ທ່ານພົນໂທ ວິໄລ ຫຼ້າຄໍາຟອງ ລັດຖະມົນຕີ ຜູ້ເວົ້າແທ້ທຳຈິງ

    0
    298

    ທ່ານ ວິໄລ ຂື້ນມາຮັບໜ້າທີ່ເປັນ ລຖຕ ກະຊວງປອ້ງກັນຄວາມສະຫົງບສຸກບໍ່ຮອດສາມເດືອນ ສາມາດສ້າງຄວາມເພີ່ງພໍໃຈ ແລະຄວາມຊື່ນຊົມໃຫ້ຄົນລາວທັງຊາດ ແລະທົ່ວໂລກໄດ້ພຽງມື້ໜື່ງວັນດຽວ. ຖືວ່າ ທ່ານເປັນດາລາໃນໃຈຄົນລາວພວກເຮົາແບບສາຍຟ້າແມັບ ໂດຍບໍ່ຕອ້ງໃຊ້ເວລາຄົ້ນຫາປະຫັວດ, ຄວາມຮູ້, ການສຶກສາ…ຂອງທ່ານຄົນນີ້ມາກອ່ນແຕ່ຢ່າງໃດເລີຍ. ຄວາມເຄົາລົບນັບຖືແລະຍໍມືສາທຸຂອງປະຊາເຮົາເຂົ້າກາຍ ແລະໃຈໄທເຮົາແບບອັດຕະໂນມັດ…ຈົນບໍ່ມີຄໍາບັນຍາຍຕໍ່. ຊົມເຊີຍ! ຊົມເຊີຍ! ຊົມເຊີຍ!

    ການຕັດສິນໃຈປົດຊັ້ນຟັນຍົດພະນັກງານຂັ້ນຕໍ່າທີ່ເສຍທາດຂາດຄຸນທັງສອງຄົນ (ຮທ ສອນອາໄລ ແລະ ຮອ ພູໃສ) ອອກຈາກຖັນແຖວພັກລັດ ໂດຍຜ່ານລາຍເຊັນຈາກສູນກາງ ແລະຜ່ານລາຍມືຂອງ ລຖຕ ສອ່ງແສງໃຫ້ຊາວລາວເຫັນໄດ້ວ່າ ສອງທ້າວນີ້ ແມ່ນຜູ້ຕອ້ງຫາລະດັບຊາດແທ້ໆທີ່ແອບແຝງແພງລິດດວ້ຍຫຼາຍເລ່ກົນສົນສັບ, ແມ່ນແຕ່ຫົວໜ້າພະແນກ ປກສ ສະຫັວນນະເຂດກໍ່ບໍ່ກ້າລົງລາຍເຊັນເຂ່ຍເຂົາເຈົ້າອອກຈາກອົງກອນຕົນເອງ. ສໍາບໍ່ໜໍາ ຍັງອອກມາປົກປອ້ງທ້າວຕື້ ສະຫວັນວ່າລາວບໍ່ໄດ້ພົວພັນກັບຄົນໄທ? ທໍາອີດ ຂພຈ ກໍ່ໃຈເຢັນຕໍ່ການປົກປອ້ງບົດບາດ ແລະໜ້າທີ່ທ້າວຕື້ຂອງຫົວໜ້າພະແນກທ່ານນີ້. ແຕ່ມາເຫັນຄໍາສັ່ງຂອງ ທ່ານວິໄລ ຈື່ງຮູ້ວ່າ ການນໍາແຂວງນີ້ (ໂດຍສະເພາະຜູ້ຮັບຜິດຊອບພະແນກ ປກສ) ຖືກກຸ່ມແກ໋ງອາຊະຍາກອນ (ມີແຕ່ແນວເຖື່ອນ!) ໃນອົງກອນຕົນເອງລູບຫົວຕົບບ່າມີດົນນານພຽງໃດມາແລ້ວ ບໍ່ມີໃຜຮູ້?.

