ພະນັກງານ 700 ກວ່າຄົນ ໃນເຂດເສດຖະກິດພິເສດ ສະຫວັນນະເຂດ ໄດ້ສັກວັກຊີນ

    0
    410

    ພະນັກງານ 700 ກວ່າຄົນ ໃນເຂດເສດຖະກິດພິເສດ ສະຫວັນນະເຂດ ໄດ້ສັກວັກຊີນ ປ້ອງກັນພະຍາດໂຄວິດ-19 ຂປລ. ແຫລ່ງຂ່າວຈາກແຂວງສະຫວັນນະເຂດ ໃຫ້ຮູ້ວ່າ: ວັນທີ 22 ພຶດສະພາ ຜ່ານມາ, ທີມແພດຈາກພະແນາສາທາລະນະສຸກແຂວງສະຫວັນນະເຂດ ໄດ້ລົງສັກຢາວັກຊີນ ປ້ອງກັນພະຍາດໂຄວິດ-19 ໃຫ້ແກ່

    ພະນັກງານ, ກຳມະກອນ ຢູ່ໃນເຂດເສດຖະກິດພິເສດ ສະຫວັນນະເຂດ ໄດ້ທັງໝົດ ຈຳນວນ 763 ຄົນ, ໃນນັ້ນ ເຂັມທີ 1 ມີຈຳນວນ 725 ຄົນ ແລະເຂັມທີ 2 ມີຈຳນວນ 36 ຄົນ, ຂອງຈຳນວນພະນັກງານທັງໝົດ 2.000 ກວ່າຄົນໃນທົ່ວເຂດເສດຖະກິດພິເສດ.ທ່ານ ຕີ ຊີ ເຊັງ ຜູ້ອຳນວຍການບໍລິສັດສະຫວັນປາກ ແລະ

    ທ່ານ ຊອງ ປີແອ ຜູ້ອຳນວຍການບໍລິສັດ ສະຫວັນໂລຈິດສ໌ຕິກ ໄດ້ໃຫ້ຮູ້ວ່າ: ໃນມື້ນີ້ ມີພະນັກງານມາສັກຢາວັກຊີນ ປ້ອງກັນພະຍາດໂຄວິດ-19 ຈຳນວນ 700 ກວ່າຄົນ, ຈາກ 6 ບໍລິສັດຄື: ບໍລິສັດ ສະຫວັນປາກ, ບໍລິສັດ ສະຫວັນໂລຈິດສ໌ຕິກ, ບໍລິສັດ ເຄພີວິວ, ບໍລິສັດ ມິດຊູຊຸ, ບໍລິສັດ ເອັດຊີລໍ ແລະ ບໍລິສັດ ຝອດ ຊິດ

    ຕີ້ ໂດຍພວກເຮົາໄດ້ສະເໜີມາຍັງ ຄະນະສະເພາະກິດຂອງແຂວງ ນຳເອົາທີມແພດ ມາຕັ້ງຈຸດສັກຢາກັບທີ່ ເພື່ອເປັນການອຳນວຍຄວາມສະດວກ ໃຫ້ແກ່ພະນັກງານທີ່

    ມາເຮັດວຽກ ແລະ ເພື່ອເປັນການຄວບຄຸມຈຳນວນໄດ້ສະດວກຂຶ້ນ ເພາະຢູ່ໃນເຂດເສດຖະກິດພິເສດ ສະຫວັນນະເຂດ, ເພາະຍັງມີພະນັກງານຈຳນວນຫລວງ ຫລາຍ

    ທີ່ຍັງບໍ່ໄດ້ຮັບການສັກຢາວັກຊີນ ໂດຍພວກເຮົາຈະສືບຕໍ່ໃຫ້ພະນັກງານ-ກຳມະ ກອນໃນເຂດເສດຖະກິດດັ່ງກ່າວ ໄດ້ສັກວັກຊີນຄົບໝົດທຸກຄົນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.