ອອກແຈ້ງການ ຫ້າມເຂົ້າໄປອອກກຳລັງກາຍ, ຕຶກເບັດ, ຂາຍເຄື່ອງຕາມເສັ້ນທາງຕັດໃໝ່ ໂພນທັນ-ໂນນ ຫວາຍ ແລະເຮັດກິດຈະກຳກາງແຈ້ງອື່ນຯ ຢູ່ບໍລິເວນຂອບເຂດ ເຂດເສດຖະກິດສະເພາະບຶງທາດຫຼວງ

    0
    402

    ອອກແຈ້ງການ ຫ້າມເຂົ້າໄປອອກກຳລັງກາຍ, ຕຶກເບັດ, ຂາຍເຄື່ອງຕາມເສັ້ນທາງຕັດໃໝ່ ໂພນທັນ-ໂນນ ຫວາຍ ແລະເຮັດກິດຈະກຳກາງແຈ້ງອື່ນຯ ຢູ່ບໍລິເວນຂອບເຂດ ເຂດເສດຖະກິດສະເພາະບຶງທາດຫຼວງ

    ກະຊວງແຜນການ ແລະການລົງທຶນ, ຫ້ອງການສົ່ງເສີມ ແລະຄຸ້ມຄງເຂດເສດຖະກິດພິເສດ ຄະນະຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ, ໄດ້ອອກແຈ້ງການ ເລກທີ 618/ຄຂສພ.ນວ ລົງວັນທີ 13/05/2021, ເລື່ອງ ຫ້າມບໍ່ໃຫ້ພະນັກງານ, ທະຫານຕຳຫຼວດ, ນັກທຸລະກິດ ຊາວຄ້າຂາຍ ຕະຫຼອດຮອດປະຊາຊົນ ເຂົ້າໄປອອກກຳລັງກາຍ, ຕຶກເບັດ, ຂາຍເຄື່ອງຕາມເສັ້ນທາງຕັດໃໝ່ ໂພນທັນ-ໂນນ ຫວາຍ ແລະ ເຮັດກິດຈະກຳກາງແຈ້ງອື່ນຯ ຢູ່ບໍລິເວນຂອບເຂດ ເຂດເສດຖະກິດສະເພາະບຶງທາດຫຼວງຢ່າງເດັດຂາດ

    ຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ( ຄຂສພ.ນວ ) ຂໍຖືເປັນກຽດແຈ້ງມາຍັງທ່ານຊາບ ” ວ່າ: ໃນໄລຍະຜ່ານມາ ເຫັນວ່າ ມີປະຊາຊົນໄດ້ອອກມາເຮັດກິດຈະກໍາກາງແຈ້ງ(ອອກກໍາລັງກາຍ), ຂາຍເຄື່ອງຕາມ ເສັ້ນທາງຕັດໃຫມ່ໂພນທັນ-ໂນນຫວາຍ ແລະ ທາງເຂດກໍໄດ້ມີກິດຈະກໍາໃຫ້ປະຊາຊົນເຂົ້າມາຕຶກເບັດ ຢູ່ທີ່ຫນອງໃຫຍ່ບຶງ ທາດຫຼວງ ໃນເຂດເສດຖະກິດສະເພາະບຶງທາດຫຼວງ ໄດ້ມີມວນຊົນອອກມາເຮັດກິດຈະກໍາດັ່ງກ່າວ ເປັນຈໍານວນຫຼາຍ, ຊຶ່ງເຮັດໃຫ້ມີຄວາມສ່ຽງຕໍ່ການຕິດເຊື້ອ ແລະ ແຜ່ເຊື້ອພະຍາດ ໂ ຄ ວ ິ ດ.

