ຄວາມຄືບໜ້າການສືບບຸກຄົນ ກຸ່ມຄົນທັງຄົນລາວ ຄົນຕ່າງປະເທດ ທີ່ເປັນຕົ້ນເຫດໃນການແຜ່ເຊື້ອ ໂ ຄ ວ ິ ດ

    0
    260

    ໃນວັນທີ 5 ພຶດສະພາ 2021, ພົນຕີ ຄໍາກິ່ງ ຜຸຍຫຼ້າມະ ນີວົງ ຫົວໜ້າ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ລາຍງານຄວາມຄືບໜ້າໃນການສືບ ສວນ-ສອບສວນບຸກ ຄົນ, ກຸ່ມຄົນ ຊຶ່ງລວມຄົນລາວ ແລະ ຄົນຕ່າງປະເທດ ທີ່ເປັນຕົ້ນເຫດໃນການແຜ່ເຊື້ອ ໃນຕົ້ນເດືອນ ເມສາ 2021 ທີ່ຜ່ານມາ.ນັບແຕ່ທ້າຍປີ 2019 ມາເຖິງທ້າຍເດືອນມີນາ ປີ 2021 ສປປ ລາວ ມີຜູ້ຕິດເຊື້ອໂ ຄ ວ ິ ດ ຈໍານວນ 49 ຄົນ ແລະ ທັງໝົດເເມ່ນໄດ້ຮັບການປິ່ນປົວຫາຍດີ, ບໍ່ມີກໍລະນີເສຍຊີວິດ, ສະແດງໃຫ້ເຫັນເຖິງຄວາມເອົາ ໃຈໃສ່ຊີ້ນໍາ-ນໍາພາຂອງສູນ ກາງພັກ-ລັດຖະບານ, ສະພາແຫ່ງຊາດ, ອົງການປົກຄອງທ້ອງຖິ່ນ, ສະແດງໃຫ້ ເຫັນເຖິງຄວາມສາມັກຄີເປັນຈິດໜຶ່ງໃຈດຽວຂອງພາກລັດ, ພາກເອກະຊົນ ເເລະ ປະຊາຊົນບັນດາເຜົ່າທີ່ໄດ້ ຮ່ວມແຮງຮ່ວມໃຈສະກັດກັ້ນ, ຕ້ານ ແລະ ຄວບຄຸມການແຜ່ລະບາດຂອງພະຍາດດັ່ງກ່າວຢ່າງມີຜົນສໍາເລັດ.

    ເເຕ່ມາຮອດຕົ້ນເດືອນເມສາ 2021, ຍ້ອນ ມີບຸກຄົນ, ກຸ່ມຄົນຈໍານວນໜຶ່ງ ຊຶ່ງມີຄົນລາວ, ຄົນຕ່າງ ປະເທດໄດ້ເຄື່ອນ ໄຫວລະເມີດລະບຽບກົດໝາຍ; ຈໍານວນໜຶ່ງລັກລອບເຂົ້າ-ອອກຕາມຊາຍແດນລະຫວ່າງ ສປປ ລາວ ກັບປະເທດໃກ້ຄຽງ ຊຶ່ງເປັນພື້ນທີ່ທີ່ມີການແຜ່ລະບາດຂອງພະຍາດ ໂ ຄ ວ ິ ດ ລະບາດ ຢ່າງຮຸນແຮງ; ພ້ອມກັນນີ້ກໍມີບາງບຸກຄົນຢູ່ພາຍໃນປະເທດຂາດສະຕິໃນການປະຕິບັດນະໂຍບາຍ ແລະ ມາດ ຕະການສະກັດກັ້ນທີ່ພາກສ່ວນກ່ຽວຂ້ອງແຕ່ລະຂັ້ນວາງອອກ ດ້ວຍການກະທໍາຕ່າງໆເຊັ່ນ: ໃຫ້ການຊ່ວຍເຫຼືອ, ປົກປິດ ເເລະ ຮ່ວມກັນກະທໍາຜິດນໍາເອົາເຊື້ອພະຍາດໄປແຜ່ລະບາດໃນສະຖານທີ່ຊຸມຊົນເປັນຕົ້ນ: ສະຖານບັນ ເທີງ, ຮ້ານອາຫານ, ຮ້ານກິນດື່ມ, ຮ້ານບໍລິການຕ່າງໆ ຕະຫຼອດຮອດສະຖານທີ່ທ່ອງທ່ຽວ ແລະ ອື່ນໆ. ຊຶ່ງເປັນສາເຫດກໍ່ໃຫ້ເກີດການແຜ່ລະບາດພະຍາດ ໂ ຄ ວ ິ ດ ຮອບໃໝ່ຢູ່ ສປປ ລາວ ເປັນວົງກວ້າງ ແລະ ເພີ່ມຂຶ້ນຢ່າງຕໍ່ເນື່ອງ ສົ່ງຜົນກະທົບທັງທາງກົງ ແລະ ທາງອ້ອມຕໍ່ຄວາມບໍ່ສະຫງົບ, ຄວາມບໍ່ເປັນລະບຽບ ຮຽບຮ້ອຍ, ປອດໄພຂອງສັງຄົມ; ສົ່ງຜົນສະທ້ອນເຖິງການພັດທະນາເສດຖະ ກິດ-ສັງຄົມ ຕະຫຼອດການດໍາລົງຊີ ວິດຂອງປະຊາຊົນບັນດາເຜົ່າ.

