ແຈ້ງການ ຍົກເລີກມາດຕະການໂຈະການນໍາເຂົ້າອາຫານທະເລ ສົດ ແຊ່ແຂງ ທີ່ມາຈາກປະເທດທີ່ ມີການລະບາດຂອງໂຄວິດ

    0
    144

    ກະຊວງອຸດສາຫະກໍາ ແລະ ການຄ້າ,​ ຄະນະສະເພາະກິດຮັບມືການແຜ່ລະບາດຂອງພະຍາດໂຄວິດ-19​ ເລກທີ 02 /ອຄ.ສພກ, ນະຄອນຫຼວງວຽງຈັນ, ວັນທີ 22 ເມສາ 2021​ ແຈ້ງການເຖິງຄະນະສະເພາະກິດ ກະຊວງກະສິກໍາ ແລະ ປ່າໄມ້, ຄະນະສະເພາະກິດ ກະຊວງສາທາລະນະສຸກ,​ ຄະນະສະເພາະກິດ ກະຊວງການເງິນ, ຄະນະສະເພາະກິດ ກະຊວງການຕ່າງປະເທດ, ຄະນະສະເພາະກິດຂອງບັນດາແຂວງ, ນະຄອນຫຼວງວຽງຈັນ, ບັນດາດ່ານຊາຍແດນ ແລະ ສະໜາມບິນສາກົນ ທົ່ວປະເທດ​ ເລື່ອງ​ຍົກເລີກມາດຕະ

    ການໂຈະການນໍາເຂົ້າຊົ່ວຄາວ ອາຫານທະເລ (ສົດ, ແຊ່ແຂງ) ທີ່ມາຈາກປະເທດທີ່ມີການລະບາດຂອງພະຍາດໂຄວິດ-19.ອີງຕາມ ຜົນກອງປະຊຸມອະນຸກຳມະການຂອງຄະນະສະເພະກົດ ໃນການວາງມາດຕະການປ້ອງກັນ, ຄວບຄຸມ​ ແລະ ແກ້ໄຂການລະບາດຂອງພະຍາດໂຄວິດ-19 ຄັ້ງວັນທີ 12 ເມສາ 2021​ ຜ່ານການປະສານງານ ກັບ ຂະແໜງການທີ່ກ່ຽວຂ້ອງ, ບັນດາອົງການຈັດຕັ້ງສາກົນ (ອົງການອານາໄມໂລກ,​ ອົງການອາຫານໂລກ) ແລະ ປະເທດທີ່ມີການນໍາເຂົ້າ-ສົ່ງອອກອາຫານທະເລ (ສົດ, ແຊ່

    ແຂງ) ກ່ຽວກັບຫຼັກຖານຢັ້ງຢືນທາງດ້ານວິທະຍາສາດ ເຫັນວ່າ: ອາຫານທະເລ (ສົດ, ແຊ່ແຂງ) ບໍ່ແມ່ນພາຫະແຜ່ເຊື້ອພະຍາດໂຄວິດ-19​ ຢ່າງແທ້ຈິງ.​ ສະນັ້ນ, ເພື່ອເຮັດໃຫ້ການນໍາເຂົ້າ ແລະ ຈຳໜ່າຍອາຫານທະເລ (ສົດ, ແຊ່ແຂງ) ຖືກຕ້ອງຕາມກົດໝາຍແລະ ລະບຽບການ ພ້ອມທັງຮັບປະກັນຄວາມປອດໄພ ຕໍ່ຜູ້ບໍລິໂພກຄະນະສະເພາະກິດກະຊວງອຸດສາຫະກຳ ແລະ ການຄ້າ ອອກແຈ້ງການດັ່ງນີ້:

    1. ຍົກເລີກມາດຕະການໂຈະການນໍາເຂົ້າ ແລະ ຜ່ານແດນ ຊົ່ວຄາວ ອາຫານທະເລ (ສົດ, ແຊ່ແຂງ) ທີ່ມາຈາກປະເທດທີ່ມີການລະບາດຂອງພະຍາດໂຄວິດ-19 ຕາມແຈ້ງການ ເລກທີ 1203/ອຄ, ສພກ, ລົງວັນທີ 24​ ທັນວາ 2020.2. ການນໍາເຂົ້າ ແລະ ຜ່ານແດນ ອາຫານທະເລ (ສົດ, ແຊ່ແຂງ) ແມ່ນອະນຸຍາດໃຫ້ຜ່ານດ່ານສາກົນເທົ່ານັ້ນ ແລະ​ ຕ້ອງມີເອກະສານຢັ້ງຢືນສຸຂານາໄມຈາກປະເທດຕົ້ນທາງ ແລະ ປະຕິບັດຕາມເງື່ອນໄຂຕ່າງໆ ທີ່ຂະແໜງການກະສິກໍາ ແລະ ປ່າໄມ້ ກໍານົດໄວ້ ຢ່າງເຂັ້ມງວດ.

    3. ໃຫ້ພະແນກອຸດສາຫະກໍາ ແລະ ການຄ້າ ແຂວງ, ນະຄອນຫຼວງວຽງຈັນ ສົມທົບກັບຫ້ອງການອຸດສາຫະກໍາ​ ແລະ ການຄ້າ ເມືອງ, ນະຄອນ ແລະ ພາກສ່ວນທີ່ກ່ຽວຂ້ອງ ເພື່ອລົງກວດກາການລັກລອບນໍາເຂົ້າ ແລະການຈໍາໜ່າຍ ອາຫານທະເລ (ສົດ, ແຊ່ແຂງ) ທີ່ບໍ່ຖືກຕ້ອງ, ຖ້າພົບເຫັນ, ແມ່ນໃຫ້ພິຈາລະນານໍາໃຊ້ມາດ
    ຕະການຕໍ່ຜູ້ລະເມີດ ຕາມກົດໝາຍ ແລະ ລະບຽບການ ທີ່ໄດ້ກໍານົດໄວ້.4. ແຈ້ງການສະບັບນີ້ ມີຜົນສັກສິດນັບແຕ່ວັນທີ 01 ພຶດສະພາ 2021 ເປັນຕົ້ນໄປ ແລະ ປ່ຽນແທນແຈ້ງການເລກທີ່ 1203/ອຄ.ສພັກ, ລົງວັນທີ 24 ທັນວາ 2020.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.