ແຂວງຫລວງນ້ຳທາ ຕ້ອນຮັບຄະນະທີມແພດຊ່ຽວຊານຈາກ ສປ ຈີນ

    0
    288

    ຂປລ. ແຫລ່ງຂ່າວຈາກແຂວງຫລວງນໍ້າທາ ໃຫ້ຮູ້ວ່າ: ວັນທີ 12 ພຶດສະພາ 2021 ນີ້ ຢູ່ຫ້ອງວ່າການແຂວງຫລວງນ້ຳທາ ທ່ານ ຄຳຟອງ ອິນມະນີ ຮອງເລຂາພັກແຂວງ ຫົວໜ້າ ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດ ໂ ຄ ວ ິ ດ ຂັ້ນແຂວງ ພ້ອມຄະນະ ໄດ້ຕ້ອນຮັບຄະນະຊ່ຽວຊານຈາກ ສປ ຈີນ ນຳໂດຍທ່ານ ນາງ ເກິນເຈຍເວີຍ ຫົວໜ້າຄະນະທີມງານແພດຊ່ຽວຊານ ສປ ຈີນ ເພື່ອມາຊ່ວຍແຂວງຫລວງນໍ້າທາ ໃນວຽກງານຄວບຄຸມ ແລະ ສະກັດກັ້ນພະຍາດ ໂ ຄ ວ ິ ດ.

    ທ່ານ ນາງ ເກິນເຈຍເວີຍ ຫົວໜ້າຄະນະທີມແພດຊ່ຽວຊານ ສປ ຈີນ ໄດ້ໃຫ້ຮູ້ວ່າ: ການລົງເຮັດວຽກໃນຄັ້ງນີ້ ປະກອບມີສອງທີມຄື: ທິມງານຊ່ຽວປິ່ນປົວ ແລະ ທິມຊ່ຽວຄວບຄຸມພະຍາດຕິດຕໍ່ ເພື່ອເຮັດວຽກນຳໂຮງແຂວງ ຢູ່ຫ້ອງສຸກເສີນ ແລະ ຫ້ອງໄອຊີຢູ, ກະກຽມຝຶກອົບຮົມ 10 ບົດ ກຽມຮັບມືກ່ຽວກັບການລະບາດຂອງພະຍາດ ໂ ຄ ວ ິ ດ, ວຽກງານຄຸ້ມຄອງທ່ານໝໍ, ຄຸມຄອງໂຮງໝໍ ແລະ ການດູແລຄົນເຈັບ.

    ໃນວັນດຽວກັນ, ທີມແພດຊ່ຽວຊານ ສປ ຈີນ ກໍໄດ້ເຮັດວຽກຮ່ວມກັບ ການນຳພະແນກສາທາ ລະນະສຸກແຂວງ ແລະ ທ່ານ ດຣ ແກ້ວ ອິນທະວົງ ຫົວໜ້າພະແນກສາທາລະນະສຸກ ກໍໄດ້ລາຍງານການຈັດຕັ້ງປະຕິບັດ ການສະກັດກັ້ນການລະບາດຂອງພະຍາດ ໂ ຄ ວ ິ ດ ເຊິ່ງໄລຍະຜ່ານມາໄດ້ມີຜູ້ຕິດເຊື້ອສະສົມ 8 ຄົນ, ປິນປົວດີ 1 ຄົນ, ຍັບສືບຕໍ່ປິ່ນປົວ 7 ຄົນ, ໃນນີ້ ເປັນຄົນຈີນ 2 ຄົນ ນອກນັ້ນເປັນຄົນຕ່າງແຂວງ 6 ຄົນ ແລະ ໄດ້ລາຍງານມາດຕະການຂອງການເຝົ້າລະວັງ ພະຍາດ ໂ ຄ ວ ິ ດ ຕື່ມອີກ.

    ຂ່າວ: ກິ່ນນາລົມ ແອ່ນຖ່າຍໄທ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.