ງາມທັງກາຍ ແລະ ຈິດໃຈ ເຈນນີ ຕົ້ນຄຳ ພົນຈັນເຮືອງ Miss world Laos 2017 ສົມທົບທຶນຊ່ວຍເຫຼືອສັງຄົມ ທີ່ໄດ້ຮັບຜົນກະທົບຈາກການລະບາດຂອງພະຍາດ ໂ ຄ ວ ິ ດ

    0
    81

    ງາມທັງກາຍ ແລະ ຈິດໃຈເລີຍສຳລັບນາງງາມຄົນນີ້, ເຈນນີ ຕົ້ນຄຳ ພົນຈັນເຮືອງ ເຈົ້າຂອງມົງກຸດ Miss world Laos 2017 ພ້ອມດ້ວຍທີມງານຕົ້ນຄໍາ ໂມເດລິ້ງ ແລະ ຫຼາຍໆຄົນທີ່ໄດ້ຮ່ວມປະກອບສ່ວນ ໃນການສົມທົບທຶນຊ່ວຍເຫຼືອສັງຄົມໃນຍາມທີ່ບ້ານເມືອງພົບກັບວິກິດແບບນີ້ ດ້ວຍການແຈກຢາຍເຂົ້າສານອາຫານແຫ້ງ ໃຫ້ກັບຜູ້ຄົນ

    ທີ່ຂາດເຂີນ ແລະ ໄດ້ຮັບຜົນກະທົບຈາກການລະບາດຂອງພະຍາດ ໂ ຄ ວ ິ ດ ສາວເຈນນີ ໄດ້ໂພສຜ່ານ ທາງເຟສບຸກສ່ວນຕົວວ່າ: ພາລະກິດແພັກເຄື່ອງມື້ນີ້ ສຳເລັດແລ້ວໆ ນີ້

    ຄືພະລັງນ້ຳໃຈຂອງຄົນລາວທຸກໆຄົນ ທີ່ອອກມາຊ່ວຍເຫລືອກັນໃນຍາມນີ້ ພວກເຮົາຂໍເປັນສ່ວນຫນຶ່ງ ສ່ວນນ້ອຍໆ ທີ່ຂໍຊ່ວຍເຫຼືອກັນ ຊ່ວຍເຫລືອສັງຄົມໃນວິກິດການນີ້

    “ເຮົາອອກມາສ້າງພາບຄວາມດີນຳກັນ ສົ່ງພະລັງບວກໃຫ້ກັນ ແລະ ກັນ ແລ້ວເຮົາຈະຜ່ານວິກິດນີ້ໄປນຳກັນໄດ້ໄວໆເດີ ສາທຸ!”ສຳລັບສາວ ເຈນນີ ແມ່ນມັກຊ່ວຍເຫຼືອສັງຄົມຢູ່ແລ້ວ ບໍ່ວ່າຈະເກີດວິກິດໃດກໍຕາມ ກໍມັກຈະອອກມາແບ່ງ ປັນນຳ້ໃຈໃຫ້ຄົນລາວນຳກັນ ແລະ ຄັ້ງນີ້ ເຈນນີ ຍັງກຳລັງຮວບຮວມທຶນເພື່ອຈະຊ່ວຍເຫຼືອສັງຄົມໃນຄັ້ງຕໍ່ໆໄປອີກດ້ວຍ.

    ທີມງານຂ່າວບັນເທີງກໍຕ້ອງສະແດງຄວາມຂອບໃຈແທນຄົນລາວທຸກຄົນ ແລະ ຂໍອວຍພອນໃຫ້ ເຈນນີ  ແລະ ທີມງາມໝົດທຸກຄົນ ຈົ່ງປະສົບຜົນສຳເລັດ, ມີແຕ່ຄວາມສຸກໃນທຸກບາດກ້າວຂອງຊີວິດດ້ວຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.