ອິນ​ເດຍ ພາຍໃນມື້ດຽວມີຜູ້​ຕິດ​ເຊື້ອ ​ໂຄ​ວິດ ​ເພີ່ມ​ຂຶ້ນ​ເກືອບ 300.000 ຄົນ​

    0
    198

    ສຳນັກ​ຂ່າວ News Asia ລາຍ​ງານ​ວັນ​ທີ 21 ​ເມສາ ​ນີ້ວ່າ: ທ່ານ ນາຣັນ ທຣາ​ໂມ​ດີ, ນາຍົກລັດຖະມົນຕີ ອິນ​ເດຍ ຢືນຢັນ ຍັງ​ບໍ່​ທັນ​ປິດ ​ປະ​ເທດ ​ເຖິງ​ວ່າ ອັດຕາ ​ຜູ້​ຕິດ​ເຊື້ອ ​ໂຄ​ວິດ-19 ​ເພີ່ມ​ຂຶ້ນ​ເກືອບ 300.000 ຄົນ​ຕໍ່​ວັນ​ແລ້ວ ​ແລະ ຍາກ​ໃຫ້​ຊາວ​ອິນ​ເດຍ ຍົກ​ລະດັບ ຄວາມ​ພະຍາຍາມ ​ໃນ​ການ​ຄວບ​ຄຸມ ​ການ​ແຜ່ລະບາດ ​ໂຄ​ວິດ-19

    ພາຍ​ໃນ​ປະ​ເທດ ຂະນະ​ທີ່ ນະຄອນຫລວງ ​ນີວ​ແດນ​ລີ, ລັດມະຫາຣາສະ​ຕາ​ຣະ ​ແລະ ລັດ​ອຸຕຣະປະ​ເທດ ​ໄດ້​ອອກ​ມາດ​ຕະການ ​ປິດ​ເມືອງ ຫລັງ​ຈາກ ຍອດ​ຜູ້​ຕິດ​ເຊື້ອ​ເພີ່ມ​ຂຶ້ນ ​ຢ່າງ​ວ່ອງ​ໄວ ​ໂດຍ​ບັງຄັບ ​ໃຫ້​ປິດ​ທຸລະ​ກິດ ​ທີ່​ບໍ່​ຈຳ​ເປັນ ຕໍ່​ການ​ດຳລົງ​ຊີວິດ ລວມທັງ ​ຕັ້ງຈຸດ​ກວດ​ ຢ່າງ​ເຂັ້ມງວດ ​ໃນ​ຍາມ​ກາງຄືນ ​ໃນ​ບາງ​ຈຸດ.ປັດຈຸບັນ ອິນ​ເດຍ ປະຊາກອນ

    1,3 ພັນ​ລ້ານ​ກວ່າ​ຄົນ ພົບ​ຜູ້​ຕິດ​ເຊື້ອ​ ທັງ​ໝົດ 294.290 ຄົນ ພາຍ​ໃນ 1 ວັນ ​ແລະ ນັບ​ເປັນ​ວັນ​ທີ່ 7 ທີ່​ມີ​ຜູ້​ຕິດ​ເຊື້ອ ​ເກີນ 200.000 ຄົນ​ຕໍ່​ວັນ. ຂະນະ​ທີ່ ອິນ​ເດຍ ມີ​ຜູ້​ຕິດ​ເຊື້ອ ​ທັງ​ໝົດ 15,3 ລ້ານ​ກວ່າ​ຄົນ ​ແລະ ​ເສຍ​ຊີວິດ​ແລ້ວ 182.570 ຄົນ.

    ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.