ແມ່ທີ່ທຳສະຖິຕິເລື່ອງເກີດລູກ 9 ຄົນບາດດຽວ

    0
    169

    ເປັນເລື່ອງທີ່ໜ້າຍິນດີຫຼາຍກັບຜູ້ຍິງຊາວມາລີຄົນໜຶ່ງຊື່ນາງ Halima Cisse ອາຍຸ 25 ປີ ທີ່ໄດ້ອອກລູກແຝດ 9 ຄົນ (ຍິງ 5, ຊາຍ 4) ທຸກຄົນມີສຸຂະພາບແຂງແຮງດີ ຖືເປັນສະຖິຕິໃຫ້ກຳເນີດລູກຫຼາຍທີ່ສຸດຂອງໂລກໃນຂະນະນີ້!

    ຕາມຂ່າວເປີດເຜີຍໃນວັນທີ 4 ພຶດສະພາ 2021ຂອງ ສໍານັກຂ່າວຕ່າງປະເທດ ລາຍງານໃຫ້ຮູ້ວ່າ ນາງ Halima Cisse ຄົນປະເທດ ມາລີ ສ້າງສະຖິຕິໂລກໃໝ່ ດ້ວຍການອອກລູກແຝດ 9 ຄົນ ໂດຍຕອນທີ່ຍັງຢູ່ທ້ອງ ໄດ້ສ່ອງກ້ອງ ພົບວ່າ ເປັນລູກແຝດ 7 ຄົນ, ແຕ່ເມື່ອເກີດອອກມາ ພົບວ່າ ມີທັງໝົດ 9 ຄົນ, ແລະ ເດັກນ້ອຍທຸກຄົນ ແມ່ນມີສຸຂະພາບ ແຂງແຮງ ທຸກຄົນ.

    ສຳລັບສະຖິຕິການມີລູກແຝດຫຼາຍສຸດໃນຜ່ານມາແມ່ນຍິງຊາວອາເມລິກັນຄົນໜຶ່ງໄດ້ໃຫ້ກຳເນີດລູກແຝດ8 ໃນປີ 2009 ທຸກຄົນແມ່່ນຢູ່ລອດປອດໄພຕອນນີ້ກໍ່ອາຍຸ 10 ກວ່າປີແລ້ວ.

    ຈາກນັ້ນກໍ່ມີແມ່ຍິງຢູ່ອົດສະຕາລີ ແລະມາເລເຊຍກໍ່ຢູ່ໃນສະຖິຕິແມ່ທີ່ໄດ້ລູກຫຼາຍຄົນ ແຕ່ເດັກນ້ອຍແມ່ນບໍ່ສາມາດເຕີບໂຕໄດ້ ຄວາມໝາຍຄືຫຼັງຈາກເກີດມາກໍ່ຄ່ອຍເສຍໄປ ເນື່ອງຈາກເດັກໂຕນ້ອຍເກີນໄປສຸຂະພາບບໍ່ແຂງແຮງປານໃດ.

    ສຳລັບລູກໆຂອງນາງ Halima Cisse ທຸກຄົນແມ່ນມີສຸຂະພາບແຂງແຮງດີ ຫຼັງຈາກຮູ້ຂ່າວນີ້ ທຸກໆຄົນທີ່ຮູ້ຈັກ ແລະບໍ່ຮູ້ຈັກກັບສອງຜົວເມຍ ແອັດຈູດານຄາເມີ ແລະ ນາງ ຮາລີມາ ຊິສ ລ້ວນໂທລະສັບໄປຫາສະແດງຄວາມດີໃຈນຳ ແມ່ນແຕ່ປະທານາທິບໍດີຂອງປະເທດມາລີເອງກໍ່ຍັງໂທໄປສະແດງຄວາມຍິນດີດ້ວຍ.

    ຊິ່ງແມ່ລູກແຝດ9 ແມ່ນຕອນນີ້ທາງລັດຖະບານໄດ້ໃຫ້ຍົກຍ້າຍໄປຢູ່ໃນໂຕເມືອງໂມໂດໂກເປັນທີ່ຮຽບຮ້ອຍແລ້ວເພື່ອສະດວກໃນການດູແລເບິ່ງແຍງ .

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.