ງາມບໍ່ ! ນີ້ແມ່ນຊຸດລາວປະຍຸກ ກຽມອວດຄວາມເປັນລາວແຫ່ງຍຸກສະໄໝ ສູ່ເວທີລະດັບໂລກ

    0
    122

    ຊຸດປະຈຳຊາດລາວ “ຜືນແຜ່ນດິນຄຳ ສຽງແຄນ ແຫ່ງແດນຈຳປາ” ເປັນຊຸດທີ່ ນາງ ຕົ້ນຄຳ ພົນຈັນເຮືອງ ນາງງາມຈັກກະວານລາວ (Miss Universe Laos 2021) ຈະນຸ່ງຂຶ້ນອວດຕໍ່ສາຍຕາຄົນທົ່ວໂລກ ຜ່ານເວທີປະກວດ Miss Universe 2021 ທີ່ຈະຈັດຂຶ້ນຢູ່ສະຫະລັດອາເມລິກາ ຊຶ່ງປັດຈຸບັນ ທີມງານຝ່າຍລາວ ແລະ ນາງສາວງາມລາວ ໄດ້ເດີນທາງໄປຮອດປະເທດເຈົ້າພາບແລ້ວ ຕັ້ງແຕ່ທ້າຍເດືອນພະຈິກ ຊຶ່ງເວທີປະກວດດັ່ງກ່າວ ມີກຳນົດຈັດຂຶ້ນແຕ່ວັນທີ 28 ພະຈິກ-12ທັນວາ 2021.

    ຊຸດ “ຜືນແຜ່ນດິນຄຳ ສຽງແຄນ ແຫ່ງແດນຈຳປາ” ເປັນຊຸດລາວປະຍຸກ ໂດຍເອົາຜະລິດຕະພັນຜ້າໄໝສີແດງສົດທີ່ເປັນເອກະລັກຂອງລາວ ປະດິດເສີມເຕີມແຕ່ງດ້ວຍຄຳປິວແທ້ ທີ່ລົງລວດລາຍສັນຍະລັກຄວາມເປັນຊາດລາວເຊັ່ນ: ພະທາດຫລວງວຽງຈັນ, ພະຍານາກຕາມວັດວາອາຮາມ, ລວດລາຍສະເພາະຢູ່ວັດຊຽງທອງ ແຂວງຫລວງພະບາງ,

    ພ້ອມນີ້ ກໍມີແຄນລາວ ທີ່ຫາກໍໄດ້ຮັບນາມມະຍົດເປັນມໍລະດົກໂລກທາງນາມມະທຳຈາກອົງການອຸຍແນັສໂກ, ດອກຈຳປາ ດອກໄມ້ປະຈຳຊາດ ທີ່ປະດິດຈາກເມັດຄຣິສຕໍ ເປັ່ງປະກາຍຍາມຖືກແສງ ບົ່ງບອກເຖິງຄວາມສີວິໄລຂອງເມືອງລາວ, ມີກະໂຈມຫົວ ທີ່ເປັນຮູບຊົງຂອງພະທາດຫລວງ ມິ່ງຂວັນຂອງຊາວລາວທັງຊາດ ທັງໝົດນີ້ ລວມຢູ່ໃນຊຸດດຽວກັນເອີ້ນວ່າ: ຊຸດ “ຜືນແຜ່ນດິນຄຳ ສຽງແຄນ ແຫ່ງແດນຈຳປາ”.

    ຊຸດດັ່ງກ່າວ ຜະລິດໂດຍ: ຮ້ານ ເພັດພະໄທ ຈິວເວີລີ້, ຕັດຫຍິບໂດຍ: ທ່ານ ນາງ ທິບພາພອນ ເວດສະພົງ (Cat Design), ອອກແບບໂດຍ: ນາງ ນົບສະພອນ ຈັນທະວົງ. ສຳລັບ ພາບນີ້ຖ່າຍໂດຍ ເລີບຢູ ສະຕູດິໂອ, ແຕ່ງໜ້າ ແລະ ເຮັດຜົມໂດຍ: ມອນລີ້ ເມກອັບອອກແບບອາດໂດຍ: ທ້າວ ໂດ່ໂດ້ ລາດສະວົງ (ບໍລິສັດ ກ້າວໜ້າ ອໍການາຍເຊີ).

    ຢ່າລືມ! ຕິດຕາມໃຫ້ກຳລັງໃຈ ຕົວແທນສາວງາມລາວ ທີ່ຈະອວດອ້າງຄວາມເປັນແມ່ຍິງລາວຍຸກໃໝ່ ຜູ້ຮັກຫອມແຜ່ນດິນເກີດ, ເຊີດຊູວັດທະນະທຳອັນດີງາມຂອງຊາດ ແລະ ພຽບພ້ອມດ້ວຍຄວາມຮູ້ ຄວາມສາມາດ ຕໍ່ເວທີໂລກ ນັ້ນກໍແມ່ນ ນາງ ຕົ້ນຄຳ ພົນຈັນເຮືອງ ນາງງາມຈັກກະວານລາວ ປີ 2021.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.