    ສະນັ້ນ, ເພື່ອປະຕິບັດຄໍາສັ່ງ ຂອງທ່ານ ນາຍົກ ລັດຖະມົນຕີ ວ່າດ້ວຍການເພີ່ມທະວີ ມາດຕະການສະກັດກັ້ນ, ຄວບຄຸມ ແລະ ກຽມພ້ອມຮອບດ້ານເພື່ອຕ້ານພະຍາດ ໂ ຄ ວ ິ ດ ສະບັບເລກທີ 15/ນຍ, ລົງວັນທີ 21 ເມສາ 2021 ແລະ ຄໍາແນະນໍາ ການຈັດຕັ້ງປະຕິບັດຄໍາສັ່ງ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂ ຄ ວ ິ ດ ສະບັບເລກທີ 006/ຈນວ ລົງວັນທີ 22 ເມສາ 2021 ທາງ ຄກສພ.ນວ ຈຶ່ງ ແຈ້ງການມາຍັງທ່ານ ດັ່ງນີ້:

    1. ໃຫ້ຜູ້ພັດທະນາ ໂຈະ ຫຼື ເລື່ອນ ກິດຈະກໍາຕຶກເບັດ ຢູ່ທີ່ຫນອງໃຫຍ່ບຶງທາດຫຼວງ ໃນເຂດເສດຖະກິດ, ສະເພາະບຶງທາດຫຼວງ ອອກໄປກ່ອນ ຈົນກວ່າຈະໄດ້ຮັບອະນຸຍາດໃຫມ່ຈາກ ຄຂສພ.ນວ; 2. ຫ້າມບໍ່ໃຫ້ຂາຍເຄື່ອງຕາມເສັ້ນທາງຕັດໃຫມ່ ໂພນທັນ-ໂນນຫວາຍ ຢູ່ໃນເຂດເສດຖະກິດສະເພາະ ບຶງທາດຫຼວງ ຢ່າງເດັດຂາດ;3. ໃຫ້ປິດເສັ້ນທາງ ເຂົ້າ-ອອກ ຈາກເສັ້ນທາງຫຼັກຂອງເຂດໄປຫາຫນອງໃຫຍ່ບຶງທາດຫຼວງ ໄປກ່ອນ(ຊົ່ວຄາວ) ຢູ່ພາຍໃນເຂດເສດຖະກິດສະເພາະ ບຶງທາດຫຼວງ ທີ່ປະຊາຊົນມາອອກກໍາລັງກາຍ ແລະ ໃຊ້ ບໍລິການ; 4.ຫ້າມປະຊາຊົນເຮັດກິດຈະກໍາກາງແຈ້ງ (ອອກກໍາລັງກາຍແລ່ນ, ຍ່າງ ແລະ ອື່ນໆ) ຢູ່ໃນເຂດເສດຖະກິດ ສະເພາະ ບຶງທາດຫຼວງ ໃນໄລຍະການແຜ່ລະບາດພະຍາດ ໂ ຄ ວ ິ ດ (Lock Down) ຢ່າງເດັດຂາດແຕ່ວັນທີ 6-20 ພຶດສະພາ ຈົນກວ່າຈະມີຄໍາສັ່ງອອກມາໃຫມ່;

    5. ໃຫ້ເຂດເສດຖະກິດສະເພາະ ບຶງທາດຫຼວງເອົາໃຈໃສ່ ປະຕິບັດຄໍາສັ່ງຂອງທ່ານ ນາຍົກລັດຖະມົນຕີ ວ່າດ້ວຍການເພີ່ມທະວີ ມາດຕະການສະກັດກັ້ນ, ຄວບຄຸມ ແລະ ກຽມພ້ອມຮອບດ້ານ ເພື່ອຕ້ານພະຍາດ ໂ ຄ ວ ິ ດ ສະບັບເລກທີ 15/ນຍ ລົງວັນທີ 21 ເມສາ 2021, ຄໍາແນະນໍາການຈັດຕັ້ງ ປະຕິບັດຄໍາສັ່ງ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມ ຮອບດ້ານ ເພື່ອຕ້ານພະຍາດ ໂ ຄ ວ ິ ດ ສະບັບເລກທີ OO6/ຈນວ ລົງວັນທີ 22 ເມສາ 2021, ແຈ້ງການຂອງຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ ສະບັບເລກທີ 0440/ ຫຂສພ.05 ລົງວັນທີ 24 ເມສາ 2021 ແລະ ແຈ້ງການຂອງຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ສະບັບເລກທີ 564/ຄຊສພ, ນວ ລົງວັນທີ 23 ເມສາ 2021 ທຶວາງອອກຢ່າງ
    ເຂັ້ມງວດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.