ສາທານະຄອນຫຼວງ ຈະເນັ້ນການຄົ້ນຫາຜູ້ຕິດເຊື້ອ ໂ ຄ ວ ິ ດ ໃຫ້ໄວ ແລະ ໃຫ້ບໍລິການສັກຢາວັກຊີນເຄື່ອນທີ່

    0
    165

    ຫົວໜ້າພະແນກສາທາລະນະສຸກ ນະຄອນຫຼວງວຽງຈັນ ກ່າວວ່າຈະເນັ້ນຊອກຫາຜູ້ຕິດເຊື້ອໃຫ້ໄດ້ໄວ້ ເພື່ອຕັດວົງຈອນການລະບາດ ແລະ ຕັ້ງຄະນະໃຫ້ບໍລິການສັກວັກຊີນເຄື່ອນທີ່ຕາມບ້ານ.ທ່ານ ດຣ ນາງ ໄຊພອນ ນັນທະພອນ ຫົວໜ້າພະແນກສາທາລະນະສຸກ ນະຄອນຫຼວງວຽງຈັນ (ນວ) ໄດ້ລາຍງານກ່ຽວກັບມາດຕະການທີ່ທາງ ນວ ໄດ້ກຽມໄວ້ຮອງຮັບກໍລະນີຜູ້ຕິດເຊື້ອໃໝ່ທີ່ມີເພີ່ມຂຶ້ນໃນແຕ່ລະວັນ ໃນພິທີຖະແຫຼງຂ່າວຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂພະຍາດໂ ຄ ວ ິ ດ ປະຈຳວັນ

    ທີ 7 ພຶດສະພາ 2021 ວ່າ: ພວກເຮົາໄດ້ມີມາດຕະການຄວບຄຸມພະຍາດດັ່ງກ່າວ ໂດຍອີງໃສ່ແຈ້ງການຂອງ ທ່ານນາຍົກລັດຖະມົນຕີ ເລກທີ 15/ນຍ ລົງວັນທີ 21 ເມສາ 2021, ທາງຄະນະສະເພາະກິດ ນວ ກໍເອົາມາຜັນຂະຫຍາຍເປັນຂໍ້ຕົກລົງຂອງທ່ານເຈົ້າຄອງ ນວ ໂດຍມີການແບ່ງຄວາມຮັບຜິດຊອບແຕ່ລະຂະແໜງການຢູ່ ນວ ຜັນຂະຫຍາຍເປັນອັນລະອຽດຕາມໜ້າທີ່ສະເພາະຂອງຕົນ.ນອກຈາກນັ້ນ, ຍັງໄດ້ເອົາໃຈໃສ່ຊອກຫາກໍລະນີຜູ້ຕິດເຊື້ອໃໝ່ໃນແຕ່ລະມື້ທີ່ເປັນຄົນເຈັບຂອງ ນວ ເຊິ່ງຖ້າຫາກມີ

    ລາຍງານກໍລະນີຜູ້ຕິດເຊື້ອໃໝ່ໃນແຕ່ລະມື້ແພດ-ໝໍ ກໍຈະໄດ້ເອົາໃຈໃສ່ຕິດຕາມ, ຊອກຫາຜູ້ທີ່ຕິດເຊື້ອໃໝ່ໂດຍໃຫ້ຮູ້ຂໍ້ມູນລະອຽດແລ້ວ ຈຶ່ງເອົາລົດໄປຮັບຜູ້ກ່ຽວມາປິ່ນປົວຢູ່ໂຮງໝໍ.  ເໃນ ນວ ມີໂຮງໝໍຮັບຮອງການປິ່ນປົວຄົນເຈັບຕິດເຊື້ອພະຍາດໂ ຄ ວ ິ ດ ທັງໝົດ 6 ແຫ່ງ. ໃນນີ້, ໂຮງໝໍສູນການງ 3 ແຫ່ງຄື ໂຮງໝໍມິດຕະພາບ, ໂຮງໝໍເຊດຖາທິຣາດ, ໂຮງໝໍສູນກາງ 103 ກອງທັບ ແລະ ໂຮງໝໍພາກສະໜາມ 3 ແຫ່ງຄື: ຢູ່ສູນຝືກກິລາຫ້ວຍຫົງ, ສະໜາມຍິງປືນຫຼັກ 27 ແລະ ສະໜາມກິລາໃນຮົ່ມ

    ລ້ານຊ້າງ ໂດຍໂຮງໝໍພາກສະໜາມທັງ 3 ແຫ່ງ ແມ່ນສາມາດຮັບເອົາຄົນເຈັບຕິດເຊື້ອໂ ຄ ວ ິ ດ ເຂົ້າໄປປິ່ນປົ່ວແລ້ວ.ສ່ວນກໍລະນີການຕິດຕາມຫາຄົນເຈັບໃນແຕ່ລະມື້ຄື ຄົນເຈັບຜູ້ທີ່ເກັບຕົວຢ່າງໃນແຕ່ລະມື້ເຫັນວ່າຕົນເອງສ່ຽງ, ສຳຜັດກັບຜູ້ຕິດເຊື້ອຜ່ານມາ ກໍໄດ້ໄປຂໍກວດເກັບຕົວຢ່າງຫາເຊື້ອໂ ຄ ວ ິ ດ ແຕ່ວ່າໃນການໄປກວດນັ້ນບາງຄົນກໍຍັງໃຫ້ຂໍ້ມູນບໍ່ຄົບຖ້ວນ, ບໍ່ຊັດເຈນ ດັ່ງທີ່ຄະນະສະເພາະກິດໄດ້ປະກາດຫາໃນແຕ່ລະຄັ້ງ ເນື່ອງຈາກບໍ່ສາມາດນຳຫາໄດ້ ເຊິ່ງວຽກດັ່ງກ່າວທາງສາທາລະນະສຸກ ກໍໄດ້ປະສານງານຫາ

    ອຳນາດການປົກຄອງເມືອງ, ບ້ານ ແລະ ສົມທົບກັບເຈົ້າໜ້າ ປກສ.ນວ ເພື່ອຊອກຫາຂໍ້ມູນວ່າ ມີຂໍ້ມູນແຫຼງອື່ນອີກບໍ່ທີ່ສາມາດຢັ້ງຢືນໂຕຕົນຜູ້ກ່ຽວ, ເພາະບາງຄົນມີແຕ່ຊື່ນາມສະກຸນ, ທີ່ຢູ່ບໍ່ຊັດເຈນ, ເບີໂທໃຫ້ບໍ່ຖືກຕ້ອງ. ສະນັ້ນ, ຈຶ່ງໄດ້ສົມທົບກັບທຸກພາກສ່ວນໃນການຊອກຫາຜູ້ຕິດເຊື້ອ ເພື່ອໃຫ້ໄດ້ຮັບການຮັກສາຕາມລະບຽບການ ແລະ ມາຮອດປັດຈຸບັນຜູ້ຕິດຕໍ່ຊອກຫາບໍ່ໄດ້ກໍ່ມີໜ້ອຍລົງແລ້ວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.