ຄ່າເງິນບາດທີ່ເຄີຍຄອງອັນດັບຕົ້ນຂອງອາຊີ ອ່ອນຄ່າລົງທີ່ສຸດໃນພາກພື້ນ

    0
    254

    CNBC ລາຍງານວ່າ: ເງິນບາດໄທ ເຊິ່ງເຄີຍເປັນສະກຸນເງິນທີ່ແຂງຄ່າທີ່ສຸດໃນອາຊີກ່ອນການແຜ່ລະບາດຂອງພະຍາດໂຄວິດ-19 ໄດ້ອ່ອນຄ່າລົງຢ່າງຕໍ່ເນື່ອງໃນປີນີ້ ແລະ ຍັງເປັນສະກຸນເງິນທີ່ໄດ້ຮັບຜົນກະທົບຮຸນແຮງສຸດໃນພາກພື້ນ ຂະນະທີ່ຄ່າເງິນບາດຫຼຸດລົງ 10% ເມື່ອທຽບກັບສະກຸນເງິນໂດລາສະຫະລັດ.

    ທ່ານ ນາງ ວິສນຸ ວະຣາທານ, ຫົວໜ້າພະແນກເສດຖະສາດ ຂອງທະນາຄານມິຊູໂຮະ ກ່າວວ່າ: ສະກຸນເງິນບາດໄທມີປະສິດທິພາບຕໍ່າສຸດໃນປີນີ້ ເມື່ອທຽບກັບສະກຸນເງິນຫຼັກອື່ນໆໃນອາຊີປາຊີຟິກ ໂດຍສະເພາະກໍແມ່ນ ຄ່າເງິນບາດຫຼຸດລົງ 10% ທຽບກັບສະກຸນເງິນໂດລາສະຫະລັດ, 7% ທຽບກັບເງິນເຢນຂອງຍີ່ປຸ່ນ, 5% ທຽບກັບເງິນຣິງກິດຂອງມາເລເຊຍ ແລະ 4.43% ທຽບກັບເງິນໂດລາອົດສະຕາລີ.

    ຢ່າງໃດກໍຕາມ, ຈາກຜົນງານທີ່ດ້ອຍປະສິດທິພາບໃນແບບທີ່ບໍ່ເຄີຍເປັນມາກ່ອນໃນສະກຸນເງິນບາດ ສົ່ງຜົນໃຫ້ຄ່າເງິນບາດຕໍ່າລົງໃນຂະນະນີ້ ເຊິ່ງໃນຊ່ວງກ່ອນການລະບາດໂຄວິດປີເມື່ອປີ 2019 ຫຼາຍຝ່າຍຕ່າງກໍເປັນຫ່ວງເລື່ອງສະກຸນເງິນບາດທີ່ແຂງຄ່າຂຶ້ນ ເຊິ່ງໄດ້ຮັບແຮງກະຕຸ້ນຈາກດຸນການຄ້າທີ່ສູງ ເຮັດໃຫ້ການສົ່ງອອກມີລາຄາແພງຂຶ້ນ ອັນສົ່ງຜົນໃຫ້ຄວາມດຶງດູດໃນຕະຫຼາດຕ່າງປະເທດຫຼຸດລົງ.

    ຂ່າວ : ລາວໂພສ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.