ດ່ວນທີ່ສຸດ ສໍານັກງານນາຍົກ ອອກແຈ້ງການສະບັບໃໝ່ຊີ້ນຳການກຽມຄວາມພ້ອມຮອບດ້ານ ຕ້ານພະຍາດໂຄວິດ

    0
    264

    ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງຍັງທ່ານຊາບ ດັ່ງນີ້: ຜ່ານການຈັດຕັ້ງປະຕິບັດຄໍາ ສັ່ງຂອງນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021 ວ່າດ້ວຍການເພີ່ມທະວີມາດຕະການສະກັດ ກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດ COVID-19 ເຫັນວ່າຄະນະສະເພາະກິດ, ກໍ່ຄືບັນດາ ການນໍາຂອງຂະແຫນງການ, ອົງການຂັ້ນສູນກາງ ແລະ ອົງການປົກຄອງທ້ອງຖິ່ນ ແຕ່ລະຂັ້ນ ໃນຂອບເຂດທົ່ວປະເທດ ລ້ວນ ແຕ່ໄດ້ເອົາໃຈໃສ່ ແລະ ສຸມທຸກຄວາມພະຍາຍາມເຂົ້າໃນການຈັດຕັ້ງປະຕິບັດຄໍາສັ່ງດັ່ງກ່າວ ແລະ ໄດ້ຮັບຜົນສໍາເລັດໃນລະດັບດີສົມຄວນແຕ່ເຖິງຢ່າງໃດກໍຕາມ, ອີງຕາມຂໍ້ມູນທີ່ໄດ້ຮັບເບື້ອງຕົ້ນ ການຈັດຕັ້ງປະຕິບັດຄໍາສັ່ງດັ່ງກ່າວ ຂອງຫຼາຍພາກສ່ວນທັງສູນກາງ ແລະ ທ້ອງຖິ່ນ ໃນຫຼາຍດ້ານ ຍັງບໍ່ທັນເອກະພາບກັນ, ສະນັ້ນ ເພື່ອໃຫ້ຄໍາສັ່ງຂອງທ່ານນາຍົກລັດຖະມົນຕີ ໄດ້ຮັບການຈັດຕັ້ງປະຕິບັດຢ່າງເຕັມສ່ວນ ແລະ ເປັນເອກະພາບ ທັງມີປະສິດທິຜົນ, ທ່ານນາຍົກລັດຖະ ມົນຕີ ໄດ້ຊີ້ນໍາໃຫ້ຄະນະສະເພາະກິດ, ບັນດາຂະແຫນງການທີ່ກ່ຽວຂ້ອງ ແລະ ອົງການປົກຄອງທ້ອງຖິ່ນ ເອົາໃຈໃສ່ຕື່ມໃນ ການຈັດຕັ້ງປະຕິບັດຄໍາສັ່ງດັ່ງກ່າວ ໃນບາງວຽກງານຄື:

    1. ໃຫ້ຄະນະສະເພາະກິດ ປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດ COVID- 19 ແຕ່ລະ ຂັ້ນ ຫັນຄໍາສັ່ງເລກທີ 15/ນຍ, ລົງວັນທີ 21 ເມສາ 2021 ໃຫ້ເປັນແຜນປະຕິບັດລະອຽດ ເພື່ອເປັນບ່ອນອີງໃຫ້ທຸກ ພາກສ່ວນ, ທຸກຂັ້ນ ສາມາດຈັດຕັ້ງປະຕິບັດໄດ້ໃຫ້ມີລັກສະນະທີ່ເປັນເອກະພາບ ໃນນີ້ ວຽກງານຈຸດສຸມບາງດ້ານທີ່ຄວນ ເອົາໃຈໃສ່ ແມ່ນ:ກວດກາ ແລະ ຂຶ້ນແຜນຄວາມຕ້ອງການດ້ານຕ່າງໆ ລວມທັງອຸປະກອນເຄື່ອງມື, ຢາປົວພະຍາດ, ງົບປະມານໃຊ້ ຈ່າຍຕ່າງໆ ໃຫ້ສາມາດຮັບໃຊ້ການປະຕິບັດວຽກງານຂອງແຕ່ລະບ່ອນ ໃນແຕ່ລະໄລຍະ