    ຜ່ານການສືບສວນ-ສອບສວນເກັບກໍາຂໍ້ມູນຂອງເຈົ້າໜ້າທີ່ ຈຶ່ງຮູ້ໄດ້ວ່າກຸ່ມຄົນດັ່ງກ່າວມີອາຊີບເປັນກໍາ ມະກອນ, ນັກຮຽນ-ນັກສຶກສາ, ເປັນເຈົ້າໜ້າທີ່ຂອງລັດ, ຈໍານວນໜຶ່ງກໍເປັນປະຊາຊົນລາວ ແລະ ຈໍານວນໜຶ່ງ ກໍເປັນຄົນຕ່າງປະເທດ ທີ່ເປັນປະເທດໃກ້ຄຽງມີຊາຍແດນຕິດຈອດກັນ, ການກະທໍາຂອງພວກກ່ຽວເປັນການ ລະເມີດຕໍ່ກົດໝາຍຂອງ ສປປ ລາວ, ເປັນການກະທໍາຜິດຕໍ່ປະມວນກົດໝາຍອາຍາ, ກົດໝາຍວ່າດ້ວຍ ການເຂົ້າ-ອອກເມືອງ ແລະ ຄຸ້ມຄອງຄົນຕ່າງປະເທດ, ກົດໝາຍວ່າດ້ວຍການກັນ ເເລະ ຄວບຄຸມພະຍາດ ຕິດຕໍ່ ຊຶ່ງແນ່ ນອນທີ່ສຸດເປົ້າໝາຍດັ່ງກ່າວຈະຕ້ອງຖືກດໍາເນີນຄະດີຕາມຂະບວນການຍຸຕິທໍາ, ໝາຍຄວາມ ວ່າອົງການສືບສວນ-ສອບສວນຂອງເຈົ້າໜ້າທີ່ຕໍາຫຼວດປະກອບສໍານວນຄະດີສົ່ງໄອຍະການສັ່ງຟ້ອງສານ ເເລະ ຕັດສິນລົງໂທດຕາມສະຖານຄວາມຜິດໜັກ ຫຼື ເບົາຂອງເເຕ່ລະຄົນ (ກໍລະນີຄົນຕ່າງປະເທດກໍຕ້ອງດໍາເນີນ ການຕາມກົນໄກສົ່ງ: ຕົວຜູ້ຮ້າຍຂ້າມແດນຕາມສົນທິສັນຍາ 2 ຝ່າຍ).

