ສາຍເໜືອເປີດບໍລິການ 18 ມື້ແລ້ວ ແຕ່ຍັງບໍ່ມີຜູ້ໂດຍສານເຂົ້າເງື່ອນໄຂໃນການເດີນທາງ

    0
    228

    ໃນວັນທີ 22 ມິຖຸນາ 2021 ນີ້, ທ່ານ ນາງ ຈິດປະສົງ ຫລວງເດດມີໄຊ ອຳນວຍການສະຖານີຂົນສົ່ງໂດຍສານສາຍເໜືອ ໄດ້ໃຫ້ສຳພາດຕໍ່ນັກຂ່າວໜັງສືພິມ ລາວພັດທະນາ ວ່າ: ມາຮອດປັດຈຸບັນເປັນໄລຍະເວລາ 18 ວັນແລ້ວທີ່ໄດ້ເປີດບໍລິການສະຖານີຂົນສົ່ງໂດຍສານສາຍເໜືອ ນະຄອນຫລວງວຽງຈັນ ນັບແຕ່ວັນທີ 5 ມິຖຸນາ

    2021 ເປັນຕົ້ນມາ ຕາມການອະນຸຍາດຂອງຄະນະສະເພາະກິດ ລະບຸຊັດເຈນວ່າ ອະນຸຍາດໃຫ້ດໍາເນີນການຂົນສົ່ງໂດຍສານທາງບົກ ລະຫວ່າງ ເເຂວງຕໍ່ເເຂວງທີ່ບໍ່ມີການລະບາດໃນຊຸມຊົນໄດ້ໂດຍບໍ່ໃຫ້ກັກໂຕ, ເເຕ່ຕ້ອງປະຕິບັດຕາມມາດຕະການທີ່ຄະນະສະເພາະກິດວາງອອກຢ່າງເຂັ້ມງວດ.ໂດຍການອະນຸຍາດໃຫ້ດໍາເນີນການຂົນສົ່ງ

    ໂດຍສານທາງບົກ ແລະ ທາງອາກາດ ລະຫວ່າງນະຄອນຫລວງວຽງຈັນ ກັບ ບັນດາແຂວງທົ່ວປະເທດ ແມ່ນໃຫ້ສໍາລັບຜູ້ໂດຍສານທີ່ສັກວັກຊີນ ຄົບ 2 ເຂັ້ມ ໄດ້ 1 ເດືອນຂຶ້ນໄປ ໂດຍບໍ່ໃຫ້ມີການກັກກັນ 14 ວັນ, ເເຕ່ພະນັກງານລົດຂົນສົ່ງ ເເລະ ຜູ້ໂດຍສານຕ້ອງມີຄວາມຮັບຜິດ ຊອບໃຫ້ມີການເເທກອຸນຫະພຸມ, ກວດກາການ
    ໃສ່ຜ້າອັດປາກ-ດັງ, ລ້າງມືດ້ວຍນ້ຳສະອາດໃສ່ສະບູ ຫລື ເຈລຂ້າເຊື້ອ.ເນື່ອງຈາກມີເງື່ອນໄຂຄືດັ່ງກ່າວ ແຕ່ປະຊາຊົນຜູ້ທີ່ຈຳເປັນຈະເດີນທາງສ່ວນຫລາຍແມ່ນບໍ່ໄດ້ສັກ

    ວັກຊີນ ຫລື ສັກບໍ່ຄົບ 2 ເຂັມ ໄດ້ເປັນເວລາ 1 ເດືອນຂຶ້ນໄປເທື່ອ, ພາຍຫລັງເປີດໄດ້ເປັນເວລາ 18 ວັນ ຍັງບໍ່ສາມາດອອກລົດໂດຍສານໄດ້ແມ່ນແຕ່ຄັນດຽວ. ແຕ່ເຖິງຢ່າງໃດກໍຕາມສະຖານີຂົນສົ່ງສາຍເໜືອແມ່ນຍັງຈະສືບເປີດຕໍ່ໄປຈົນກວ່າຈະມີຜູ້ໂດຍສານທີ່ຄົບຕາມເງື່ອນໄຂເດີນທາງ ແລະ ພ້ອມທັງປະຕິບັດມາດຕະການຕາມແຕ້ງການຢ່າງເຂັ້ມງວດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.