ລະຄອນເພັງເຂັ້ມງວດ ຕັ້ງຈຸດກັກກັນ ພາຫະນະ ແລະ ຄົນເຂົ້າ-ອອກ ເມືອງ 4 ຈຸດ

    0
    202

    ລະຄອນເພັງເຂັ້ມງວດ ຕັ້ງຈຸດກັກກັນພາຫະນະ ແລະ ຄົນເຂົ້າ-ອອກ ເມືອງ 4 ຈຸດຂປລ. ຕາມການໃຫ້ສຳພາດຂອງ ທ່ານ ທອງດີ ຈັນທະວົງ ເຈົ້າເມືອງລະຄອນເພັງ ແຂວງສາລະວັນ ໃຫ້ສຳພາດວ່າ: ເມືອງລະເພັງ ໄດ້ສຸມໃສ່ການຈັດຕັ້ງປະຕິບັດບັນດາຄໍາສັ່ງ, ຄໍາແນະນໍາ, ຂໍ້ຕົກລົງຕ່າງໆທີ່ຄະນະສະເພາະກິດ ຂັ້ນສູນກາງ ແລະ ຂັ້ນແຂວງ

    ວາງອອກຢ່າງເຂັ້ມງວດ, ປະຕິລະບຽບຢ່າງເຄັ່ງຄັດຕໍ່ຜູ້ທີ່ການລັກລອບເຂົ້າ-ອອກເມືອງຜິດກົດໝາຍ, ຈໍາກັດບໍລິເວນຜູ້ທີ່ມາຈາກທ້ອງຖິ່ນອື່ນທີ່ມີກຸ່ມສ່ຽງລວມທັງບຸກຄົນທົ່ວໄປ, ຕິດຕາມກວດກາ-ປ້ອງກັນເວນຍາມຕະຫລອດ 24 ຊົ່ວໂມງຕາມບໍລິເວນຊາຍແດນລາວ-ໄທ.ນອກນັ້ນຍັງໄດ້ເຂັ້ມງວດຕັ້ງຈຸດກັກກັ້ນກວດກາພາຫະນະ ແລະ ຄົນ

    ເຂົ້າ-ອອກທັງໝົດ 4 ຈຸດຄື: ຈຸດຊາຍແດນລະຫວ່າງເມືອງລະຄອນເພັງ ຫາ ເເຂວງສະຫວັນນະເຂດ, ຈຸດບ້ານຖໍ້າພວງ ຫາ ບ້ານປາກຕາພານ, ຈຸດບ້ານໂນນສະຫວ່າງ ຫາ ບ້ານໜອງແສງ, ຈຸດບ້ານທ່າ ຫາ ບ້ານຄອນສາຍ, ສ່ວນຈຸດຈໍາກັດບໍລິເວນແມ່ນມີ 4 ຈຸດເຊັ່ນດຽວກັນຄື: ຈຸຈໍາກັດບໍລິເວນຫລັກ 90, ໂຮງໝໍເມືອງ, ໂຮງໝໍນ້ອຍປາກ

    ຕາພານ ແລະ ຈຸດກໍາກັດບໍລິເວນຊົ່ວຄາວໂຮງຮຽນປະຖົມບ້ານ ປາກຊະນົມ ເຊິ່ງປະຈຸບັນມີຜູ້ເຂົ້າຈໍາກັດບໍລິເວນທັງໝົດເກືອບ 40 ຄົນ, ນອກນັ້ນຍັງໄດ້ປິດການເຂົ້າ-ອອກໃນ 3 ບ້ານຄື: ບ້ານປາກຕາພານ, ບ້ານໂຮງສາຍທອງ ແລະ ບ້ານ ປາກຊະນົມທີ່ມີສ່ວນພົວພັນກັບຜູ້ກໍລະນີຜູ້ທີ 54 ຕື່ມອີກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.