👏 👏 ຊາວໜຸ່ມຍຸກໃໝ່ຮ່ວມໃຈບໍລິຈາກເລືອດ 🩸 ເພື່ອເປັນການຊ່ວຍເຫຼືອເພື່ອນມະນຸດດ້ວຍກັນ ໃນຍາມທີ່ມີການແຜ່ລະບາດຂອງພະຍາດ ໂ ຄ ວິ ດ-19 .

👏 👏 ຊາວໜຸ່ມຍຸກໃໝ່ຮ່ວມໃຈບໍລິຈາກເລືອດ ເພື່ອເປັນການຊ່ວຍເຫຼືອເພື່ອນມະນຸດດ້ວຍກັນໃນຍາມທີ່ມີການແຜ່ລະບາດຂອງພະຍາດ ໂ ຄ ວິ ດ-19 .

ສະນັ້ນ, ໃນວັນທີ 20 ພຶດສະພາ 2021 ນີ້ ຄະນະບໍລິຫານງານຊາວໜຸ່ມແຂວງໄຊຍະບູລີ ໄດ້ສົມທົບກັບ ອົງການກາແດງແຂວງ ສ້າງຂະບວນການບໍລິຈາກເລືອດຂຶ້ນ ຢູ່ທີ່ຫ້ອງການຄະນະບໍລິຫານງານຊາວໜຸ່ມແຂວງ ໂດຍການເປັນປະທານຮ່ວມຂອງ ສະຫາຍ ໜູໄຊ ນໍກີຢາ ກຳມະການພັກແຂວງ .

ກຳມະການສູນກາງຊາວໜຸ່ມ ປະຊາຊົນ ປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງ ແລະ ສະຫາຍ ວັນນະສິງ ມຸງຄຸນສະຫວັດ ຫົວໜ້າອົງການກາແດງແຂວງ, ເຊິ່ງມີຜູ້ເຂົ້າຮ່ວມທັງໝົດ 30 ສະຫາຍ, ຍິງ 12 ສະຫາຍ.

ດັ່ງທີ່ເຮົາຮູ້ນຳກັນແລ້ວວ່າ, ເລືອດມີຄວາມສຳຄັນ ແລະ ຈຳເປັນທີ່ສຸດຕໍ່ມະນຸດ ເຊິ່ງໃນປະຈຸບັນຍັງມີຫຼາຍຊີວິດຢູ່ໃນໂລກເວົ້າລວມ, ເວົ້າສະເພາະ ກໍ່ແມ່ນຢູ່ປະເທດລາວເຮົາ ທີ່ຈຳເປັນຕ້ອງອາໄສການໃສ່ເລືອດເພື່ອຄວາມຢູ່ລອດຂອງຊີວິດ.

ເມື່ອເປັນແນວນັ້ນ, ການປຸກລະດົມການບໍລິຈາກເລືອດແບບສະໝັກໃຈໂດຍບໍ່ຮຽກຮ້ອງຜົນຕອບແທນເປັນຂະບວນການບໍລິຈາກເລືອດ ທີ່ເຕັມໄປດ້ວຍຄວາມເອື້ອອາທອນ ແລະ ເປັນບຸນກຸສົນອັນຍິ່ງໃຫຍ່ຂອງຊາວໜຸ່ມທີ່ມີບົດບາດ ແລະ ຄວາມສຳຄັນຕໍ່ສັງຄົມ ເພື່ອຊ່ວຍເຫຼືອເພື່ອນມະນຸດດ້ວຍກັນ.

ການບໍລິຈາກເລືອດໃນຄັ້ງນີ້ ມີສະມາຊິກຊາວໜຸ່ມເຂົ້າຮ່ວມບໍລິຈາກເລືອດທັງໝົດ 23 ສະຫາຍ, ຜ່ານການກວດກາຕົວຈິງ ສາມາດບໍລິຈາກເລືອດໄດ້ 19 ສະຫາຍ, ໄດ້ເລືອດທັງໝົດ 19 ຖົງ,

ແລະ ເພື່ອເປັນການສືບຕໍ່ຮ່ວມມືກັບອົງການກາແດງແຂວງ ຄະນະບໍລິຫານງານຊາວໜຸ່ມແຂວງ ຈະໄດ້ສືບຕໍ່ປຸກລະດົມການບໍລິຈາກເລືອດຈາກສະມາຊິກຊາວໜຸ່ມ ຢ່າງຕໍ່ເນື່ອງ ແລະ ເປັນປົກກະຕິ.

ເດືອນເພັງ ແສງດາລາກົມສື່ມວນຊົນໜຸ່ມລາວ.