    ປະສານສົມທົບກັບພາກສ່ວນກ່ຽວຂ້ອງ ທັງພາຍໃນ ແລະ ຕ່າງປະເທດ ເພື່ອລະດົມການຊ່ວຍເຫຼືອໃນດ້ານຕ່າງໆ ທີ່ຈໍາເປັນ ເປັນຕົ້ນແມ່ນ ຊ່ຽວຊານ, ແພດຫມໍ, ເຄື່ອງມືທາງການແພດ, ອຸປະກອນປ້ອງກັນການຕິດເຊື້ອ, ຢາປົວພະຍາດ, ທຶນຮອນ ແລະ ດ້ານອື່ນໆ. ຄຽງຄູ່ກັນນັ້ນ, ກໍໃຫ້ສືບຕໍ່ລະດົມຈາກພາກທຸລະກິດ ແລະ ທຸກພາກສ່ວນໃນສັງຄົມ ລວມທັງ ອົງການສາສະຫນາແຕ່ລະຂັ້ນ ທີ່ມີຈິດໃຈຢາກປະກອບສ່ວນຊ່ວຍເຫຼືອເຂົ້າໃນວຽກງານດັ່ງກ່າວນີ້ສັງລວມຜົນງານການປະກອບສ່ວນຊ່ວຍເຫຼືອທາງດ້ານວັດຖຸ ແລະ ຈິດໃຈ, ພ້ອມທັງ ຄົ້ນຄວ້າຮຸບການປະຕິບັດຍ້ອງຍໍ ຕໍ່ບຸກຄົນ ແລະ ນິຕິບຸກຄົນ ທີ່ໄດ້ປະກອບສ່ວນຊ່ວຍເຫຼືອດັ່ງກ່າວຕາມນະໂຍບາຍ ກໍຄືນິຕິກໍາກ່ຽວຂ້ອງໄດ້ກໍານົດໄວ້ໃຫ້ຖ່ວງ ທັນເວລາ.2. ໃຫ້ຄະນະສະເພາະກິດ ປ້ອງກັນ, ຄວບຄຸມ ແລະ ແກ້ໄຂການແຜ່ລະບາດ ຂອງພະຍາດ COVID-19 ຂັ້ນສູນ ກາງ ປະສານສົມທົບກັບຂະແຫນງການ, ອົງການຂັ້ນສູນກາງກ່ຽວຂ້ອງ ແລະ ທ້ອງຖິ່ນຕ່າງໆໃນທົ່ວປະເທດ ສືບຕໍ່ກະກຽມສະ ຖານທີ່ບ່ອນກັກກັນ ແລະ ບ່ອນປິ່ນປົວຜູ້ຕິດເຊື້ອ ໃຫ້ພຽງພໍ ຊຶ່ງນອກຈາກໂຮງຫມໍຕ່າງໆແລ້ວ ໃຫ້ຫມູນໃຊ້ສະຖານທີ່ຕ່າງໆ ທີ່ ເຫມາະສົມ ລວມທັງສູນກິລາ, ພ້ອມທັງ ແບ່ງຄວາມຮັບຜິດຊອບໃຫ້ກັນລະຫວ່າງ ຂະແຫນງການຂັ້ນສູນກາງ ແລະ ທ້ອງຖິ່ນ ໃຫ້ ລະອຽດຈະແຈ້ງ ໃນນີ້:

    ກະຊວງສາທາລະນະສຸກ ສືບຕໍ່ຮັບຜິດຊອບ:ສະຖານທີ່ປິ່ນປົວທີ່ຢູ່ໃນໂຮງຫມໍຕ່າງໆ ຂອງກະຊວງ ແລະ ຮັບຜິດຊອບທາງດ້ານເຕັກນິກວິຊາທາງດ້ານການແພດດ້ວຍ ມາດຕະຖານທີ່ເອກະພາບໃນທຸກສະຖານທີ່ປິ່ນປົວທັງສູນກາງ ແລະ ທ້ອງຖິ່ນ, ທັງໃຫ້ສືບຕໍ່ສອບຖາມຫາປະຫວັດການເຄື່ອນ ໄຫວ ຂອງຜູ້ຕິດເຊື້ອທຸກຄົນ ຕິດພັນກັບການຕິດຕາມເອົາຜູ້ສໍາຜັດໃກ້ຊິດ ມາກວດຫາເຊື້ອ ແລະ ລະດົມໃຫ້ຜູ້ຕິດເຊື້ອ ແຈ້ງຂໍ້ມູນ ສະພາບການເຄື່ອນໄຫວໃນໄລຍະທີ່ມີການພົວພັນກັບຜູ້ຕິດເຊື້ອທີ່ຕົນໄດ້ໃກ້ຊິດ ເພື່ອເປັນຂໍ້ມູນຮັບໃຊ້ການປະຕິບັດຫນ້າທີ່ຂອງ ທີມງານ

