ຕາມຕິດກວດກາເຂັ້ມງວດ ຕາມລຳແມ່ນ້ຳຂອງ

    0
    213

    ເພື່ອຮັບປະກັນຄວາມປອດໄພຕາມຊາຍແດນລາວ-ໄທ ໂດຍສະເພາະຈຸດຂ້າມລອຍ ບໍ່ໃຫ້ມີການລັກລອບເຂົ້າເມືອງແບບຜິດກົດໝາຍ ໃນສະຖານະການທີ່ພະຍາດອັກເສບປອດກຳລັງລະບາດຢູ່ປະເທດໄທ ແລະລາວເຮົາກໍ່ຕິດເພີ່ມຂຶ້ນໃນທຸກໆວັນ ເຈົ້າໜ້າທີ່ຈິ່ງໄດ້ອອກກວດກາລາດຕາເວັນຢ່າງເຄັ່ງຄັດ.ໂດຍປະຕິບັດຕາມທິດຊີ້ນຳຂອງກົມໃຫຍ່ ສັນຕິບານ ກະຊວງ ປກສ ແລະ ໄດ້ຮັບການຊີ້ນຳຈາກກອງບັນຊາການ ປກສ ນວ ໃນຕອນເຊົ້າຂອງວັນທີ 20 ເມສາ 2021 ພັທ ສັງວານ ຂາວປະເສີດ ຫົວໜ້າຫ້ອງສັນຕິບານ ປກສ

    ນະຄອນຫຼວງວຽງຈັນ ພ້ອມດ້ວຍຄະນະໄດ້ລົງສົມທົບກັບ ປກສ ເມືອງຫາດຊາຍຟອງ ແລະ ທະຫານຊາຍແດນ ລົງຊຸກຍູ້ຕິດຕາມກວດກາວຽກງານປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍຕາມຈຸດຂາມລອຍຊາຍແດນ ລາວ-ໄທ ໃນຂອບເຂດຂອງເມືອງຫາດຊາຍຟອງ.ໃນການລົງຄັ້ງນີ້ ໄດ້ນຳເອົາບັນດານິຕິກຳ ຫຼື ຄຳສັ່ງ ແລະ ແຈ້ງການຕ່າງໆ ໄປແຈ້ງໃຫ້ກຳລັງປ້ອງກັນຄວາມສະຫງົບລຽບຕາມຊາຍແດນ, ກຳລັງ ປກສ ກຸ່ມຮັບຊາບ ເພື່ອສົມທົບກັບທະຫານຊາຍແດນ 243 ແຕ່ລະຈຸດ ແລະ ຊຸກຍູ້

    ໃຫ້ກໍາລັງ ປກສ-ປກຊ 243 ເອົາໃຈໃສ່ລາດຕະເວນຕາມຊາຍແດນລຳແມ່ນ້ຳຂອງ ລາວ-ໄທ ແລະ ປະຕິບັດຕາມແຈ້ງການຂອງເຈົ້າເມືອງຫາດຊາຍຟອງ ເລກທີ 107/ຈມຫຊຟ ລົງວັນທີ 19 ເມສາ 2021 ຫ້າມເຮືອຫາງຍາວທຸກລຳອອກເຄື່ອນໄຫວຫາປາຕາມລຳແມ່ນ້ຳຂອງໂດຍເດັດຂາດ ເພື່ອເພີ່ມທະວີ ແລະ ເອົາໃຈໃສ່ໃນການປະຕິບັດບັນດາມາດຕະການ ເພື່ອປ້ອງກັນ ແລະ ຄວບຄຸມ, ແກ້ໄຂການແຜ່ລະບາດຂອງພະຍາດ Covid-19 ໃນໄລຍະນີ້ຈົນຮອດທ້າຍເດືອນ ເມສາ 2021.

    ພັທ ສັງວານ ຂາວປະເສີດ ໃຫ້ຮູ້ຕື່ມວ່າ: ໃນການລົງຄັ້ງນີ້ເຫັນວ່າແຕ່ລະຈຸດກັງປ້ອງກັນແຕ່ລະ ປກສ ກຸ່ມ ໃນຂອບເຂດລຽບຕາມຊາຍແດນແມ່ນ້ຳຂອງໄດ້ຮັບຮູ້ ແລະ ຮ່ວມມືພ້ອມກັນຈັດຕັ້ງປະຕິບັດຢ່າງເຂັ້ມງວດ. ເພື່ອສະກັດກັ້ນ ການຂ້າມລອຍທີ່ບໍ່ໄດ້ຮັບອະນຸຍາດ ແລະ ຍັງໄດ້ຮຽກຮ້ອງໃຫ້ພໍ່ແມ່ປະຊາຊົນທຸກຊັ້ນຄົນ ຈົ່ງພ້ອມກັນເອົາໃຈໃສ່ມີສະຕິຊ່ວຍເປັນຫູເປັນຕາຊ່ວຍເຈົ້າໜ້າທີ່ ຖ້າພົບເຫັນຜູ້ລະເມີດໃຫ້ຮີບຮ້ອນລາຍງານເຈົ້າໜ້າທີ່ຢູ່ໃກ້ຄຽງ ຫຼື ແຈ້ງມາທີ່ເບີວອດແອັບ 02028899774 ຫຼື ແຈ້ງມາທີ່ເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

    ຂ່າວຈາກ: ປ້ອງກັນຄວາມສະຫງົບນະຄອນຫຼວງ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.