ແຈ້ງການ…!!! ບຸກຄົນແລະນີຕິບຸກຄົນ ທີ່ຢູ່ພາຍໃນເຂດເສດຖະກິດພິເສດສາມຫຼ່ຽມຄຳ ທີ່ຕ້ອງປະຕິບັດໃຫ້ເຂັ່ງງວດ.

    0
    126

    ກະຊວງແຜນການ ແລະ ການລົງທຶນ ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ  ແຂວງບໍ່ແກ້ວ ເລກທີ139/ຄຂສພ.ບກ ລົງວັນທີ 5 ພຶດສະພາ 2021.

    ແຈ້ງການ ເຖິງ: ກຸ່ມບໍລິສັດ ດອກງິ້ວຄໍາ, ບໍລິສັດບັນເທີງ ດອກງິ້ວຄໍາ, ບັນດານັກທຸລະກິດ, ຜູ້ປະກອບການ, ພໍ່ຄ້າຊາວຂາຍ
    ທັງພາຍໃນ ແລະ ຕ່າງປະເທດ ພາຍໃນເຂດເສດເສດຖະກິດພິເສດ ສາມຫຼ່ຽມຄໍາ ທີ່ນັບຖື

    ອີງຕາມ ຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະຄຸ້ມຄອງເຂດເສດຖະກິດພິເສດແຂວງ ແລະ ນະຄອນຫຼວງ ສະບັບເລກທີ 197 1/ກຜທ, ລົງວັນທີ 15 ສິງຫາ 2018;

    ອີງຕາມ ການຕົກລົງເຫັນດີເປັນເອກະພາບ ລະຫ່ວາງ ຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ແລະ ສະພາ ບໍລິຫານ ຂສພຄ ໃນກອງປະຊຸມ ຄັ້ງວັນທີ 05 ພຶດສາພາ 2021.

    ຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ຂໍແຈ້ງມາຍັງ ກຸ່ມບໍລິສັດ ດອກງິ້ວຄໍາ, ບໍລິສັດບັນເທີງ ດອກງິ້ວຄໍາ, ບັນດານັກທຸລະກິດ, ຜູ້ປະກອບການ, ພໍ່ຄ້າຊາວຂາຍທັງພາຍໃນ ແລະ ຕ່າງປະເທດ ທີ່ດໍາເນີນກິດຈະການ ຢູ່ພາຍໃນເຂດເສດເສດຖະກິດພິເສດ ສາມຫຼ່ຽມຄໍາ ເພື່ອຊາບດັ່ງນີ້:

    I. ຂໍ້ຄວນປະຕິບັດ. 1. ສໍາລັບບໍລິສັດ ແລະ ຫົວຫນ່ວຍທຸລະກິດພາຍໃນເຂດ ຂສພຄ ໃນຊ່ວງລະບາດພະຍາດໂຄວິດ-19 ນີ້ບໍ່ໃຫ້ເອົາພະນັກງານອອກວຽກເດັດຂາດ ແລະ ໃຫ້ຈ່າຍຄ່າແຮງງານຕາມຄວາມເຫມາະສົມ;

    2. ສໍາລັບຄົນລາວເຮັດວຽກພາຍໃນ ຂສພຄ ຕ້ອງມີຄວາມອົດທົນຕໍ່ກັບການເຮັດວຽກ, ບໍ່ໃຫ້ລາອອກຈາກວຽກ ແລະ – ບໍ່ໃຫ້ສ້າງບັນຫາ; 3. ຫ້າມເດັດຂາດບໍ່ໃຫ້ບຸກຄົນໃດໆທີ່ອາໃສຢູ່ໃນ ຂສພຄ ລັກອອກໄປຈາກ ຂສພຄ ໃນຊ່ວງລະບາດພະຍາດໂຄວິດ-19
    ເດັດຂາດ.

    II. ມາດຕະການ. 1. ຕໍ່ກັບບໍລິສັດ ແລະ ຫົວຫນ່ວຍທຸລະກິດພາຍໃນ ຂສພຄ. ຖ້າຫາກມີການເອົາພະນັກງານອອກຈາກວຽກໃນຊ່ວງມີການລະບາດພະຍາດໂຄວິດ-19 ຫຼື ບໍ່ມີຄວາມຮັບຜິດຊອບຕໍ່ກັບພະນັກງານຂອງຕົນ ທາງເຂດຈະບໍ່ອະນຸຍາດໃຫ້ ບັນດາບໍລິສັດ ຫຼື ຫົວຫນ່ວຍທຸລະກິດດໍາເນີນກິດຈະການຕໍ່ໄປອີກ, ພ້ອມຍືດໃບທະບຽນວິສາຫະກິດຄືນ;

    2. ຕໍ່ກັບຄົນລາວທີ່ເຮັດວຽກພາຍໃນ ຂສພຄ ຖ້າຫາກອອກຈາກວຽກ ຫຼື ຫາກສ້າງຄວາມປັ່ນປ່ວນໃນດ້ານທີ່ບໍ່ເຫມາະສົມເຊັ່ນ: ສ້າງກະແສປັ່ນປ່ວນທາງໃນ ແລະ ນອກ ລົງຂໍ້ຄວາມທີ່ບໍ່ດີມີຜົນກະທົບຕໍ່ ຂສພຄ ທາງສືອອນລາຍຫາກມີການຝ່າຝືນ, ໃນເວລາພົບບັນຫາທາງການຈັດຕັ້ງຈະບໍ່ຊ່ວຍແກ້ໄຂໃຫ້ເດັດຂາດ;

    3. ຕໍ່ກັບບຸກຄົນໃດໆທີ່ລັກລອບອອກໄປຈາກເຂດໃນຊ່ວງລະບາດພະຍາດໂຄວິດ-19 ນີ້ ,ຖ້າຫາກຖືກຈັບໄດ້ທາງເຂດຈະຂື້ນບັນຊີລາຍຊື່ ແລະ ຈະບໍ່ອະນຸຍາດໃຫ້ເຂົ້າມາເຮັດວຽກ ຫຼື ອາໃສຢູ່ໃນເຂດໄດ້ອີກຕໍ່ໄປ.

    ດັ່ງນັ້ນ, ຈຶ່ງຮຽນມາຍັງທຸກທ່ານ ເພື່ອຮັບຊາບ ແລະ ພ້ອມກັນຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ ຢ່າງເຂັ້ມງວດ ຜູ້ຕິດຕໍ່ປະສານງານ ຫົວຫນ້າຄະນະຄຸ້ມຄອງ, ທ່ານ ສົມພອນ ສຸທໍາ 020 59353656  ທ່ານ ວິລະສອນ ທອງສະຫວັດ 020 55783009ເຂດເສດຖະກິດພິເສດ ແຂວງບໍ່ແກ້ວ  ທ່ານ ພອນໄຊ ສີຜາວັນ 020 97251666

    ຫມາຍເຫດ: ສໍາລັບການສັກຢາວັກຊິນປ້ອງກັນໂຄວິດ-19 ຢູ່ເຂດແມ່ນສັກໃຫ້ຟີຣ (ບໍ່ໄດ້ເສຍຄ່າ).

    ທີ່ມາ:ເຂດເສດຖະກິດພິເສດສາມຫຼ່ຽມຄຳ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.