ປະຊາຊົນເມືອງໂຂງ 254 ຄອບຄົວໄດ້ຮັບຜົນກະທົບຈາກພະຍຸລະດູຮ້ອນ

    0
    154

    ປະຊາຊົນເມືອງໂຂງ 254 ຄອບຄົວໄດ້ຮັບຜົນກະທົບຈາກພະຍຸລະດູຮ້ອນ ຂປລ. ຕາມການລາຍງານຈາກ ທ່ານ ອານຸແສງ ຈັນທະລາວົງ ຫົວໜ້າຫ້ອງການແຮງງານສະຫວັດ

    ດີການ ແລະ ສັງຄົມເມືອງໂຂງ ແຂວງຈຳປະສັກ ໃຫ້ຮູ້ວ່າ: ປະຊາຊົນເມືອງໂຂງ ຈຳນວນ 9 ບ້ານ, 254 ຄອບຄົວ ໄດ້ຮັບຜົນກະທົບຈາກພາຍຸລະດູຮ້ອນ ໃນຕອນຄໍ່າວັນທີ

    17 ພຶດສະພາ 2021 ທີ່ຜ່ານມາ, ເຊິ່ງໄດ້ເຮັດໃຫ້ເຮືອນຊານບ້ານຊ່ອງໄດ້ຮັບຄວາມເສຍຫາຍ.ມາໃນວັນທີ 18 ພຶດສະພາ ນີ້, ທ່ານນາງ ຄຳພູ ລິດທິສັກ ເຈົ້າເມືອງໂຂງ

    ພ້ອມພາກສ່ວນກ່ຽວຂ້ອງ ໄດ້ລົງຕິດຕາມເບິ່ງຜົນກະທົບຕົວຈິງຢ່າງຮີບດ່ວນ, ພ້ອມທັງໄດ້ຮັບຟັງການລາຍງານຈາກຫົວໜ້າຫ້ອງການແຮງງານສະຫວັດດີການ ແລະ ສັງຄົມ

    ວ່າ: ພະຍຸລະດູຮ້ອນຄັ້ງນີ້ ໄດ້ສ້າງຄວາມເສຍຫາຍເປັນບໍລິເວນກວ້າງພໍສົມຄວນ ໂດຍມີ 9 ບ້ານທີ່ໄດ້ຮັບຜົນກະທົບຄື: ບ້ານໂຂງຫາດງິ້ວ ໄດ້ຮັບຜົນກະທົບ 23 ຄອບຄົວ,

    ບ້ານໂຂງແຫລມ 19 ຄອບຄົວ, ບ້ານຫົວສັນ 52 ຄອບຄົວ, ບ້ານຫາງສັນ 36 ຄອບຄົວ, ບ້ານແສນລ່າມ 37 ຄອບຄົວ, ບ້ານນາລານ 30 ຄອບຄົວ, ບ້ານຫ້ວຍໄຮ

    52 ຄອບຄົວ, ບ້ານລົມພັດ 5 ຄອບຄົວ ແລະ ບ້ານນາແສນພັນ 28 ຄອບຄົວ. ປັດຈຸບັນ, ຄະນະກໍາມະການຕ້ານໄພພິບັດຂັ້ນເມືອງ ພວມສຸກຳລັງເລັ່ງລົງເກັບກຳຂໍ້ມູນຜົນເສຍຫາຍຕົວຈິງ ເພື່ອສະຫລຸບ ແລ້ວລາຍງານຕໍ່ອຳນາດການປົກຄອງໃນການຊ່ວຍ ເຫລືອຂັ້ນຕົ້ນຢ່າງຮີບດ່ວນ.

    ຂ່າວ-ພາບ: ພຸດທະສິນ ວົງວິໄລທອງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.