ພາກສ່ວນຕ່າງໆ ມອບເຄື່ອງ ແລະ ເງິນຊ່ວຍເຫຼືອຕ້ານ ໂ ຄ ວ ິ ດ

    0
    98

    ຕອນແລງວັນທີ 29 ເມສາ 2021 ທີ່ສຳ ນັກງານນາຍົກລັດຖະມົນຕີ ໄດ້ມີພິທີມອບ-ຮັບເຄື່ອງ ແລະ ເງິນຊ່ວຍເຫຼືອ ຈາກພາກສ່ວນຕ່າງໆ ໃຫ້ແກ່ລັດຖະບານ ແຫ່ງ ສປປ ລາວ ລວມມູນຄ່າ 2,5 ລ້ານໂດລາສະຫະລັດ ແລະ 250 ລ້ານກີບ ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນ ການແຜ່ລະບາດຂອງພະຍາດ ຢູ່ ສປປ ລາວ.
    ໃນໂອກາດນີ້, ຕາງໜ້າໃຫ້ແກ່ລັດຖະບານ ແຫ່ງ ສປປ ລາວ ກ່າວຮັບໂດຍທ່ານ ກິແກ້ວ ໄຂຄໍາພິທູນ, ຮອງນາຍົກລັດຖະມົນຕີ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດ; ມີຄະນະສະເພາະກິດ, ຜູ້ຕາງໜ້າກະຊວງ ແລະ ວິຊາການກ່ຽວຂ້ອງເຂົ້າຮ່ວມ. ການມອບການຊ່ວຍເຫຼືອຄັ້ງນີ້ ປະກອບມີ 3 ພາກສ່ວນ ຄື: ບໍລິສັດ ດອກງິ້ວຄຳ ມອບເງິນ ຈໍານວນ 2,5 ລ້ານໂດລາສະຫະລັດ; ບໍລິສັດ PS ກໍ່ສ້າງ ແລະ ທ່ອງທ່ຽວ ຈຳກັດ ມອບອຸປະກອນ

    (ຜ້າປິດປາກ-ດັງ ຈຳນວນ 40 ແກັດ ແລະ ເຈວລ້າງມື ຈຳນວນ 20 ແກັດ) ແລະ ເງິນຈຳນວນ 100 ລ້ານກີບ, ລວມມູນຄ່າທັງໝົດ 150 ລ້ານກີບ; ແລະ ບໍລິສັດ ນິວຈິບເຊັງ ມອບເງິນ ຈໍານວນ 100 ລ້ານກີບ.ໂອກາດດັ່ງກ່າວ, ທ່ານ ຮອງນາຍົກລັດຖະມົນຕີ ໄດ້ສະແດງຄວາມຂອບໃຈ ແລະ ຊົມເຊີຍ ຕໍ່ບັນດາບໍລິສັດ ທີ່ໄດ້ປະກອບສ່ວນອຸປະກອນ ແລະ ທຶນຮອນ ຕາມຄວາມສາມາດຂອງຕົນ ເຂົ້າໃນການຈັດຕັ້ງປະຕິບັດວຽກງານປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດ ຢູ່ ສປປ ລາວ, ຊຶ່ງການປະກອບສ່ວນດັ່ງ ກ່າວ ໄດ້ສະແດງເຖິງຄວາມເສຍສະຫຼະ, ຄວາມເປັນຫ່ວງເປັນໃຍ, ຄວາມສາມັກຄີ ແລະ ກາຍເປັນກຳລັງແຮງ-ກຳລັງໃຈອັນໃຫຍ່ຫຼວງ ໃຫ້ພັກ-ລັດ ແລະ ປວງຊົນລາວທັງຊາດ ໂດຍສະເພາະ ພະນັກງານແພດໝໍ ແລະ ເຈົ້າໜ້າທີ່ ທີ່ພວມປະ ຕິບັດໜ້າທີ່ ຕ້ານການແຜ່ລະບາດ ຂອງພະຍາດ

