໍ່ໃຫ້ເກີດເຫດການໃນລັກສະນະນີ້ອີກ. ທາງບໍລິສັດ ຂໍສະແດງຄວາມຂໍໂທດມາຍັງລູກຄ້າ ທຸກໆທ່ານ ທີ່ ປ່ອຍໃຫ້ເຫດການແບບນີ້ເກີດຂຶ້ນ ແລະ ຂໍສະແດງຄວາມຂອບໃຈ ລູກຄ້າທຸກທ່ານທີ່ໄວ້ວາງໃຈ ໃຊ້ບໍລິການນ້ໍາ ນ້ໍາມັນ ພີທີທີ (ລາວ) ຢ່າງຕໍ່ເນື່ອງ.

    ບໍລິສັດມີເປົ້າຫມາຍໃຫ້ບໍລິການນ້ໍາມັນຄຸນະພາບ ດ້ວຍການບໍລິການທີ່ມີມາດຕະຖານ ເພື່ອໃຫ້ເປັນຈຸດແວະ ພັກເຕີມເຕັມຄວາມສຸກສໍາຫຼັບນັກເດີນທາງ ດ້ວຍສິ່ງອໍານວຍຄວາມສະດວກ ແລະ ຮ້ານຄ້າຄົບວົງຈອນ ຄວບຄູ່ໄປ ກັບການດູແລຊຸມຊົນ, ສັງຄົມ ແລະ ສິ່ງແວດລ້ອມ.

    ດັ່ງນັ້ນ, ຫາກພົບເຫັນການກະທໍາທີ່ບໍ່ສອດຄ່ອງກັບນະໂຍບາຍຂອງບໍລິສັດ ສາມາດແຈ້ງຂໍ້ມູນຕາມເບີໂທທີ່ ແນບມາດ້ານລຸ່ມ ທາງບໍລິສັດພ້ອມຮັບຟັງ ແລະ ພ້ອມນ້ອມຮັບຄວາມຄິດເຫັນທຸກປະການ ເພື່ອນໍາມາປັບປຸງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.