5 ພາກສ່ວນ ມອບເງິນຊ່ວຍເຫຼືອຕ້ານໂ ຄ ວ ິ ດ ໃຫ້ແກ່ລັດຖະບານ ແຫ່ງ ສປປ ລາວ

    0
    58

    5 ພາກສ່ວນ ມອບເງິນຊ່ວຍເຫຼືອຕ້ານໂ ຄ ວ ິ ດໃນວັນທີ 28 ເມສາ 2021 ທີ່ສຳນັກງານນາຍົກລັດຖະມົນຕີ ໄດ້ມີພິທີມອບ-ຮັບເງິນຊ່ວຍເຫຼືອ ຈາກພາກ ສ່ວນຕ່າງໆ ໃຫ້ແກ່ລັດຖະບານ ແຫ່ງ ສປປ ລາວ ລວມມູນຄ່າທັງໝົດ 1,25 ຕື້ກີບ ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນ ການແຜ່ລະບາດຂອງເຊື້ອພະຍາດໂ ຄ ວ ິ ດ ຢູ່ ສປປ ລາວ.

    ໃນພິທີຄັ້ງນີ້, ຕາງໜ້າໃຫ້ແກ່ລັດຖະບານ ແຫ່ງ ສປປ ລາວ ຮັບໂດຍທ່ານ ກິແກ້ວ ໄຂຄໍາພິທູນ, ຮອງນາຍົກ ລັດຖະມົນຕີ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂ ຄ ວ ິ ດ; ມີຄະນະສະເພາະກິດ, ຜູ້ຕາງໜ້າກະຊວງ ແລະ ວິຊາການກ່ຽວຂ້ອງເຂົ້າຮ່ວມ. ການຊ່ວຍເຫຼືອໃນຄັ້ງນີ້ ປະກອບມີ 5 ພາກສ່ວນ ຄື: ທະນາຄານການຄ້າຕ່າງປະເທດລາວ ມະຫາຊົນ ມອບເງິນຈຳນວນ 500 ລ້ານກີບ; ສະມາຄົມຈີນ-ວຽງຈັນ ຊຸດທີ 21 ມອບເງິນຈຳນວນ 300 ລ້ານ

    ກີບ; ມູນນິທິຈີນ-ວຽງຈັນ ມອບເງິນຈຳນວນ 200 ລ້ານກີບ; ໂຮງຮຽນມັດ ທະຍົມສົມບູນ ລຽວໂຕວ໌ ມອບເງິນຈຳນວນ 200 ລ້ານກີບ; ສະຖາບັນປົກປ້ອງເງິນຝາກ ມອບເງິນຈຳນວນ 50 ລ້ານກີບ.ໂອກາດດັ່ງກ່າວ, ທ່ານ ຮອງນາຍົກລັດຖະມົນຕີ ໄດ້ສະແດງຄວາມຂອບໃຈ ແລະ ຊົມເຊີຍ ຕໍ່ບັນດາພາກສ່ວນ ທີ່ໄດ້ມອບເງິນຊ່ວຍເຫຼືອລັດຖະບານ ເພື່ອນຳໃຊ້ເຂົ້າໃນວຽກງານປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂ ຄ ວ ິ ດ ໃນຄັ້ງນີ້, ພ້ອມທັງ ສັນຍາວ່າ ຈະນໍາໃຊ້ເງິນ

    ທີ່ໄດ້ຮັບການຊ່ວຍເຫຼືອດັ່ງກ່າວ ໃຫ້ຖືກກັບເປົ້າໝາຍ ແລະ ເກີດປະໂຫຍດສູງສຸດ. ນອກນັ້ນ, ທ່ານຮອງນາຍົກລັດຖະມົນຕີ ຍັງໄດ້ແຈ້ງໃຫ້ຊາບ ກ່ຽວກັບສະພາບການແຜ່ລະບາດ ຂອງພະຍາດໂ ຄ ວ ິ ດ ຢູ່ໃນໂລກ ແລະ ພາຍໃນ ສປປ ລາວ, ລວມທັງ ບົດຮຽນທີ່ຖອດຖອນໄດ້ ໃນໄລຍະຜ່ານມາ, ຕະຫຼອດຮອດ ຄວາມພະຍາຍາມ ແລະ

    ເອົາໃຈໃສ່ ຂອງທຸກພາກສ່ວນໃນສັງຄົມ ໃນການແກ້ໄຂບັນຫາການແຜ່ລະບາດ ຂອງພະຍາດໂ ຄ ວ ິ ດ ໂດຍສະເພາະ ການກຳນົດ ແລະ ຈັດຕັ້ງປະຕິບັດ ມາດຕະການຕ່າງໆ ຂອງລັດຖະບານ, ຄະນະສະເພາະກິດ ແລະ ອົງການປົກຄອງຂັ້ນຕ່າງໆ. ໃນໂອກາດນີ້, ທ່ານຮອງນາຍົກລັດຖະ ມົນຕີ ຍັງໄດ້ຮຽກຮ້ອງມາຍັງທຸກພາກສ່ວນໃນສັງຄົມ ເພີ່ມທະ

    ວີຄວາມເປັນຈິດໜຶ່ງໃຈດຽວກັນ ຮ່ວມກັບລັດຖະບານ ໃນການເປັນເຈົ້າການ ປະຕິບັດບັນດາມາດຕະການປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂ ຄ ວ ິ ດ ຢ່າງເຂັ້ມງວດ ໂດຍເລີ່ມຈາກຄວາມເປັນເຈົ້າການຂອງຕົນເອງ, ຄອບຄົວ, ຊຸມຊົນ ແລະ ການຈັດຕັ້ງທຸກຂັ້ນ ເພື່ອປະກອບສ່ວນເຮັດໃຫ້ ສາມາດຄວບຄຸມການແຜ່ລະບາດ ຂອງພະຍາດໂ ຄ ວ ິ ດ ຄັ້ງນີ້ ໄດ້ໂດຍໄວ.

    ພາບ-ຂ່າວ: ກົມປະຊາສຳພັນ ຫສນຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.