ຊົມເຊີຍແພດໝໍບໍລິຄຳໄຊ ກໍລະນີທຳອິດປົວດີສົ່ງກັບບ້ານແລ້ວ

    0
    88

    ເປັນເລື່ອງທີ່ໜ້າຍິນດີແລະຊົມເຊີຍຫຼາຍ ທີ່ບັນດາແພດໝໍ, ພະຍາບານແຂວງບໍລິຄຳໄຊ ສຳເລັດໜຶ່ງພາລະກິດປົວຜູ້ປ່ວຍໂ ຄ ວ ິ ດ ລາຍທຳອິດຂອງແຂວງ ສົ່ງກັບຄອບຄົວເປັນທີ່ຮຽບຮ້ອຍ ຍັງແຕ່ຕ້ອງກັກໂຕເອງອີກ 14 ວັນຖ້າບໍ່ມີຫຍັງກໍອອກໃຊ້ຊີວິດປົກກະຕິໄດ້ແລ້ວ.ໃນວັນທີ 5 ພຶດສະພານີ້ ຢູ່ສູນປິ່ນປົວພະຍາດ Covid-19 ຫຼັກ 6 ເມືອງ

    ປາກຊັນ ໄດ້ມີພິທີຊົມເຊີຍຜົນສໍາເລັດໃນການຮັກສາປິ່ນປົວຜູ້ທີຕິດເຊື້ອພະຍາດ Covid-19 ຫາຍດີເປັນຄົນທໍາອິດຂອງແຂວງບໍລິຄຳໄຊ ນັ້ນກໍຄືຜູ້ຕິດເຊື້ອກໍລະນີຄົນທີ 1

    ຂອງແຂວງ, ທີ 58 ຂອງທົ່ວປະເທດ, ຢູ່ບ້ານໂພນມຸງຄຸນ ເມືອງບໍລິຄັນ.ໃຫ້ກຽດເຂົ້າຮ່ວມໃນພິທີດັ່ງກ່າວໂດຍ ທ່ານ ປອ ກອງແກ້ວ ໄຊສົງຄາມ ເຈົ້າແຂວງ ບໍລິຄໍາໄຊ, ມີ

    ຄະນະພະແນກສາທາລະນະສຸກແຂວງ, ຄະນະອຳນວຍການໂຮງໝໍແຂວງ ແລະ ທີມງານວິຊາການ. ໃນໂອກາດດຽວກັນນີ້ ທ່ານ ເຈົ້າແຂວງ ກໍໄດ້ສະແດງຄວາມຂອບໃຈ,

    ຍ້ອງຍໍຊົມເຊີຍມາຍັງທີມງານແພດໝໍ, ພະຍາບານ ທີ່ໄດ້ຕັ້ງໜ້າເອົາໃຈໃສ່ປິ່ນປົວຄົນເຈັບທີ່ຕິດເຊື້ອພະຍາດ Covid-19 ຈົນຫາຍດີສາມາດກັບບ້ານໄດ້, ເມືອຈໍາກັດບໍລິເວນຢູ່ເຮືອນ ເພື່ອຕິດຕາມອາການຕື່ມອີກ 14 ວັນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.