    ພ້ອມທັງ ໃຫ້ຄຳໝັ້ນສັນຍາວ່າ ຈະນໍາໃຊ້ເງິນດັ່ງກ່າວ ໃຫ້ຖືກກັບຈຸດປະສົງ-ເປົ້າໝາຍ ແລະ ເກີດປະໂຫຍດສູງສຸດ. ນອກນັ້ນ, ທ່ານຮອງນາຍົກລັດຖະມົນຕີ ຍັງໄດ້ແຈ້ງໃຫ້ຊາບ ກ່ຽວກັບສະພາບ ການແຜ່ລະບາດ ຂອງພະຍາດໂ ຢູ່ໃນໂລກ ກໍ່ຄືພາຍໃນ ສປປ ລາວ, ລວມທັງ ບົດຮຽນທີ່ຖອດຖອນໄດ້ ໃນໄລຍະຜ່ານມາ, ຕະຫຼອດຮອດ ຄວາມພະຍາຍາມ ແລະ ເອົາໃຈໃສ່ ຂອງທຸກພາກສ່ວນໃນສັງຄົມ ໃນການແກ້ໄຂບັນຫາການແຜ່ລະບາດ ຂອງພະຍາດ ໂດຍສະເພາະ ການຈັດຕັ້ງປະຕິບັດ ມາດຕະການຕ່າງໆ ຂອງລັດຖະບານ ກໍ່ຄືຄະນະສະເພາະກິດ ແລະ ອົງການປົກຄອງຂັ້ນຕ່າງໆ ວາງອອກ. ໃນໂອກາດນີ້, ທ່ານຮອງນາຍົກ ລັດຖະມົນຕີ ຍັງໄດ້ສະເໜີ ໃຫ້ບັນດາບໍລິສັດ ທີ່ໄດ້ປະກອບ

    ສ່ວນມອບການຊ່ວຍເຫຼືອໃນຄັ້ງນີ້ ຈົ່ງພ້ອມກັນຕິດຕາມ ແລະ ຊຸກຍູ້ການນຳໃຊ້ເງິນດັ່ງກ່າວ ໃຫ້ມີຄວາມໂປ່ງໃສ, ສ່ອດຄ່ອງກັບເປົ້າໝາຍ ກໍ່ຄືເນື້ອໃນຈິດໃຈ ຂອງການຊ່ວຍເຫຼືອ ຢ່າງແທ້ຈິງ. ອັນສຳຄັນ, ທ່ານໄດ້ຮຽກຮ້ອງມາຍັງ ທຸກພາກສ່ວນໃນສັງຄົມ ເພີ່ມທະວີຄວາມເປັນຈິດໜຶ່ງໃຈດຽວກັນ ຮ່ວມກັບລັດຖະບານ ເປັນເຈົ້າການປະຕິບັດບັນດາມາດຕະການປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດ ຢ່າງເຂັ້ມງວດ ໂດຍເລີ່ມຈາກຄວາມເປັນເຈົ້າການຂອງຕົນເອງ, ຄອບຄົວ, ຊຸມຊົນ ແລະ ການຈັດຕັ້ງ ໃນຂັ້ນຂອງຕົນ ເພື່ອສາມາດຄວບຄຸມ ແລະ ແກ້ໄຂ ການແຜ່ລະບາດຂອງພະຍາດ ໄດ້ໂດຍໄວ, ເຮັດໃຫ້ຈຳນວນຜູ້ຕິດເຊື້ອຫຼຸດລົງ, ແນໃສ່ປະກອບສ່ວນເຮັດໃຫ້ ການຈັດຕັ້ງປະຕິບັດຄາດໝາຍສູງສຸດ “ບໍ່ໃຫ້ມີຜູ້ເສຍຊີວິດ” ຈາກການແຜ່ລະບາດ ຂອງພະຍາດ ຢູ່ ສປປ ລາວ ຄັ້ງນີ້ ໃຫ້ປະກົດຜົນເປັນຈິງ.

    ພາບ-ຂ່າວ: ກົມປະຊາສຳພັນ ຫສນຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.