    ຖ້າສະຖານະພາບການປາບປາມພະນັກງານເສຍທາດຂາດຄຸນຂອງ ລັດຖະບານຍັງຮັກສາລະດັບນີ້ຕໍ່ໄປ ພະນັກງານເງີນເດືອນນອ້ຍ ແຕ່ໃຊ້ຊີວິດເໝືອນນັກທຸລະກິດຫຼືເໝຶອນພໍ່ຄ້າແມ່ຄ້າຂອງເຖືີ່ອນ ກຽມສະເທືອນ ສະທາຍກາຍໃຈໄວ້ໂລດ. ລັດຖະບານ ຊຸດນີ້ເຫັນຕົວຈິງແລ້ວວ່າ ບຸກຄະລະກອນໃນອົງກອນພັກລັດຕົນເອງ ກໍ່ສາມາດກາຍເປັນສັດຕູໂຕຮ້າຍກາດແກ່ຊາດໄດ້ທຸກເວລາ. ແຕ່ຖ້າຂອງຄົນເຫຼົ່ານີ້ຂື້ນມາຍາມໃດ ເງີນໃນຄັງລັດ 7-8 ພັນຕື້ກີບເຂົາກໍ່ບໍ່ຫັວນ ແລະແມ່ນແຕ່ຈະຂ້າຄົນທັງຊາດ ເຂົາກໍ່ບໍ່ກົວ (ທ້າວຕື້). ຕອ້ງເອົາໃຈໃສ່ຕິດຕາມພະນັກງານທີ່ໃຊ້ຊີວິດແບບໂລດໂພນເກີນລາຍໄດ້ຕົນເອງຢ່າງຈົດຈໍ່ ແລະມີວິທີສະກັດກັ້ນມັນໃຫ້ທັນດວ່ນ, ໂດຍສະເພາະ ພະນັນງານຮັບພິຊອບຊັບສີນຂອງຊາດ ແລະຜູ້ມີອໍານາດໃນໜ້າທີ່ວິຊາສະເພາະຂອງຕົນເອງ.

    ແຕ່ ລັດຖະບານ ຢ່າພາກັນຕິດຕາມແລະລົງໂທດແຕ່ຜູ້ນອ້ຍ. ຜູ້ໃຫ່ຍໆຂັ້ນແຂວງ ແລະສູນກາງ ກໍ່ບໍ່ໃຫ້ລົດລະ! ສວ່ນຫຼາຍຕົ້ນໄມ້ໃຫ່ຍຈະມີຄົນແລ່ນໄປຮົ່ມສະເໝີ?! ສີ່ງນີ້ ລັດຖະບານ ຕອ້ງມີສະຕິເຊັ່ນກັນ.  ສວ່ນເລື່ອງການສ້າງບົດບາດແລະຄວາມເຊື່ອຖືຈາກປະຊາຊົນ ເພື່ອໃຫ້ຕົນເອງກາຍເປັນຜູ້ນໍາພາທີ່ດີ ແລະເປັນຂວັນໃຈປະຊາທີ່ແທ້ຈິງ ຜູ້ນໍາທີ່ດີເຂົາພຽງຫງ່ຽງຫູຟັງສຽງຄວນຄາງຂອງປະຊາຊົນ ແລະສູ້ຊົນໃຫ້ໄດ້ສີ່ງນີ້ມາແທນຫຼືເພື່ອປະຊາຊົນ ເພີ່ນກໍ່ເປັນທີ່ນິຍົມຂອງປະຊາຊົນໄດ້ແລ້ວ. ເວົ້ານໍາກັນແຈ້ງ: ຜູ້ນໍາແຕ່ລະຂະແໜງຕອ້ງປະຕິຮູບຈຸດອອ່ນຫຼືຈຸດຄ້າງຄາໃນຂະແໜງຕົນເອງ ໃຫ້ໄດ້. ຂື້ນມາບັນຊາແລະຢູ່ລ້າໆ ປະຊາບໍ່ຊື່ນຊົມນໍາ. ກົງກັນຂ້າມ ເຂົາດີໃຈຖ້າທ່ານລົງໄປຄືນ. ແຕ່ຄືທ່ານ ວິໄລ ຫຼ້າຄໍາຟອງ ຢູ່ດົນປານໃດກໍ່ໄດ້…ຖືກໃຈປະຊາແທ້ໆ!
    ຊົມເຊີຍ ທ່ານນາຍພົນ ຈາກໃຈຈິງ! 11.05.21, @ສຸລັດ ທຸມມະວົງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.