ຢາກຈະຮ້ອງໄຫ້ ພຽງ 15 ວັນຍອດຕິດໂຄວິດພຸ່ງ 16 ທົບ

    0
    185

    ຕ້ອງຍອມຮັບດຽວນີ້ທີ່ເປັນຢູ່ ທຸກມື້ເມື່ອຮອດ 14 ໂມງທຸກຄົນຈະຈັບຈ້ອງທີ່ໜ້າຈໍໂທລະສັບຢາກຮູ້ມື້ນີ້ສະຖານະການໂຄວິດ-19 ຈະເປັນແນວໃດ ໃນໃຈຢາກພາວະນາໃຫ້ຕົວເລກຫຼຸດລົງ ປະຊາຊົນຫຼາຍຄົນທີ່ຕິດຕາມຂ່າວຍໍມືສາທຸຂໍໃຫ້ແຂວງເຮົາແຂວງນັ້ນນີ້ເປັນ 0 ແລະພວກເຮົາທຸກຄົນລ້ວນພາວະນາໃຫ້ຢຸດການແຜ່ເຊື້ອໄດ້.

    ຕາມການຖະແຫຼງຂ່າວຂອງຄະນະສະເພາະກິດໃນວັນທີ 01 ພຶດສະພາ 2021 ໃຫ້ຮູ້ວ່າ ສະພາບການແຜ່ລະບາດຂອງເຊື້ອໂຄວິດ-19 ຢູ່ໃນ ສປປ ລາວ ມີແນວໂນ້ມການຕິດເຊື້ອໂຄວິດ ເພີ່ມຂຶ້ນຢ່າງໄວວາ. ກ່ອນ ບຸນປີໃໝ່ລາວ, ສປປ ລາວ ມີຈໍານວນຜູ້ຕິດເຊື້ອພຽງ 49 ຄົນ, ພາຍຫຼັງບຸນປີໃຫມ່ລາວ ພຽງປະມານ 15 ວັນ, ສປປ ລາວ ພົບການຕິດເຊື້ອສະສົມ ເປັນ 821 ຄົນ(ຕົວເລກສະສົມມາຮອດວັນທີ 1 ພຶດສະພາ), ຫຼື ເພິ່ມຂຶ້ນປະມານ 16 ເທົ່າ.

    ການຕິດເຊື້ອປະຈຸບັນ ຍັງໄດ້ແຜ່ລາມໄປຫາເດັກນ້ອຍ ແລະ ຜູ້ສູງອາຍຸຊື່ງເປັນກຸ່ມສ່ຽງ. ຮຽກຮ້ອງໃຫ້ຄົນລາວ ທຸກຄົນຈົ່ງມີສະຕິ ແລະ ພ້ອມກັນຜ່ານຜ່າ ການລະບາດນີ້ ໃຫ້ໄດ້ໂດຍໄວ.


    ວິທີການດໍາລົງຊີວິດ ເພື່ອຕໍ່ສູ້ກັບໂຄວິດສຳຄັນຕ້ອງມີສະຕິ, ພັກຜ່ອນໃຫ້ພຽງພໍ, ກິນອາຫານໃຫ້ຄົບໝວດໝູ່, ປ້ອງກັນຕົນເອງ ໃຫ້ປອດໄພ ແລະອອກກໍາລັງກາຍໃຫ້ຮ່າງກາຍແຂງແຮງ ເວລາຈຳເປັນຕ້ອງອອກໄປຂ້າງນອກຕ້ອງໃສ່ຜ້າອັດປາກອັດດັງ ກັບມາຮອດເຮືອນຕ້ອງແກ້ເຄື່ອງອອກເຂົ້າອາບນ້ຳທັນທີ ລ້າງມືດ້ວຍນ້ຳຢາລ້າງມື, ສະບູ່ ເຫຼົ້າ 70 ເພື່ອຂ້າເຊື້ອ.

    ສຳລັບຜູ້ມີລູກນ້ອຍ ຊ່ວງນີ້ຄົງທຳໃຈບໍ່ໃຫ້ຄົນອື່ນອຸ້ມຈະດີທີ່ສຸດ ເພາະເມື່ອເກີດເຫດກັບເດັກນ້ອຍແລ້ວຍາກທີ່ຈະທຳໃຈ ຈະບໍແມ່ນເຈັບພຽງເຊື້ອພະຍາດ ແຕ່ເຈັບສຸດຄືຫົວໃຈແມ່ທີ່ຕ້ອງເອົາລູກທີ່ຮັກດັ່ງດວງໃຈໄປໃສ່ຢາຫຍັງຕໍ່ຫຍັງຈະກິນຈັ່ງໃດຢູ່ແນວໃດ ພຽງແຕ່ຄິດກໍບີບຫົວໃຈແລ້ວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.