    ວິຊາການກ່ຽວຂ້ອງ;ທຸກໂຮງຫມໍ ແລະ ສູນປິ່ນປົວ ຕ້ອງປະຕິບັດທາງດ້ານວິຊາສະເພາະ ທີ່ເປັນເອກະພາບຕາມການແນະນໍາ ຂອງກະຊວງ ສາທາລະນະສຸກ, ພ້ອມທັງ ຕິດຕາມ ແລະ ຈັດປະເພດຜູ້ຕິດເຊື້ອທີ່ກໍາລັງປິ່ນປົວຢູ່ໂຮງຫມໍເປັນແຕ່ລະກໍລະນີໃນແຕ່ລະວັນ.ໃຫ້ແນະນໍາແນະນໍາວິທີການປ້ອງກັນໃນລະດັບຂັ້ນພື້ນນຖານ ສໍາລັບຮັບໃຊ້ຢູ່ຄອບຄົວ ກໍ່ຄືສັງຄົມທີ່ມີຄວາມ ສາມາດປະຕິບັດໄດ້.

    ກະຊວງປ້ອງກັນປະເທດຮັບຜິດຊອບ:ບ່ອນປິ່ນປົວໂຮງຫມໍ 103 ແລະ ສູນຈໍາກັດບໍລິເວນ ຫຼັກ 27. ສືບຕໍ່ເພີ່ມທະວີການ ກວດກາ ລາດຕະເວນ ຕາມບົດບາດຫນ້າທີ່ຢູ່ ຕາມຊາຍແດນຕ່າງໆ ໃຫ້ເຂັ້ມງວດກວ່າເກົ່າ, ກໍລະນີພົບເຫັນຜູ້ລັກລອບ ແມ່ນໃຫ້ກັກຕົວ ແລະ ປະສານກັບຂະແຫນງສາທາລະນະສຸກ ເພື່ອກວດຫາເຊື້ອ COVID-19 ແລະ ກັກຕົວໃຫ້ຄົບ 14 ວັນ, ຈາກນັ້ນ ໃຫ້ດໍາ ເນີນມາດຕະການຕາມກົດຫມາຍ ແລະ ລະບຽບການກໍານົດ.ກະຊວງປ້ອງກັນຄວາມສະຫງົບຮັບຜິດຊອບ:ບ່ອນປິ່ນປົວໂຮງຫມໍ 5 ເມສາ ຂອງຕົນ. ສືບຕໍ່ນໍາກໍາລັງຂອງຕົນແຕ່ລະຂັ້ນປະສານສົມທົບພາກສ່ວນກ່ຽວຂ້ອງ ລົງກວດກາສະຖານທີ່ບັນເທີງ, ຮ້ານຄາຣາໂອເກະ ແລະ ສະຖານທີ່ການບໍລິການທ່ອງທ່ຽວ ຕ່າງໆ ທີ່ລັດຖະບານ ກໍຄືຂະແຫນງການກ່ຽວຂ້ອງ ໄດ້ສັ່ງປິດຊົ່ວຄາວ ໃນໄລຍະເວລາ 14 ວັນ, ຖ້າກວດກາພົບເຫັນກໍລະນີຕ່າງໆ ກໍ ໃຫ້ດໍາເນີນມາດຕະການຕ່າງໆຢ່າງເຫມາະສົມ ລວມທັງມາດຕະການບໍລິຫານ, ເສດຖະກິດ ແລະ ອື່ນໆ.

    ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ:ສືບຕໍ່ເຜີຍແຜ່ບັນດາຂໍ້ມູນທີ່ພົວພັນເຖິງນະ ໂຍບາຍ ກໍຄື ມາດຕະການຕ່າງໆ ຂອງການຈັດຕັ້ງກ່ຽວຂ້ອງໃຫ້ສັງຄົມຮັບຮູ້ຢ່າງທົ່ວເຖິງ ດ້ວຍການນໍາໃຊ້ພາຫະນະສື່ສານຕ່າງໆ ຂອງ ທຸກຂັ້ນ ຕາມພາລະບົດບາດຂອງຕົນທີ່ກໍານົດໄວ້, ພ້ອມທັງ ຕອບໂຕ້ຂ່າວທີ່ບໍ່ມີຄວາມຈິງໃຫ້ທັນການ.
    ກະຊວງໂຍທາທິການ ແລະ ຂົນສົ່ງເປັນໃຈກາງສົມທົບກັບພາກສ່ວນກ່ຽວຂ້ອງ ແລະ ອົງການປົກຄອງທ້ອງຖິ່ນ ສືບຕໍ່ອໍານວຍຄວາມສະດວກໃຫ້ແກ່ການນໍາເຂົ້າ-ສົ່ງອອກສິນຄ້າ ລະຫວ່າງປະເທດ ແລະ ການຂົນສົ່ງສິນຄ້າພາຍໃນລະ ຫວ່າງ ແຂວງຕ່ໍາແຂວງ, ເມືອງຕໍ່ເມືອງ ແລະ ບ້ານຕໍ່ບ້ານ ໃຫ້ດໍາເນີນປົກກະຕິ ບົນພື້ນຖານບົດຮຽນທີ່ເຄີຍປະຕິບັດມາໃນປີ 2020 ຜ່ານມາ ເພື່ອສະຫນອງສິນຄ້າ ແລະ ສະບຽງອາຫານ ໃຫ້ສັງຄົມ ພຽງພໍ ຕາມຄໍາສັ່ງ 15/ນຍ ແລະ ໃຫ້ປະຕິບັດແຈ້ງ ການຂອງກະຊວງໂຍທາທິການ ແລະ ຂົນສົ່ງ ສະບັບເລກທີ 242/ຍທຂ, ລົງວັນທີ 23 ເມສາ 2021. ອົງການປົກຄອງ ທ້ອງຖິ່ນໃດ ຈະອອກແຈ້ງການ ຫຼື ລະບຽບການກ່ຽວກັບການຂົນສົ່ງສິນຄ້າ ແມ່ນໃຫ້ປະສານກັບກະຊວງໂຍທາທິການ ແລະ ຂົນສົ່ງ ເພື່ອໃຫ້ມີຄວາມເປັນເອກະພາບກັນໃນທາງປະຕິບັດຕົວຈິງ.ໃຫ້ກະຊວງ, ອົງການຂັ້ນສູນກາງ, ອົງການປົກຄອງນະຄອນຫຼວງວຽງຈັນ ແລະ ທ້ອງຖິ່ນທີ່ມີການລະບາດພະຍາດຂອງພະຍາດ COVID-19 ໃນວົງກວ້າງ ຈັດຕັ້ງ ແລະ ແນະນໍາພະນັກງານທີ່ຢູ່ໃນຄວາມຮັບຜິດຊອບຂອງຕົນ ເຮັດ ວຽກທາງລັດຖະການ ຢູ່ເຮືອນ ຫຼື ທີ່ພັກອາໄສ ຜ່ານລະບົບການສື່ສານ, ອີເລັກໂຕຣນິກ ແລະ ເຄື່ອຂ່າຍອິນເຕີເນັດຕ່າງໆ ເພື່ອທັງໃຫ້ສູງມາດປະສານກັນໄດ້ໃນກໍລະນີມີວຽກຈໍາເປັນ ທັງເພື່ອປ້ອງກັນບໍ່ໃຫ້ເກີດມີເຫດຕ່າງໆເກີດຂຶ້ນ ຢ່າງເດັດຂາດ.