    ແຕ່ເນື່ອງຈາກໃນປັດຈຸບັນນີ້, ການແຜ່ລະບາດຂອງພະຍາດ ໂ ຄ ວ ິ ດ ຢູ່ ສປປ ລາວ ມີທ່າອ່ຽງຂະ ຫຍາຍຕົວຢູ່; ກຸ່ມຄົນດັ່ງກ່າວຈໍານວນໜຶ່ງຢູ່ໃນໄລຍະກັກຕົວຢູ່ສູນກັກບໍລິເວນ, ຈໍານວນໜຶ່ງກໍຢູ່ໃນໄລຍະປິ່ນປົວ ພະຍາດຢູ່ຕາມໂຮງໝໍເເຫ່ງຕ່າງໆ ສະນັ້ນ, ຈຶ່ງບໍ່ສາມາດນໍາຕົວມາສືບສວນ-ສອບສວນ ຕາມຂັ້ນຕອນ ຂອງການດໍາເນີນຄະດີໄດ້ຢ່າງເຕັມສ່ວນ, ເຖິງແມ່ນວ່າຈະມີຈໍານວນໜ້ອຍໜຶ່ງໄດ້ປິ່ນປົວຫາຍດີແຕ່ກໍຍັງຕ້ອງ ໄດ້ຕິດຕາມໄປຕື່ມອີກໄລຍະໜຶ່ງ ເພື່ອປະຕິບັດຕາມມາດຕະການປ້ອງກັນ-ຄວບຄຸມ ຂອງຄະນະສະເພາະກິດ ຂັ້ນສູນກາງໄດ້ກໍານົດ, ເມື່ອໃດພວກກ່ຽວທັງໝົດປິ່ນປົວຫາຍຂາດຈາກພະຍາດ ໂ ຄ ວ ິ ດເຈົ້າໜ້າທີ່ກໍຈະ ສືບຕໍ່ນໍາຕົວມາດໍາເນີນຄະດີຕາມຂະບວນການຍຸຕິທໍາ, ຕາມສະຖານຄວາມຜິດໜັກ – ເບົາທີ່ກົດໝາຍກໍານົດ, ຈະບໍ່ມີການລະເວັ້ນເດັດຂາດເຖິງກຸ່ມຄົນດັ່ງກ່າວຈະເປັນເຈົ້າໜ້າທີ່ລັດ, ເປັນກໍາມະກອນຮັບຈ້າງ, ເປັນນັກຮຽນ-ນັກສຶກສາ, ເປັນປະຊາຊົນທົ່ວໄປ; ຈະເເມ່ນຄົນລາວ ຫຼື ຄົນຕ່າງປະເທດກໍຕ້ອງໄດ້ປະຕິບັດຕາມລະບຽບກົດ ໝາຍຂອງ ສປປ ລາວ ເພື່ອໃຫ້ຄວາມເປັນທໍາແກ່ສັງຄົມ.

    ໃນໂອກາດນີ້ຂໍຮຽກຮ້ອງໃຫ້ພົນລະເມືອງລາວທຸກຄົນ ຈົ່ງຮ່ວມແຮງຮ່ວມໃຈກັນຕໍ່ສູ້ກັບພະຍາດອັກເສບ ປອດສາຍພັນໃໝ່ ໂ ຄ ວ ິ ດ, ປະຕິບັດຕາມມາດຕະການທີ່ສູນກາງພັກ, ລັດຖະບານ ກໍຄືຄະນະສະເພາະກິດ ຂັ້ນຕ່າງໆໄດ້ກໍານົດຢ່າງເຂັ້ມງວດ, ໃຫ້ການຊ່ວຍເຫຼືອ ແລະ ສະໜັບສະໜູນເຈົ້າໜ້າທີ່ເພື່ອນໍາເອົາຜູ້ກະທໍາຜິດ ຫຼື ແຜ່ເຊື່ອພະຍາດຢູ່ປະເທດເຮົາເຂົ້າສູ່ຂະບວນການຍຸຕິທໍາ.

    ນອກຈາກນີ້, ຂໍຮຽກຮ້ອງໃຫ້ຄົນລາວທຸກຄົນຕິດ ຕາມຂ່າວສານທີ່ເປັນທາງການອອກຈາກຊ່ອງຕ່າງໆຂອງລັດ ແລະ ເອກະຊົນທີ່ໄດ້ຮັບອະນຸຍາດຢ່າງຖືກຕ້ອງ ຕາມກົດໝາຍ ເພື່ອຫຼີກເວັ້ນການເສບຂ່າວປອມ, ຂ່າວບໍ່ຖືກຕ້ອງຕາມຂໍ້ມູນຄວາມຈິງທີ່ກຸ່ມຄົນບໍ່ຫວັງດີສ້າງ ຂຶ້ນມາເພື່ອບິດເບືອນ, ປັ່ນປ່ວນ, ໂຄສະນາໃສ່ຮ້າຍປ້າຍສີການນໍາພັກ-ລັດຖະບານ ແລະ ກ່ອນທີ່ຈະໂພສ, ແຊຂໍ້ມູນຂ່າວສານລົງຜ່ານສື່ສັງຄົມອອນລາຍຂໍໃຫ້ບັນດາທ່ານພິຈາລະນາຢ່າງລະອຽດຖີ່ຖ້ວນກ່ອນ ເປັນຄວາມ ຈິງ, ຖືກຕ້ອງເເລ້ວຈຶ່ງໂພສ, ແຊຂໍ້ມູນລົງ ເພາະຖ້າວ່າເປັນຂ່າວປອມເເມ່ນຈະມີຄວາມຜິດຕາມປະມວນກົດ ໝາຍອາຍາ.

    ຂ່າວ-ພາບ: ພູວັນ
    Lao National Radio

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.