ສູນກາງສະຫະພັນກຳມະບານລາວ ຈັດຂະບວນການສັກວັກຊິນປ້ອງກັນພະຍາດ ໂ ຄ ວ ິ ດ

    0
    81

    ທ່ານ ນາງ ອາລີ ວົງຫນໍ່ບຸນທໍາ, ກຳມະການສູນກາງພັກ, ປະທານສູນກາງສະຫະພັນກຳມະບານລາວ ໄດ້ນໍາພາພະນັກງານພາຍໃນສູນກາງສະຫະພັນກໍາມະບານລາວ ສັກວັກຊິນປ້ອງກັນພະຍາດ ໃນວັນທີ 29 ເມສາ 2021 ໂດຍມີແພດຫມໍຈາກໂຮງຫມໍເສດຖາທິລາດ ໄປສັກໃຫ້ຢູ່ສູນກາງສະຫະພັນກໍາມະບານລາວ, ນະຄອນຫລວງວຽງຈັນ. ການ

    ສັກວັກຊິນຄັ້ງນີ້ ເຊີ່ງເປັນເຂັມທໍາອິດ ເພື່ອສ້າງພູມຄຸ້ມກັນໃຫ້ພະນັກງານພາຍໃນສູນກາງສະຫະພັນກໍາ ມະບານລາວ ໃນທ່າມກາງທີ່ພະຍາດ ລະບາດໃນທົ່ວໂລກ ກໍຄື ຢູ່ລາວ. ນອກຈາກນີ້ ຍັງຖືເປັນຂະບວນການຫນຶ່ງເພື່ອຕ້ອນຮັບ ແລະ ສະເຫລີມສະຫລອງວັນກຳມະກອນສາກົນ ຄົບຮອບ 135 ປີ ( 1 ພຶດສະພາ 1886-1 ພຶດສະພາ 2021 ).

    ທ່ານ ນາງ ອາລີ ວົງຫນໍ່ບຸນທໍາ ໃຫ້ສໍາພາດວ່າ: ເຖີງວ່າປີນີ້ ທັງຢູ່ສູນກາງ ແລະ ທ້ອງຖິ່ນ ບໍ່ສາມາດຈັດກິດຈະກໍາຕ່າງໆ ເພື່ອສະເຫລີມສະຫລອງວັນກໍາມະກອນສາກົນ

    ຄົບຮອບ 135 ປີ ຍ້ອນການລະບາດຂອງພະຍາດ ແລະ ປະຕິບັດຕາຄຳສັ່ງຂອງນາຍົກລັດຖະມົນຕີ ເລກ ທີ 15 ລົງວັນທີ 21 ເມສາ 2021 ຂອງນາຍົກລັດຖະມົນຕີ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດ ຢ່າງເຄັ້ງຄັດ ແຕ່ສູນກາງກໍາມະບານ ໄດ້ແນະນໍາໃຫ້ອົງການຈັກ

    ກໍາມະບານລາວແຕ່ລະຂັ້ນນໍາໃຊ້ສື່ອອຍລາຍ ເຜີຍແຜ່ກ່ຽວກັບມູນເຊື້ອວັນກໍາມະກອນສາກົນ ໃຫ້ສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານໃນທ້ອງຖິ່ນ ກໍຄື

    ອົງການຈັດຕັ້ງຂອງຕົນໄດ້ຮັບຮູ້ຢ່າງຕໍ່ເນື່ອງ ພ້ອມກັນນີ້ ທ່ານໄດ້ຝາກມາຍັງສະມາຊິກກຳມະບານ ກໍຄື ກຳມະກອນ ແລະ ຜູ້ອອກແຮງງານທຸກຄົນໃນທົ່ວປະເທດ ຈົ່ງເອົາໃຈໃສ່ປະຕິບັດຄໍາສັ່ງຂອງນາຍົກລັດຖະມົນຕີຄັ້ງນີ້ ໃຫ້ເຂັ້ມງວດທີ່ສຸດ ເພື່ອຮັບປະກັນບໍ່ໃຫ້ພະຍາດ ແຜ່ຂະຫຍາຍໃນ ສປປ ລາວ ກວ້າງຂວາງໄປກວ່ານີ້.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.