ຕາມນີ້ເດີ້ພີ່ນ້ອງ! ເຂັ້ມງວດຕໍ່ຄໍາສັ່ງເລກທີ 15/ນຍ ຄຸມເຂັ້ມຮອບດ້ານຮອດວັນທີ 20ພຶດສະພາ

    0
    374

    ຮອງນາຍົກລັດຖະມົນຕີ ຫົວໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງ ໃຫ້ສືບຕໍ່ຈັດຕັ້ງປະຕິບັດຄໍາສັ່ງເລກທີ 15/ນຍ ຕໍ່. ຮຽກຮ້ອງທຸກພາກສ່ວນໃຫ້ຄວາມຮ່ວມມື ແລະ ເຄັ່ງຄັດຕໍ່ທຸກມາດຕະການທີ່ວາງອອກ ແນໃສ່ຄວບຄຸມການລະບາດຂອງພະຍາດໂຄວິດ-19 ໃນປະເທດເຮົາ.

    ໃນຕອນແລງວັນທີ 4 ພຶດສະພາ 2021 ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ, ຫົວໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ຖະແຫຼງຂ່າວກ່ຽວກັບມາດຕະການປ້ອງກັນ, ຄວບຄຸມ ແລະ ແກ້ໄຂພະຍາດໂຄວິດ-19 ສະບັບໃໝ່ວ່າ: ເພື່ອສະກັດກັ້ນ ແລະ ຕ້ານການລະບາດຂອງພະຍາດໂຄວິດ-19 ທີ່ພວມລະບາດຢູ່ໃນທົ່ວໂລກ ກໍ່ຄືປະເທດເຮົາ ລັດຖະບານໄດ້ອອກຄຳສັ່ງເລກທີ 15/ນຍ, ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ແຕ່ນັ້ນມາຮອດມື້ນີ້ ກໍ່ເປັນເວລາ 14 ມື້ ເຊິ່ງຄຳສັ່ງດັ່ງກ່າວຈະສິ້ນສຸດລົງ ໃນວັນທີ 5 ພຶດສະພາ.


    ສະນັ້ນ, ເພື່ອສືບຕໍ່ປະຕິບັດມາດຕະການຕ່າງໆໃນການສະກັດກັ້ນ ແລະ ຕ້ານພະຍາດດັ່ງກ່າວ ຄະນະສະເພາະກິດໄດ້ສະຫຼຸບຕີລາຄາຄືນການຈັດຕັ້ງປະຕິບັດຄຳສັ່ງດັ່ງກ່າວນີ້ ເພື່ອເປັນພື້ນຖານສະເໜີໃຫ້ລັດຖະບານພິຈາລະນາມາດຕະການທີ່ເໝາະສົມໃນຂັ້ນຕໍ່ໄປ.
    ໂດຍຄະນະສະເພາະກິດແມ່ນເຫັນດີໃຫ້ສືບຕໍ່ຈັດຕັ້ງປະຕິບັດມາດຕະການຕ່າງ ຕາມຄຳສັ່ງ ເລກທີ 15/ນຍ, ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ໄປອີກ 15 ວັນ ຈົນເຖິງວັນທີ 20 ພຶດສະພາ 2021.

    ພ້ອມທັງຈະໄດ້ເບິ່ງສະຖານະການຕື່ມອີກ ຖ້າຫາກຍັງມີການລະບາດຂອງພະຍາດໜັກ ກໍ່ຈະໄດ້ພິຈາລະນາມີມາດຕະການທີ່ເຂັ້ມງວດຂຶ້ນຕື່ມ ຕາມສະຖານນະການ.

    ຄໍາສັ່ງເລກທີ 15

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.