    ນະຄອນຫຼວງວຽງຈັນ ແລະ ບັນດາແຂວງຮັບຜິດຊອບ ສະຖານທີ່ຈໍາກັດບໍລິເວນ ແລະ ບັນດາສູນປິ່ນປົວທີ່ມີແລ້ວ ແລະ ທີ່ຈະສ້າງຂຶ້ນຊົ່ວຄາວ ເພື່ອຮອງຮັບຜູ້ຕິດເຊື້ອ. ພ້ອມກັນນັ້ນ ກໍໃຫ້ເພີ່ມທະວີບົດບາດການຄຸ້ມຄອງ, ການຕິດຕາມ ແລະ ກວດກາການຈັດຕັ້ງປະຕິບັດມາດຕະການປ້ອງກັນ,ຄວບຄຸມ ແລະ ແກ້ໄຂການແຜ່ລະບາດໃນຂອບເຂດຄວາມຮັບຜິດ ຊອບຂອງຕົນ.ໃນກໍລະນີ ມີຜູ້ຕິດເຊື້ອເລີ່ມໃຫມ່ໃນແຕ່ລະວັນຢູ່ທ້ອງຖິ່ນໃດ ແມ່ນໃຫ້ຄະນະສະເພາະກິດທ້ອງຖິ່ນນັ້ນ ລາຍງານຂໍ້ມູນ ໃຫ້ຄະນະສະເພາະກິດຂັ້ນສູນກາງ ແລະ ແຈ້ງໃຫ້ທ້ອງຖິ່ນອື່ນ ຊາບ ຢ່າງທັນການ ແລະ ທົ່ວເຖິງ ເພື່ອເປັນບ່ອນອີງໃຫ້ພາກສ່ວນ ຕ່າງໆ ພິຈາລະນາ. ພ້ອມກັນນັ້ນ, ກໍ່ໃຫ້ມີມາດຕະການຕ່າງໆທີ່ເຫມາະສົມຕື່ມ ໃນທ້ອງຖິ່ນຂອງຕົນເອງ.

    4. ສໍາລັບການປະເມີນຜົນກະທົບທາງດ້ານເສດຖະກິດ ໃນໄລຍະການສັ່ງປິດຕົວເມືອງຕ່າງໆ ຢູ່ນະຄອນຫຼວງວຽງຈັນ ແລະ ບັນດາແຂວງ ນັ້ນ, ມອບໃຫ້ຄະນະສະເພາະກິດ ຕາມຂໍ້ຕົກລົງຂອງ ນາຍົກລັດຖະມົນຕີ ເລກທີ 32/ນຍ, ລົງວັນທີ 3 ເມສາ 2020 ສືບຕໍ່ປະເມີນຜົນກະທົບດັ່ງກ່າວ ແລະ ສະເຫນີນະໂຍບາຍ, ມາດຕະການ ແລະ ວິທີການໃນການແກ້ໄຂ ໃຫ້ລັດຖະບານພິຈາລະນາ.5, ເຫັນດີໃຫ້ຮັບເອົາການສະເຫນີປະກອບສ່ວນທຶນໃນການຈັດຊື້ວັກຊີນກັນພະຍາດ ຂອງພາກທຸລະກິດກໍຄືພາກສ່ວນຕ່າງໆ ເພື່ອມາສັກໃຫ້ພະນັກງານບໍລິສັດຂອງຕົນ ແລະ ພາກສ່ວນອື່ນໂດຍຜ່ານບົດບາດຂອງຄະນະສະເພາະກິດແຕ່ລະຂຶ້ນຊຶ່ງໃຈກາງແມ່ນກະຊວງສາທາລະນະສຸກ6. ໃຫ້ບັນດາຂະແຫນງການ, ອົງການທຽບເທົ່າ ຂັ້ນສູນກາງ ແລະ ອົງການປົກຄອງທ້ອງຖິ່ນທຸກຂັ້ນ ຈັດຕັ້ງຜັນຂະຫຍາຍ ແຈ້ງການສະບັບນີ້ ໂດຍສົມທົບກັບການຈັດຕັ້ງປະຕິບັດຄໍາສັ່ງເລກທີ 15/ນຍ ແລະ ຄໍາແນະນໍາຂອງຄະນະສະເພາະກິດວາງອອກ ໃນ ແຕ່ລະໄລຍະ ຢ່າງເຂັ້ມງວດ.
    ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ປະຕິບັດຕາມເນື້ອໃນແຈ້ງການສະບັບນີ້ດ້ວຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.