ຄອບຄົວຄະນະນຳກະຊວງປ້ອງກັນປະເທດ ມອບເຄື່ອງບໍລິໂພກ ພ້ອມດ້ວຍເງິນສົດ 45 ລ້ານກີບ ໃຫ້ໂຮງໝໍສູນກາງ 103 ກອງທັບ

    0
    84

    ໃນວັນທີ 27 ເມສາ 2021 ນີ້, ຄອບຄົວຄະນະນຳກະຊວງປ້ອງກັນປະເທດໄດ້ມອບເງິນສົດ ຈຳນວນ 45.000.000 ກີບ ແລະ ເຄື່ອງບໍລິໂພກຈໍານວນໜຶ່ງລວມູນຄ່າ 1.500.000 ກີບ ໃຫ້ແກ່ໂຮງໝໍສູນກາງ 103 ກອງທັບ ເພື່ອນຳໃຊ້ເຂົ້າໃນວຽກງານປິ່ນປົວຜູ້ຕິດເຊື້ອ ໂຄວິດ-19, ວຽກງານຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດ ໂຄວິດ-19,

    ຕາງໜ້າມອບໂດຍທ່ານ ນາງ ບົວວອນ ພົມມະກອນ, ທ່ານ ນາງ ຈັນທະລາ ພັນທະວົງ ຮັບມອບໂດຍ ທ່ານ ພົນຈັດຕະວາ ດຣ ຄຳແພງ ພູມມາແກ້ວ ຫົວໜ້າອຳນວຍການໂຮງໝໍສູນກາງ 103 ກອງທັບ ພ້ອມດ້ວຍຄະນະ ແລະ ພະແນກການທີ່ກ່ຽວຂ້ອງເຂົ້າຮ່ວມເປັນສັກຂີພະຍານ. ເງິນທີ່ນຳມາມອບໃນຄັ້ງນີ້ ແມ່ນໄດ້ມາຈາກການປະກອບສ່ວນຂອງຄອບຄົວຍາດພີ່ນ້ອງ, ເພື່ອນມິດສະ ຫາຍ ແລະ ຄົນໃກ້ຊິດ, ຈຸດປະສົງຂອງການມອບເງິນສົດ ແລະ ເຄື່ອງບໍລິໂພກໃຫ້ແກ່ໂຮງໝໍສູນກາງ 103 ກອງ ທັບ ໃນຄັ້ງນີ້ ແມ່ນເພື່ອນຳໃຊ້ໃນວຽກງານປິ່ນປົວຜູ້ຕິດເຊື້ອ ໂຄວິດ-19, ວຽກງານຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດດັ່ງກ່າວ. ການຊຸກຍູ້ຊ່ວຍເຫຼືອໃນຄັ້ງນີ້ ຫວັງວ່າຈະສາມາດແບ່ງເບົາພາລະ ແລະ ຄວາມຫຍຸ້ງຍາກໄດ້ຈຳນວນໜຶ່ງ ໃຫ້ກັບໜ່ວຍງານປິ່ນປົວຜູ້ຕິດເຊື້ອພະຍາດ ໂຄວິດ-19, ໜ່ວຍງານສະເພາະກິດ ຕ້ານ ແລະ ສະກັດກັ້ນການຕິດເຊື້ອພະຍາດໂຄວິດ-19 ຂອງໂຮງໝໍສູນກາງ 103 ກອງທັບ.

    ໂອກາດນີ້ ສະຫາຍ ພົນຈັດຕະວາ ດຣ ຄຳແພງ ພູມມາແກ້ວ ໄດ້ຕາງໜ້າຄະນະພັກ-ຄະນະອຳນວຍການໂຮງໝໍສູນກາງ 103 ກອງທັບ ໄດ້ສະແດງຄວາມຂອບໃຈຢ່າງສູງມາຍັງ ຄອບຄົວການນຳພ້ອມດ້ວຍຄະນະ ທີ່ໄດ້ແບ່ງປັນນ້ຳໃຈຊຸກຍູ້ຊ່ວຍເຫຼືອໃນຄັ້ງນີ້ ແລະ ຂໍອວຍພອນໄຊແດ່ທ່ານພ້ອມຄະນະຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ເງິນ ແລະ ເຄື່ອງບໍລິໂພກທີ່ນຳມາມອບໃນຄັ້ງນີ້ ທາງໂຮງໝໍຈະນຳໃຊ້ໃຫ້ເກີດປະໂຫຍດສູງສຸດ.

    ໂດຍ: ສີຈັນ ເພັດວິໄຊ ພາບ: ເລີດວິໄລ ວົງຈຳປາ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.