ຍາມຝົນແບບນີ້ ເຕືອນທຸກຄົນຕ້ອງໝັ່ນລະວັງສັດມີພິດທັງຫຼາຍ ໂດຍສະເພາະຂີ້ເຂັບ, ແມງງອດ ແລະ ງູ ໜ້າຝົນຈັ່ງຊີ້ມັກມີຫຼານ ເລື້ອເຂົ້າເຮືອນໂດຍບໍ່ຮູ້ໂຕ ສະນັ້ນ ທຸກຄົນຕ້ອງໄດ້ຈິງຈັງເອົາໃຈໃສ່ເບິ່ງອີຫຼີ.
ດັ່ງກໍລະນີຫຼ້າສຸດ ໜ້ວຍກູ້ໄພຕ້ອງເຂົ້າໄປຊ່ວຍເຫຼຶອດ່ວນເນື່ອງຈາກຖືກງູຕອດ…ຖືວ່າຍັງໂຊກດີໄປທີ່ແຈ້ງເຈົ້ານ໊າທີ່ ແລະ ນໍາຕົວສົ່ງໂຮງໝໍທັນ.
ໂດຍເພຈ ມູນນິທິຮ່ວມໃຈ ລາຍງານໄວ້ວ່າ: ເຕືອນໄພ ໃນຍາມລະດູຝົນແບບນີ້ ລະວັງສັດມີພິດກັດ ວັນທີ 23 ກໍລະກົດ 2021 ເວລາ19:12 ໄດ້ຮັບແຈ້ງເຫດວໍ51(ງູກັດ), ສະຖານທີ່ເກີດເຫດແມ່ນ ບ້ານຄຳຮຸ່ງ ເຊິ່ງມີຜູ້ບາດເຈັບ1ຄົນ ຜູ້ກ່ຽວຊື່ນາງ ຕຸກຕາ
ອາຍຸ20ປີ ບ້ານ ຄຳຮຸ່ງ ເມືອງ ໄຊທານີ ແຂວງ ນະຄອນຫຼວງ, ເຊິ່ງອາການບາດເຈັບແມ່ນ ຕີນເບື້ອງຊ້າຍ ສະຖານທີ່ນຳສົ່ງ ໂຮງໝໍເສດຖາທິລາດ.
ແນວໃດກໍ່ຕາມ ແອັດຂໍເຕືອນອີກຄັ້ງໜຶ່ງໃຫ້ທຸກຄົນເຝົ້າລະວັງ ໂດຍສະເພາະຍາມຝົນແບບນີ້ ເພາະມັນອັນຕະລາຍຫຼາຍ.
