ເຫດເກີດຢູ່ທີ່ ເມືອງ Mumbai (ມຸມໄບ) ປະເທດອິນເດຍ, ໄດ້ເກີດເຫດດິນຍຸບລົງຢູ່ທີ່ບ່ອນຈອດລົດແຫ່ງໜຶ່ງ ເຊິ່ງສ້າງຄວາມຕົກໃຈໃຫ້ກັບເຈົ້າຂອງລົດ ແລະ ປະຊາຊົນທີ່ຢູ່ແຖວນັ້ນ.
ໂດຍທາງຕຳຫຼວດໄດ້ເຜິຍວ່າ ຈຸດດັ່ງກ່າວນັ້ນແມ່ນເຄີຍເປັນໜອງນໍ້າຂະໜາດໃຫຍ່ມາກ່ອນ ແຕ່ມີຄົນມາສ້າງທາງທັບເປັນທາງຄອນກຣີດ ແລະ ເຮັດເປັນບ່ອນຈອດລົດ.
ເຊິ່ງເຫດການດັ່ງກ່າວ ໄດ້ເກີດຂຶ້ນໃນຊ່ວງຕອນແລງຂອງວັນທີ 13 ມິຖຸນາ ປີ 2021, ສາເຫດທີ່ເຮັດໃຫ້ທາງຍຸບລົງໄປແບບນັ້ນ ຍ້ອນວ່າໄດ້ມີຝົນຕົກໜັກເລີຍເຮັດໃຫ້ທາງແຕກ ແລະ ກາຍເປັນຂຸມໃຫຍ່ແບບທີ່ເຫັນໃນຮູບ.
ເຫດການດັ່ງກ່າວ ແມ່ນບໍ່ມີໃຜໄດ້ຮັບບາດເຈັບ.
