ໄຟຟ້າລາວຈະຂາດທຶນ 6 ຕື້ກວ່າກີບຕໍ່ເດືອນສະເພາະການປະຕິບັດນະໂຍບາຍຫລຸດຄ່າໄຟຟ້າ 3%

    0
    372

    ໄຟຟ້າລາວຈະຂາດທຶນ 6 ຕື້ກວ່າກີບຕໍ່ເດືອນສະເພາະການປະຕິບັດນະໂຍບາຍຫລຸດຄ່າໄຟຟ້າ 3%ທ່ານ ຈັນທະບູນ ສຸກອາລຸນ ຜູ້ອຳນວຍການ ລັດວິສາຫະກິດ ໄຟຟ້າລາວ ໃຫ້ສໍາພາດວ່າ: ການຫລຸດຄ່າກະແສໄຟຟ້າ ພາກທີ່ຢູ່ອາໃສ 3% ໃນຄັ້ງນີ້ ຖືເປັນການປະ ກອບສ່ວນ ເພື່ອຊ່ວຍຫລຸດຜ່ອນຜົນກະທົບຂອງປະຊາຊົນລາວບັນດາ

    ເຜົ່າຈາກການລະບາດຂອງ ພ ະ ຍ າ ດ ໂ ຄ ວ ິ ດ, ເຊີ່ງລັດວິສາຫະກິດໄຟຟ້າລາວ ມີຄວາມສາມາດຫລຸດໄດ້ເທົ່ານີ້ ເພາະຍັງມີໜີ້ສິນທີ່ຕ້ອງຈ່າຍຈຳນວນຫລາຍ. ສະເພາະການປະຕິບັດນະໂຍບາຍຫລຸດຄ່າກະແສໄຟຟ້າດັ່ງກ່າວນີ້ ຈະເຮັດໃຫ້ລັດວິສາຫະກິດໄຟຟ້າລາວຂາດທຶນເດືອນລະ 6 ຕື້ກວ່າກີບ ໂດຍບໍ່ໄດ້ລວມການຂາດທຶນອື່ນໆ ທີ່ມີ

    ຢູ່ແລ້ວ.ຜູ້ອຳນວຍການ ລັດວິສາຫະກິດ ໄຟຟ້າລາວ ກ່າວຕື່ມວ່າ: ການຫລຸດຄ່າກະແສໄຟຟ້າຄັ້ງນີ້ ເຖີງວ່າບໍ່ຫລາຍ ແລະ ບໍ່ຖືກໃຈຂອງຫລາຍຄົນ ແຕ່ຖືເປັນການປະກອບສ່ວນສໍາຄັນຂອງລັດວິສາຫະກິດໄຟຟ້າລາວທີ່ມີຕໍ່ປະຊາຊົນ ກໍຄື ຜູ້ຊົມໃຊ້ກະແສໄຟ ຟ້າໃນລາວທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ໃນທ່າມກາງສະພາບທີ່ລັດວິສາຫະກິດໄຟຟ້າລາວມີໜີ້ສິນທີ່ຕ້ອງຈ່າຍເປັນຈໍານວນຫລາຍ.

    ຂໍ້ມູນ: Lao Nation Radio

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.