ນາຊາຍທອງ ສືບຕໍ່ເພີ່ມທະວີການຈັດຕັ້ງປະຕິບັດມາດຕະການສະກັດກັ້ນ ຄວບຄຸມພະຍາດໂຄວິດ-19

    0
    138

    ເພື່ອເປັນການຈັດຕັ້ງປະຕິບັດຕາມຄໍາສັ່ງຂອງນາຍົກລັດຖະມົນຕີ ເລກທີ 15/ນຍ, ລົງວັນທີ 21 ເມສາ 2021 ແລະຄໍາສັງເພີ່ມເຕີມຂອງເຈົ້າຄອງນະຄອນຫຼວງວຽງຈັນ ວ່າດ້ວຍເພີ່ມທະວີການຈັດຕັ້ງປະຕິບັດມາດຕະການສະກັດກັ້ນຄວບຄຸມ ແລະ ກຽມພ້ອມຮອບດ້ານ ເພື່ອຕ້ານພະຍາດໂຄວິດ-19. ທ່ານ ພັນໂທ ພອນໄຊ ຫວ່າງຈັນດາ ຮອງຫົວໜ້າຫ້ອງການຕຳຫຼວດເມືອງ ນາຊາຍທອງ ຫົວໜ້າຈຸສະກັດກັ້ນຄົນເຂົ້າ-ອອກເມືອງ ຈຸດເຊື່ອມຕໍ່ລະຫວ່າງເມືອງ ນາຍຊາຍທອງ, ນະຄອນຫຼວງວຽງຈັນ ກັບ ເມືອງ ໂພນໂຮງ ແຂວງ ວຽງຈັນ ໄດ້ໃຫ້ຮູ້ວ່າ

    ເນື່ອງຈາກວ່າເສັ້ນທາງ 13 ເໜືອແມ່ນເສັ້ນທາງ ຍຸດທະສາດໃນການເຂົ້າສູ່ນະຄອນຫຼວງວຽງຈັນ ແລະ ອອກສູ່ບັນດາແຂວງ ພາກເໝືອຂອງ ສປປລາວ ພວກເຮົາ ສະນັ້ນທາງຄະນະນຳນະຄອນຫຼວງວຽງຈັນ, ກໍຄືເມືອງນາຊາຍທອງຈິ່ງຖືສຳຄັນ ແຕ່ງຕັ້ງໃຫ້ສອງກຳລັງ ປກຊ-ປກສ ລົງມາຕັ້ງຈຸດກວດກາ ເລີ່ມວັນທີ່ 22 ເມສາ 2021 ເປັນຕົ້ນມາ ໃນການຈັດຕັ້ງປະຕິບັດພວກຂ້າພະເຈົ້າໄດ້ສຸມໃສ່ກວດກາຕະຫຼອດ 24 ຊົ່ວໂມງມາຮອດປັດຈຸບັນ ອໍານາດການປົກຄອງນະຄອນຫຼວງ, ເມືອງ ໄດ້ເພີ່ມທະວີການຈັດຕັ້ງປະຕິບັດມາດຕະການ ສະກັດກັ້ນຄວບຄຸມການລະບາດຂອງ ພະຍາດໂຄວິດ-19. ໂດຍສະເພາະແມ່ນປະຕິບັດມາດຕະການປິດເມືອງ ແລະ ກຽມຄວາມພ້ອມດ້ານຕ່າງໆ ເປັນຕົ້ນ: ໄດ້ອອກຄໍາສັ່ງແຈ້ງການຂອງທ່ານເຈົ້າເມືອງ ເພື່ອສະດວກໃນການຈັດຕັ້ງປະຕິບັດມາດຕະການຕ່າງໆ, ແຕ່ງພະນັກງານວິຊາການເຄື່ອນໄຫວໂຄສະນາຜົນຮ້າຍຂອງພະຍາດໂຄວິດ19.

    ພວກຂ້າພະເຈົ້າໄດ້ພ້ອມກັນກວດກາຢ່າງເຂັ້ມງວດຕາມການມອບໝາຍ, ເພື່ອບໍ່ໃຫ້ບຸກຄົນລັກລອບ ເຂົ້າ-ອອກ ເມືອງຕາມລໍາຟັງໃຈ ແລະ ລະເມີດຕໍ່ມາດຕະການຕ່າງໆ ທີ່ຄະນະສະເພາະກິດຄວບຄຸມ, ປ້ອງກັນພະຍາດໂຄວິດ-19 ແຕ່ລະຂັ້ນວາງອອກ.ຫາກພົບເຫັນຈະຕ້ອງໄດ້ປະຕິບັດຕາມລະບຽບ ແລະ ກົດໝາຍກໍານົດໄວ້ຢ່າງເຂັ້ມງວດ. ຜ່ານການຈັດຕັ້ງປະຕິບັດວຽກງານຕົວຈິງກໍບໍ່ເຫັນມີປາກົດການຫຍັງ, ພໍ່ແມ່ປະຊາຊົນ, ຜູ້ໃຊ້ລົດໃຊ້ຖະໜົນຕ່າງກໍເປັນເຈົ້າການຕື່ນຕົວຈັດຕັ້ງປະຕິບັດຕາມລະບຽບທີ່ວາງອອກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.