ການກິນກ້ອຍຫຼືລາບດິບ ສ່ຽງເກີດພະຍາດແມ່ທ້ອງໃບໄມ້ຕັບ

    0
    174

    ດັ່ງທີ່ເຮົາກັນຮູ້ແລ້ວວ່າການກິນລາບດິບແມ່ນອີກອາຫານປະເພດໜຶ່ງທີ່ຄົນລາວເຮົາກໍ່ນິຍົມກິນເຊັ່ນດຽວກັນເນື່ອງຈາກວ່າລາບກໍ່ເປັນອາຫານປະຈໍາຊາດຂອງລາວເຮົາເລີຍເຮັດໃຫ້ຄົນລາວເຮົາຫັນມາສົນໃຈອາຫານນີ້ຫຼາຍບາງຄົນກໍ່ບໍ່ມັກກິນແຕ່ລາບສຸກກໍ່ມີ ມື້ນີ້ເລີຍມາແນະນໍາຜົນຮ້າຍຂອງການກິນລາບດິບເປັນແນວໃດ ?

    ພະຍາດແມ່ທ້ອງໃບໄມ້ໃນຕັບມີສາເຫດມາຈາກ ແມ່ທ້ອງທີ່ມີຮູບຮ່າງແບນຄ້າຍໃບໄມ້ ໂດຍມີສ່ວນຫົວ ແລະ ສ່ວນທ້າຍຂອງລໍາໂຕລຽວມົນ ພົບໄດ້ທັງໃນປະເທດແຖບເອເຊຍຕະວັນອອກສຽງໃຕ້ໂດຍສະເພາະທາງພາກຕະວັນອອກສຽງເໜືອພາກເໜືອຂອງໄທ ແລະ ປະເທດລາວໃນບໍລິເວນລ່ອງແມ່ນ້ຳຂອງ.

    ສ່ວນໃຫຍ່ເປັນອາຫານທີ່ປະຊາຊົນນິຍົມກິນ ອາຫານທີ່ເຮັດຈາກປາທີ່ປຸງບໍ່ສຸກເຊັ່ນ: ກ້ອຍປາ,ປາສົດ, ປາສົ້ມ, ໝ້ຳປາ, ປິ້ງປາ, ລາບປາ, ປາແດກ, ແຈ່ວບອງ ເປັນຕົ້ນ.

    ຫາກພົບໂຕອ່ອນຂອງແມ່ທ້ອງໄລຍະຕິດຕໍ່ຍັງມີຊີວິດຢູ່ໃນປາດິບນັ້ນ ແມ່ທ້ອງອາດຈະເລີນເຕີບໂຕເປັນແມ່ທ້ອງໃຫຍ່ເຕັມໄວ ໃນທໍ່ນ້ຳບີພາຍໃນຕັບໄດ້ ນອກຈາກນີ້ພະຍາດໃບໄມ້ໃນຕັບຍັງເປັນສາເຫດສໍາຄັນທີ່ເຮັດໃຫ້ເກີດມະເລັງຂອງທໍ່ນ້ຳບີອີກດ້ວຍ.

    ການປ້ອງກັນພະຍາດແມ່ທ້ອງໃບໄມ້ຕັບເຮັດໄດ້ໂດຍການ ຫຍຸດກິນປານ້ຳຈືດທີ່ມີເກັດແບບດິບຫຼື ປຸງບໍ່ສຸກ ແລະ ຄວນຂັບຖ່າຍໃນສ້ວມໃຫ້ຖືກສຸຂະລັກສະນະເພາະຖ້າຖ່າຍບໍ່ຖືກບ່ອນຂອງເສຍທີ່ລົງສູ່ແມ່ນ້ຳລໍາຄອງກໍຈະເຮັດໃຫ້ໄຂ່ຂອງພະຍາດແມ່ທ້ອງໃບໄມ້ຕັບມີໂອກາດແພ່ກະຈາຍເຂົ້າສູ່ຫອຍນ້ຳຈືດ ເຊິ່ງເປັນພາຫະທີ່ 1 ຂອງພະຍາດແມ່ທ້ອງໃບໄມ້ຕັບໄດ້

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.