ຊົມເຊີຍ ແມ່ຄ້າຄົນງາມ ໃຈບຸນບໍລິຈາກໜ້າກາກອະນາໄມຫຼາຍກວ່າ 10,000 ກ່ອງໃຫ້ຫຼາຍພາກສ່ວນ

    0
    123

    ໃຈບຸນອີຫຼີ ສຳລັບແມ່ຄ້າຄົນນີ້ ແນ່ນອນວ່າວົງການນັກຊັອບປິ້ງອອນລາຍ ຄົງຮູ້ຈັກດີ ເພາະຜູ້ທີ່ມ່ວນກ່າວເຖິງຢູ່ຄື “ຕ້າ ຂາຍຖືກ” ຫຼື ນາງ ດາຫລິວ ມູນນິວົງ. ຫຼ້າສຸດສາວຕ້າ ພ້ອມທີມງານ  ກຽມແຈກຢາຍໜ້າກາກອະນາໄມ ຫຼາຍກວ່າ 10,000 ກ່ອງ ໃຫ້ໜ່ວຍງານຫຼາຍພາກສ່ວນ ແລະ ລູກຄ້າ, ໂດຍສາວຕ້າໄດ້ໂພສຜ່ານເພຈຫຼັກວ່າ:
    ຂໍແບ່ງເບົາໃຫ້ທຸກຄົນໃຫ້ໃຜທີ່ຂາດເຂີນ ຫລື ຫນ່ວຍງານໃດຕ້ອງການຜ້າປິດປາກ ທາງເຮົາແຈກຟຣີຈະແບ່ງເປັນ 2 ສ່ວນຄື:

    ສ່ວນທີ 1 ຈະແຈກລູກຄ້າທີ່ຊື້ສິນຄ້າຈາກທາງຮ້ານ ສ່ວນທີ 2 ຈະແຈກຫນ່ວຍງານຕ່າງໃຫ້ຖືກຕ້ອງຕາມລະບຽບ ລວມທັງຫມົດ 300 ແກັດຈະກະຈາຍພາຍໃນ 3 ມື້

    ເວົ້າໄດ້ວ່າຈຳນວນ 7500 ກ່ອງແຈກລູກຄ້າ, ສ່ວນ 6000 ກ່ອງແຈກຢາຍໄປຊ່ວຍຄົນທີ່ຕ້ອງການ ແລະ ສ່ວນໜຶ່ງ ຈະໄປໃຫ້ແພດຫມໍ, ຫນ່ວຍງານທີ່ຂາດເຂີນ ແລະ ຍັງຕ້ອງການ”

    ໜ່ວຍງານໃດທີ່ຂາດເຂີນ ແລະ ຕ້ອງການໜ້າກາກອະນາໄມ ສາມາດຕິດຕໍ່ໄດ້ ໃນເພຈ ຂາຍໂສ້ງລາຄາສົ່ງຖືກໆສຳລັບຕ້າ ມີອາຊີບເປັນແມ່ຄ້າອອນລາຍເປັນອາຊີບຫລັກ.

    ແຕ່ກ່ອນກໍເປັນເດັກນ້ອຍທໍາມະດາ ມາຮອດຈຸດນີ້ໄດ້ຍ້ອນຄວາມພະຍາມຍາມ ແລະ ມັກໃນເສັ້ນທາງອາຊີບນີ້, ໃນເມື່ອຕ້າປະສົບຜົນສຳເລັດແລ້ວ ກໍຢາກສົ່ງຕໍ່ ແລະ ແບ່ງປັນນໍ້າໃຈໃຫ້ຄົນທີ່ຂາດເຂີນເຖິງມື ແລະ ໄດ້ໃຊ້ແທ້ ດ້ວຍໃຈກຸສົນທີ່ຕັ້ງໃຈໄວ້.

    cr: ທີມງານມ່ວນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.