ຮອງນາຍົກລັດຖະມົນຕີ ແລະຄະນະເຄື່ອນໄຫວຢ້ຽມຢາມ ແລະຊີ້ນໍາວຽກງານຢູ່ດ່ານສາກົນຂົວມິດຕະພາບ ລາວ-ໄທ ແຫ່ງທີ 1

    0
    61

    ໃນຕອນເຊົ້າວັນທີ 24 ເມສາ 2021 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ,ລັດຖະມົນຕີກະຊວງແຜນການແລະການລົງທຶນແລະຄະນະໄດ້ເຄື່ອນໄຫວຢ້ຽມຢາມແລະກວດກາເບິ່ງສະພາບສະຖານທີ່ປ່ຽນຖ່າຍສິນຄ້າ,ການເຂັ້ມງວດກວດກາແຮງງານລາວກັບຄືນເພື່ອປ້ອງກັນພະຍາດໂຄວິດ 19 ຢູ່ດ່ານສາກົນຂົວມິດຕະພາບ ລາວ-ໄທ

    ແຫ່ງທີ 1 ນະຄອນຫລວງວຽງຈັນ ໂອກາດນີ້ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ,ລັດຖະມົນຕີກະຊວງແຜນການແລະການລົງທຶນແລະຄະນະໄດ້ຮັບຟັງ
    ການລາຍງານຈາກ ພັອ ປອ ຄຳພອນ ເທບພະວົງ ຫົວຫນ້າຄະນະຄຸ້ມຄອງດ່ານສາກົນຂົວມິດຕະພາບລາວ-ໄທແຫ່ງທີ 1 ໂດຍໄດ້ຍົກໃຫ້ເຫັນການຈັດຕັ້ງປະຕິບັດເຄື່ອນໄຫວ

    ໄລຍະຜ່ານມາແລະບັນດາມາດຕະການປ້ອງກັນພະຍາດໂຄວິດ 19 ຢູ່ພາຍໃນຂົວ, ລວມທັງຂໍ້ສະດວກ,ຂໍ້ຫຍຸ້ງຍາກໃນການປ້ອງກັນດ້ານຕ່າງໆ ເປັນຕົ້ນ: ງົບປະມານ, ບຸກຄະລາກອນ, ອຸປະກອນການແພດຍັງບໍ່ພຽງພໍ,ບັນຫາແຮງງານລາວກັບຄືນປະເທດ, ການຄຸ້ມຄອງໂຊເຟີ້ລົດບັນທຸກທີ່ຂົນສົ່ງສິນຄ້າຍັງບໍ່ທັນເຂັ້ມງວດເທົ່າທີ່ຄວນເນື່ອງຈາກມີແຕ່

    ການວັດແທກອຸຫະພູມເທົ່ານັ້ນບໍ່ໄດ້ກວດຫາເຊື້ອພະຍາດໂຄວິດ 19 ກັບທີ່ເຮັດໃຫ້ມີຄວາມສ່ຽງແລະອື່ນໆ. ພາຍຫລັງໄດ້ຮັບຟັງການລາຍງານຈາກຫົວຫນ້າຄະນະຄຸ້ມຄອງດ່ານສາກົນຂົວມິດຕະພາບລາວ-ໄທແຫ່ງທີ1ແລ້ວ,ຕາງຫນ້າຂະແຫນງການປິ່ນອ້ອມໄດ້ຜັດປ່ຽນກັນສະເຫນີຄຳຄິດຄຳເຫັນຕໍ່ການຈັດຕັ້ງປະຕິບັດວຽກງານ ແລະມາດຕະການປ້ອງກັນພະຍາດໂຄວິດ 19 ,ຈາກນັ້ນທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ,ລັດຖະມົນຕີກະຊວງແຜນການແລະການລົງທຶນ ໄດ້ໂອລົມ ແລະໃຫ້ທິດຊີ້ນຳແກ່ຄະນະ

    ຄຸ້ມຄອງດ່ານສາກົນຂົວມິດຕະພາບລາວ-ໄທແຫ່ງທີ1ໃຫ້ ເອົາໃຈໃສ່ປະຕິບັດຫນ້າທີ່ຂອງຕົນຢ່າງສຸດຄວາມສາມາດເພື່ອປ້ອງກັນຄວບຄຸມພະຍາດໂຄວິດ 19 ເປັນຕົ້ນ:ຄຸ້ມຄອງຕິດຕາມຈຳນວນກຳມະກອນແບກຫາບສິນຄ້າໃນສາງໃຫ້ເຂົ້າສູ່ລະບຽບ ແລະປຸກລະດົມໃຫ້ເຂົາເຈົ້າໄປສັກວັກຊິນປ້ອງກັນພະຍາດໂຄວິດ 19 ,ສະເຫນີຢາກໃຫ້ມີການຄຽນຖ່າຍສິນຄ້າຮູບແບບຫົວລາກ,ຫາງລາກເພື່ອຫລີກລ້ຽງບໍ່ໃຫ້ພະຍາດໂຄວິດ 19 ເຂົ້າມາລາວ .ໂອກາດດຽວກັນນີ້,ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ,ລັດຖະມົນຕີ

    ກະຊວງແຜນການແລະການລົງທຶນແລະຄະນະໄດ້ໄປກວດກາເບິ່ງສະຖານທີ່ປ່ຽນຖ່າຍສິນຄ້າຢູ່ຈຸດຕ່າງໆແລະຈຸດພັກເຊົາຂອງໂຊເຟີລົດຂົນສົ່ງສິນຄ້າ ,ສະຖານທີ່ກວດວັດແທກອຸນຫະພູມເພື່ອໃຫ້ຮັບປະກັນໃນການປ້ອງກັນພະຍາດໂຄວິດ 19 .ຈາກນັ້ນໄດ້ສືບຕໍ່ໄປກວດເບິ່ງສະຖານທີ່ໂຮງຫມໍພາກສະຫນາມຢູ່ສະຫະພັນເຕະບານແຫ່ງຊາດລາວ ບ້ານຫ້ວຍຫົງ ນະຄອນຫລວງວຽງຈັນຕື່ມອີກ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.