ໂຈນໃຈບາບ! ສວຍໂອກາດຍາມວິກິດ ລັກລົດປະຊາຊົນ ເຈົ້າໜ້າທີ່ຈັບໄດ້ ພ້ອມຂອງກາງ ລົດຈັກ 3ຄັນ

    0
    70

    ໃນວັນທີ 30 ເມສາ ເວລາ 10:00 ໂມງ, ເຈົ້າ ໜ້າທີ່ ປກສ ເມືອງສີສັດຕະນາກ ໄດ້ຮັບແຈ້ງ ຄວາມຈາກຜູ້ເສຍຫາຍວ່າ: ຜູ້ກ່ຽວໄດ້ຈອດລົດຢູ່ຂອບເຂດໂຮງໝໍມະໂຫສົດ ແລ້ວເຂົ້າໄປຢ້ຽມຄົນເຈັບ, ພໍເວລາກັບອອກມາລົດຜູ້ກ່ຽວແມ່ນຖືກຄົນຮ້າຍລັກໄປ, ເຊິ່ງເປັນລົກຈັກ ເວບ 100 ສີແດງ-ດຳ ເລກທະບຽນ ຍຫ 0246.

    ພາບປະກອບຂ່າວດທົ່ານັ້ນ

    ຈາກນັ້ນ, ພັທ ອິນປັນ ຫາດາວເຮືອງ ຮອງຫົວໜ້າກອງບັນຊາການ ປກສ ເມືອງສີສັດຕະນາກ ຜູ້ຊີ້ນຳວຽກງານຕຳຫຼວດ ປະສານສົມທົບກັບ ປກສ ກຸ່ມເພຍວັດ, ປກສ ກຸ່ມວັດນາກ ພ້ອມດ້ວຍອຳນາດການປົກຄອງບ້ານລົງເກັບກຳຂໍ້ມູນທາງດ້ານວິຊາສະເພາະ ຈຶ່ງສາມາດກຳ ນົດເປົ້າໝາຍສົງໄສໄດ້. ຮອດເວລາ 11:30 ໂມງຂອງວັນທີ 1 ພຶດສະພາ 2021, ເຈົ້າໜ້າທີ່ຈຶ່ງໄດ້ເຂົ້າກັກຕົວ ທ້າວ ສົມລີ ອາຍຸ 26 ປີ, ພະນັກງານທຳຄວາມສະອາດຢູ່ໂຮງໝໍມະໂຫສົດ, ພັກເຊົາຢູ່ບ້ານດອນກອຍ ເມືອງສີສັດຕະນາກ ນວ ພ້ອມຂອງກາງລົດຈັກ 3 ຄັນ, ມາທຳການສືບສວນ-ສອບສວນ.


    ຜ່ານການສອບສວນຜູ້ກ່ຽວຮັບສາລະພາບວ່າ: ເຄີຍເຄື່ອນໄຫວລັກລົດຈັກມາແລ້ວ 04 ຄັນ, ແລະ ໄດ້ຂາຍໄປແລ້ວ 01 ຄັນ, ນອກຈາກນັ້ຍັງໄດ້ໃຫ້ການວ່າເຄີຍຊື້-ຂາຍຊັບຜິດກົດໝາຍມາແລ້ວຫຼາຍຄັັ້ງ. ສ່ວນລົດ 3 ຄັນທີ່ເກັບກູ້ມາໄດ້ແມ່ນເຈົ້າໜ້າທີ່ໄດ້ເອົາມາເກັບຮັກສາເພື່ອຊອກຫາເຈົ້າຂອງລົດທີ່ແທ້ຈິງ ແລ້ວມອບຄືນ.

    ຕາມການເກັບກຳສະພາບຂອງເຈົ້າໜ້າທີ່ຕຳຫຼວດຜ່ານມາເຫັນວ່າ: ບັນຫາກຸ່ມຄົນບໍ່ດີເຄື່ອນໄຫວລັກລົດຈັກເກີດຂຶ້ນ, ເຊິ່ງສ່ວນຫຼາຍແມ່ນເກີດມາຈາກການຖືເບົາ, ບໍ່ມີສະຕິລະວັງຕົວປ້ອງກັນຕົນເອງ, ຈອດລົດຊະຊາຍທີ່ບໍ່ຮັບປະກັນຄວາມປອດໄພ.


    ສະນັ້ນ, ເພື່ອປ້ອງກັນ ແລະ ສະກັດກັ້ນສະພາບຄົນຮ້າຍລັກລົດຈັກ ຢູ່ ນວ ກອງບັນຊາການ ປກສ ນວ ຮຽກຮ້ອງມາຍັງພໍ່ແມ່ປະຊາຊົນ ຊາວນະຄອນຫຼວງວຽງຈັນ ໃຫ້ເອົາໃຈໃສ່ຄຸ້ມຄອງຮັກສາລົດຈັກຂອງຕົນໃຫ້ດີ, ບໍ່ຈອດລົດຊະຊາຍບ່ອນທີ່ບໍ່ປອດໄພ ແລະ ຈົ່ງພ້ອມກັນປະຕິບັດພັນທະຊ່ວຍເຈົ້າໜ້າທີ່ພົບເຫັນການເຄື່ອນໄຫວທີ່ຜິດຕໍ່ກົດໝາຍ ໃຫ້ຮີບ ຮ້ອນລາຍງານເຈົ້າໜ້າທີ່ທີ່ໃກ້ທ່ານ ຫຼື ລາຍງານມາເບີວອດແອັບ 020​28899774 ແລະ ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.