ແຂວງຈຳປາສັກ ມີຜູ້ຕິດເຊື້ອ ໂ ຄ ວ ິ ດ ໃໝ່ເພີ່ມ 15 ຄົນ

    0
    374

    ແຂວງຈຳປາສັກ ມີຜູ້ຕິດເຊື້ອ ໂ ຄ ວ ິ ດ ໃໝ່ເພີ່ມ 15 ຄົນ ຂປລ. ແຫລ່ງຂ່າວຈາກແຂວງຈຳປາສັກ ໃຫ້ຮູ້ວ່າ: ທ່ານ ດຣ ນາງ ຈັນປະສົງ ຈັນສີສຸລາດ ຮອງຜູ້ອໍານວຍການ ໂຮງໝໍແຂວງຈໍາປາສັກ, ຜູ້ຮັບຜິດຊອບສູນປິ່ນປົວ ໂ ຄ ວ ິ ດ ຢູ່ໂຮງໝໍພາກສະໜາມ ໄດ້ຕາງໜ້າຄະນະສະເພາະກິດຂັ້ນແຂວງເພື່ອປ້ອງກັນ, ຄວບຄຸມ ແລະ ແກ້ໄຂ

    ການລະບາດພະຍາດ ໂ ຄ ວ ິ ດ ໄດ້ຖະແຫລງຂ່າວຕໍ່ສື່ມວນຊົນ ໃນວັນທີ 15 ພຶດສະພາ 2021 ນີ້ວ່າ: ວັນທີ 15 ພຶດສະພາ ນີ້, ແຂວງຈຳປາສັກມີຜູ້ຕິດ ເຊື້ອໃໝ່ 15 ຄົນ ເປັນແຮງງານນໍາເຂົ້າມາຈາກປະເທດເພື່ອນບ້ານທັງໝົດ, ໃນນັ້ນມີຄົນຈາກແຂວງສາລະວັນ 4 ຄົນ ແລະ ອີກ 11 ຄົນ ແມ່ນແຂວງຈໍາປາສັກ. ປັດຈຸບັນທົ່ວແຂວງ

    ມີຕົວເລກຜູ້ຄິດເຊື້ອສະສົມທັງໝົດ 251 ກໍລະນີ, ປິ່ນປົວດີ ແລະ ອອກໂຮງໝໍແລ້ວ 53 ຄົນ.ທ່ານ ດຣ ນາງ ຈັນປະສົງ ຈັນສີສຸລາດ ຍັງໃຫ້ຮູ້ອີກວ່າ: ຈຳນວນຜູ້ຕິດເຊື້ອໃໝ່ຈຳນວນ 15 ຄົນນັ້ນ, ພວກກ່ຽວເຂົ້າມາຜ່ານດ່ານສາກົນວັງເຕົ່າ ເຂົ້າມາໃນລະບົບເຝົ້າລະວັງ ແລະ ໄດ້ພັກຢູ່ສູນກັກກັນທີ່ຄະນະສະເພາະກິດໄດ້ກໍານົດໃຫ້. ສໍາລັບການ

    ປິ່ນປົວຜູ້ຕິດເຊື້ອຢູ່ໂຮງໝໍພາກສະໜາມທີ່ມີອາການເບົາບາງທັງໝົດ 194 ຄົນ, ອາການປານກາງປິ່ນປົວຢູ່ໂຮງໝໍເມືອງໂພນທອງ 2 ຄົນ ໃນນັ້ນມີແມ່ຍິງຖືພາ 5 ດືອນ 1 ຄົນ ໂດຍເຊິ່ງແພດໝໍໄດ້ມໍລະສຸມເຂົ້າໃນການປິ່ນປົວຢ່າງເອົາໃຈໃສ່.ສຳລັບວຽກການປິ່ນປົວໃນວັນທີ 15 ພຶດສະພານີ້, ມີຜູ້ຕິດເຊື້ອໄດ້ຮັບການປິ່ນປົວຫາຍດີ ແລະ ອອກ

    ໂຮງໝໍເພື່ອໄປສືບຕໍ່ຕິດຕາມອາການຢູ່ເຮືອນ ຈຳນວນ 15 ຄົນ ແລະ ໃນໂອກາດນີ້, ທ່ານ ດຣ ນາງ ຈັນປະສົງ ຈັນສີສຸລາດ ກໍໄດ້ແນະນໍາການຮັກສາສຸຂະ ພາບສໍາລັບຜູ້ປີ່ນປົວດີອອກໂຮງໝໍ ເພື່ອໃຫ້ສຸຂະພາບແຂງແຮງ ແລະ ບໍ່ໃຫ້ກັບມາຕິດເຊື້ອໃໝ່ອີກ.
    ພາບ-ຂ່າວ: ເກດສະໜາ ແກ້ວສຸວັນນະແສງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.